~! || உடல் || உள்ளம் || உயிர் || உலகம் உரசும் நாற்சந்தி >> || || || || << !~ :) தமிழ்ப் பிழைகளின் தலைமையகம் :) எத்தனை குறைகள், எத்தனை பிழைகள், எத்தனை அடியேன், எத்தனை செய்தால், பெற்றவன் நீ குரு பொறுத்தருள்வது உன் கடன்!!!

Archive for the ‘கல்கி’ Category

சொன்னால் நம்பமாட்டீர்கள் – சின்ன அண்ணாமலை

நாற்சந்தி கூவல் – ௧௦௨(102)
(புத்தகப் பரிந்துரை)

பன்முகம் கொண்ட பண்பாளர்களை (பற்றி) வாசிப்பது ஒரு சுகானுபவம். 1900களின் காலக்கட்டத்தில் இத்தகு மேதமை கொண்ட மனிதர்கள் பல இருந்தனர் என்று நான் எண்ணமிடுவதுண்டு. சின்ன அண்ணாமலையும் அந்த பட்டியலில் பெருமையுடன் சேர்கிறார்.

யார் இவர்? அரசியல்வாதியா? நகைசுவை ததும்ப உரையாற்றும் பேச்சாளரா? காங்கிரஸ் தொண்டரா? கல்கி விசிறியா? ராஜாஜி பக்தரா? எம்.ஜி.ஆர் அண்ணாவின் அன்பு தோழரா? எழுத்தாளரா? காந்தியவாதியா? மா.பொ.சி-யின் நண்பரா? பத்திப்பாளரா? சுதந்திர போராட்ட வீரரா? திரைப்பட தாயாரிப்பாளரா வசனக்கர்த்தாவா? இன்னும் இன்னும் என்னவென்று அடுக்க முயாத அளவு கீர்த்திகளை கொண்ட எளியவர், தமிழன்பர்.

chinna annamalai with rajaji

சுயசரியதை மாதிரியான புத்தகம் தான், ஆனால் அத்தனை சுவையாக உள்ளது. நறுக்கென எழுதி, களுக்குக்கென சிரிக்க வைக்கிறார். வரிசையாக படிக்க வேண்டிய அவசியம் இல்ல, ஊருகாய் போல அங்கு அங்கு தொட்டு ருசிக்கலாம், பின்னர் முழுவதும் ரசிக்கலாம். தெளிந்த நீரோடை போன்ற எண்ணங்கள், அதில் பாய்ந்து வரும் ஜலமென வேக நடை.

வரலாறு என்றுமே பாரபட்சம் மிகுந்தது. அதுவும் நம் சுதந்தரக் கதை மேற்கத்திய மாநிலங்களின் ஆதிக்கத்துடன் எழுத்தப்பட்டுள்ளன எனபது சொல்லப்படாத உண்மை. அதை மட்டுமே நாம் வாசித்து, பேசி, விவாதித்து, பாராட்டி வருகிறோம் என்பதில் தான் எனக்கு அதீத வருத்தம்.

சின்ன அண்ணாமலை பற்றி உங்களில் எத்தனை பேருக்கு தெரியும் ? ஆங்கில அரசு இவரை நல்லிரவில் கைது செய்து, திவாடானை சிறைச்சாலையில் வைத்தது. காரணம் 144 தடை உத்தரவை மீறி கூட்டம் போட்டது, பேசியது. இதில் என்ன பெரிய விஷயம் இருக்கிறது ? அதற்கு பின் நடந்த சம்பவங்கள் தான் முக்கியத்துவம் வாய்ந்தவை.

கலையில் இந்த செய்தியை அறிந்த மக்கள், தேவக்கோடையிலிருந்து ஊர்வலமாக திரண்டு சென்று, சிறையை உடைந்து, தீவைத்து, இவரை விடுதலை செய்தது. இவர்கள் எல்லோரும் இரவு திரும்ப வரும் வழியில், பிரிட்டிஷ் காவல் துறையினர் துப்பாக்கி சூடு நடத்தினர், பல நூறு பேர் இறந்தனர்,  காயமடைந்தனர், உதவ ஆள்லில்லாமல் துடிதுடித்து செத்தனர். கையில் குண்டடியுடன் சின்ன அண்ணாமலை அதிஷ்டவசமாக தப்பித்தார். தேசத்தில் இது போல, ஒரு சம்பவம் இதற்கு முன் நடந்ததேயில்லை ! (காந்தியே இதைக் கேட்டு ஆச்சிரியப்பட்டு, அவரை பாராட்டினார் என்றால் பார்த்துக் கொள்ளுங்கள்)

இப்படி பட்ட “சொன்னால் நம்ப முடியாத” அதிசயங்கள் பல இவர் வாழிவில் நடந்துள்ளது. குமுதம் இதழில் தொடராக எழுதியுள்ளார். பின்னர் புத்தக வடிவம் கொண்டுள்ளது.

இந்த புத்தகத்தை நீங்கள் ஏன் படிக்க வேண்டும் ? மிக முக்கியமான காரணாம், தமிழகத்தில் தி.மு.க அல்லது திராவிட கட்சிகள் எப்படி ஸ்திரம் கொண்டது, காங்கிரெஸ் எப்போது வீழ்ந்தது ? காரணம் என்ன ? கர்த்தாக்கள் யார் ? அதன் ஆயுள் மிகுந்த ஆட்சியின் தோல்வி எப்படி சாத்தியமானது ? என்பதை போகிற போக்கில், எளிமையா, உள்ளது உள்ளபடி சொல்லி செல்கிறார் சின்ன அண்ணாமலை. இவை அனைத்தையும் அவர் நேரில் இருந்து பார்த்து, அனுபவித்து எழுதியுள்ளார்.

நான் உன்னிப்பாக கவனித்த ஒரு விஷயம்: 1950களில் இருந்த அரசியல் தலைவர்களின் பாராட்ட மிகுந்த பண்புகள். எத்தனை தான் அரசியல் கொள்கைளில் சண்டைகள் இருந்தாலும், தேர்தலில் போட்டிகள் இருந்தாலும், தாக்கி வீழ்த்தி மேடைகளில் பேசினாலும், பரஸ்பர நட்பும், அன்பும், மரியாதையும் கொண்டிருந்தனர். தனிப்பட்ட துவேஷம் அறவே இல்லை என்றே சொல்லலாம்.

தமிழிசை, செழுமை பெற்ற காலத்தின் கதை, இந்த புத்தகத்தில் உள்ளது. தேவக்கோட்டையில் இரண்டாம் தமிழிசை மாநாடு நடத்திய பெருமை இவருக்கு உண்டு. தமிழ் பண்ணை – என்னும் பதிப்பகத்தின் மூலம் பல நல்ல தமிழ் அறிஞர்களின் இலக்கியங்களை செம்பதிப்புகளாக வெளியிட்டுள்ளார். குறிப்பாக சொல்ல வேண்டுமென்றால், இவர் வெளியிட்ட கட்டபொம்மன் மற்றும் கப்பலோட்டிய தமிழன் புத்தகங்கள் மிகவும் பிரசித்தம் வாய்ந்தவை. இதன் திரைப்படங்கள் வெளிவரவும் இவரே காரணமாக இருந்துள்ளார்.

மலைக்கள்ளன் படம் வெளிவர அறிஞர் அண்ணா தான் தூண்டுகோலாக இருந்துள்ளார் என்ற சம்பவத்தை படிக்கும் போது மிகுந்த மகிழ்ச்சி அடைத்தேன். போதும் மீதியை நீங்களே வாசித்து இன்புறவும்.

எனக்கு மிகவும் பிடித்திருந்தது, புத்தகத்தின் கடைசி அத்தியாயம் தான்! அதன் தலைப்பு “நானும் எழுத்தாளனானேன்!”. இப்போது நினைத்தாலும் சிரிப்பு முட்டுக் கொண்டு வருகிறது.

நிகழ்கால வந்தியதேவன் என்ற பட்டத்தை இவருக்கு தரலாம் என்று நினைக்கிறேன், இவரின் ஆளுமைக்கும் திறனுக்கும் இது சாலப்பொருத்தமானது. எத்தனை எத்தனை அரும் பெரும் காரியங்களை செய்துள்ளார்! எவ்வளவோ பெரும் மனிதர்களுடன் நட்புக் கொண்டுள்ளார்! வாசித்து விட்டு, வந்து சொல்லுங்கள், இவரை வந்தியத்தேவன் என்று அழைப்பது சரிதானாவென்று !

பி.கு : சின்ன அண்ணாமலையின் “சொன்னால் நம்பமாட்டீர்கள்” நாட்டுமையாக்கப்பட்ட நூல். பதிவிறக்கம் செய்ய சொடுக்கவும் – தமிழ் இணையக் கல்விக்கழக நூலகம். மின்னல் வேகத்தில் நானே படித்து முடித்தேன், உங்களைப் பற்றி சொல்லவா வேணும்!

பொன்னியின் புதல்வன் கல்கிக் கதம்பம்

நாற்சந்தி கூவல் – ௯௧(91)

(கல்கி பதிவு)

ஆடித்திருநாள் சிறப்புப் பதிவு

ஆதி அந்தமில்லாத கால வெள்ளத்தில் கற்பனை ஓடத்தில் ஏறி என்னுடன் சிறிது நேரம் பிரயாணம் செய்யுமாறு நாற்சந்தி நண்பர்களை அழைக்கிறேன்…. ஆடித் திங்கள் பதினெட்டாம் நாள் முன் மாலை நேரத்தில் நீங்கள் இந்த பதிவைப் படிக்க செய்த பாக்கியத்தை எண்ணி மகிழ்கிறேன்.

ஆடிப் பதினெட்டாம் பெருக்கன்று சோழநாட்டு நதிகளிலெல்லாம் வெள்ளம் இருகரையும் தொட்டுக் கொண்டு ஓடுவது வழக்கம். அந்த நதிகளிலிருந்து தண்ணீர் பெறும் ஏரிகளும் பூரணமாக நிரம்பிக் கரையின் உச்சியைத் தொட்டுக் கொண்டு அலைமோதிக் கொண்டிருப்பது வழக்கம்.

அந்த ஏரித் தண்ணீரைக் கொண்டு கண்ணுக்கெட்டிய தூரம் கழனிகளில் உழவும் விரை தௌியும் நடவும் நடந்து கொண்டிருந்தன. உழுது கொண்டிருந்த குடியானவர்களும் நடவு நட்டுக் கொண்டிருந்த குடியானப் பெண்களும் இனிய இசைகளில் குதூகலமாக அங்கங்கே பாடிக் கொண்டிருந்தார்கள்

ஆம், ஆசான் கல்கியின் அமரக்காவியம் பொன்னியன் செல்வன் வரிகளே. இதை படித்த ஒரு ஆடித்திருநாளில், என்னுள் புது வெள்ளம் போல் பாய்ந்தாள் கன்னி தமிழ். படிக்க படிக்க அவள் மீதுள்ள மோகமும் ஆசையும் தீர்ந்த பாடில்லை.

அன்று பதினெட்டாம் பெருக்குத் திருநாள் அல்லவா? பக்கத்துக் கிராமங்களிலிருந்து, தந்த நிறத் தென்னங்குருத்துகளால் சப்பரங்கள் கட்டி இழுத்துக் கொண்டு கும்பல் கும்பலாக மக்கள் அங்கே வந்து கொண்டிருந்தார்கள். ஆண்களும் பெண்களும் குழந்தைகளும் சில வயோதிகர்களும் கூடப் புதிய ஆடைகள் அணிந்து விதவிதமான அலங்காரங்கள் செய்து கொண்டு வந்திருந்தார்கள்.

பெண்களின் கூந்தல்களைத் தாழம்பூ, செவந்திப்பூ, மல்லிகை, முல்லை, இருவாட்சி, செண்பகம் முதலிய மலர்கள் கொத்துக் கொத்தாய் அலங்கரித்தன. கூட்டாஞ்சோறும், சித்திரான்னமும் எடுத்துக் கொண்டு பலர் குடும்பம் குடும்பமாக வந்திருந்தார்கள். சிலர் ஏரிக்கரையில் தண்ணீர் ஓரமாக நின்று கொண்டு, சித்திரான்னம் முதலியவற்றைக் கமுகு மட்டைகளில் போட்டுக் கொண்டு உண்டார்கள்.

இன்னும் சில தைரியசாலிகள் சிறிது தூரம் தண்ணீரில் நடந்து சென்று வடவாற்றங்கரையை அடைந்து அங்கு நின்றபடி சாப்பிட்டார்கள். குழந்தைகள் சிலர் சாப்பிட்ட கமுகு மட்டைகளைக் கணவாய்களின் ஓரமாய் எறிய, அந்த மட்டைகள் கணவாய்களின் வழியாக ஏரிக்கரைக்கு வெளியே விழுந்தடித்து ஓடி வருவதைக் கண்டு கைகொட்டிச் சிரித்தார்கள். ஆடவர்களில் சில வம்புக்காரர்கள் தங்கள் காதலிகளின் கூந்தல்களில் சூடியிருந்த மலர்களை அவர்கள் அறியாமல் எடுத்துக் கணவாய் ஓரத்தில் விட்டு ஏரிக்கரைக்கு மறு பக்கத்தில் அவை ஓடி வருவதைக் கண்டு மகிழ்ந்தார்கள்………

“வடவாறு பொங்கி வருது
வந்து பாருங்கள், பள்ளியரே!
வெள்ளாறு விரைந்து வருது
வேடிக்கை பாருங்கள், தோழியரே!
காவேரி புரண்டு வருது
காண வாருங்கள், பாங்கியரே!”

எனக்கும் இதுப் போல பல நல்ல ஆடி நினைவுகள் உள்ளன. போன வருடம், ஆடித்திருநாள் தமிழ் தம்பியின் பதிவைப் படித்து விட்டு, ரஞ்சனி அவர்கள் கருத்தின் சில பகுதிகள் :

கல்கியின் ‘பொன்னியின்செல்வன்’ போன தலைமுறையிலிருந்து இந்த இளைய தலைமுறை வரை இதயத்தைக் கொள்ளை கொள்ளுவது வியப்பேதும் இல்லை. அது அமர காவியம் என்பதற்கு இந்தச் சான்று ஒன்று போதும்.

இந்த கமெண்ட்டை பார்த்த நான், அவர்களுக்கு ஒரு மின்னஞ்சல் அனுப்பினேன். என் வந்தியதேவன் பதிவைப் படித்து பார்க்கும் என்று. இப்படியே எங்கள் இணைய நட்பு இனிதே வளர்ந்து வருகிறது. சரியாக ஒரு வருடம் ‘ஓடோடி‘  விட்டது. வாழ்த்துக்கள் மற்றும் நன்றி மாமி

பொன்னியின் செல்வன் காலம் தாண்டி நிற்கிறது என்பதற்கு சரியான உதாரணம் : இந்த புத்தகத்தை அச்சிடாத பதிப்பகமே இல்லை. விகடன் முதல் வானதி வரை, எல்லா விலையிலும் வியாபித்து உள்ளது 🙂 அப்ப வாங்கி வாசிக்க எத்தனை பேர் இருப்பாங்க என்பததை நீங்களே கணக்குப் போடலாம்…..

இந்த வருடம் பாம்பே கண்ணனின் பெரும் முயற்சியில் பொன்னியின் செலவன் ஆடியோ புத்தகம் வெளிவந்துள்ளது. அவரின் சிவகாமியின் சபதம் ஆடியோ புத்தகம் ஒரு மாபெரும் செவி விருந்து. வருடத்திருக்கு ஒரு முறையாவது அதனை முழுமையாக கேட்டு முடிப்பேன்.

தொழில்நுட்ப வளர்ச்சியுடன் பொன்னியின் செல்வன் புகழும் வளர்ந்து வருகிறது. மின் புத்தகம் பல பல வடிவங்களில் இலவசமாக இணையத்தில் பதிவிறக்க உள்ளன. விக்கிபீடியாவில் முழுமையாக உள்ளது. நண்பர்கள் சொல்லி அறிந்தேன், Apple மற்றும் Android Applicationனாகவும் இந்த புத்தகம் இலவசமாக கிடைக்கிறது,

பொன்னியின் செல்வனில் ஆரம்பத்தில் கல்கி எழுத முயற்சித்த பகுதி : இலங்கை தீவில், ஊமை ராணி, அருள் மொழி வர்மனுக்கு சித்திரங்களைக் கொண்டு அவள் சரித்திரத்தை சொல்லுவாள். இதை எழுதிவிட்டு, தனது துணை ஆசிரியர் “பகீரதன்”னிடம் படிக்க கொடுத்தாராம். பகீரதன் ‘இன்னும் நல்லா இருக்கலாம்’ என்று சொல்ல, பல வருடங்களுக்கு பிறகு “ஆடிப்பெருக்கு” முதல் அத்தியாயமானது.

கல்கி

கல்கி

காவியத்தில் வரும் குடந்தை ஜோதிடர் பாத்திரத்தின் Inspiration -> பகீரதனின் அப்பா, அவரும் ஒரு ஜோசியர். கல்கி பகீரதனை முதல் முதல் சந்தித்தது பற்றி ஒரு சுவையான சம்பவம் உள்ளது ! ஒரு காங்கிரஸ் மேடை, இளைஞன் பகீரதன், ஜோதிடம், சகுனம், நேரம் பற்றி எல்லாம் நக்கல் நையாண்டியுடன் சிறப்பாக பேசுகிறான். கூட்டத்தில் அலையென கரகோஷமும், சிரிப்பொலியும் வெடிக்கிறது. கல்கி தான் விழா தலைமை, எல்லாம் முடிந்த பின், கல்கி அவர்கள் பகீரதனை அழைத்து “சிறப்பாக மனப்பாடம் செய்துள்ளாய், வாழ்த்துகள்” என்று சொன்னாராம். ஏட்டிக்கு போட்டி, மற்றும் பல கட்டுரைகளில் கல்கி எழுதியதை தான் அவன் பேசினான்……

எங்கோ தொடங்கி எங்கோ வந்து விட்டேன். நினைவில் இன்னும் பல பல கல்கி அலைகள் உள்ளன. மேலும் அவரைப்பற்றி வாசிக்க புத்தகங்கள் பல உள்ளன. சுந்தா அவர்களின் நூற்றாண்டு விழாவை முன்னிட்டு “பொன்னியின் புதல்வன்” – கல்கி வரலாறு, வானதியில் திரும்ப வெளிவந்துள்ளது. ராமமூர்த்து ஐயா தயவால், ஒரு பிரதி வாங்கி விட்டேன், மேலும் “நம் தந்தையர் செய்த விந்தைகள்” கல்கி பயணக்கட்டுரை தொகுப்பை படித்து முடித்தேன். இப்போ வாசிப்பது “மனிதன் எப்படி உயர்கிறான் ?” – 1931 தொடங்கி, கல்கி எழுதிய சினிமா விமர்சனங்களின் தொகுப்பு!

இன்னுமும்ம் சலிப்பு தட்டவில்லை. தினமும் கல்கி எழுதி எம் எஸ் அம்மா பாடிய பாடல்கள் என் செவிக்கு விருந்து 🙂 அவரோ சிலப்பதிகாரம், பாரதி மற்றும் தனது கவிதைகளைக் கொண்டு இந்த காவியத்துக்கும் சோபை சேர்த்து இருப்பார். இப்படி கல்கி, கல்கி, கல்கி…… என்று சொல்லிக்கொண்டே இருக்க வேணும். விரைவில் அவர் எழுதிய தனி படைப்புகளை படித்து முடிக்கபோறேன். #விளம்பரம் எதோ ஒரு இனம் தெரியாத இன்பன் என்னுள் உள்ளது.1954ரில் காலத்தில் கலந்த கல்கி, இன்னும் கலக்குவதைக் கண்டு வியகிங் !

போதும். நான் தம்பிக்கு எழுதிய ஒரு கமெண்ட்-டுடன் முடிக்கிறேன் :

ஏற்கனவே பல முறை சொல்லிவிட்டேன், மறுபடியும் சொல்கிறேன், கல்கியால் மட்டுமே தமிழ் பக்கம் ஈர்க்க பெற்றவன் நான். அதனால் உன்னையும் அவர் பக்கம் இழுத்தேன். நீயும் மயங்கி விட்டாய். அவர் எழுத்தோவியத்திற்கு மயங்கவாதவர்களே இல்லை எனலாம்.

காலம் இருக்கும் வரை
கல்கி புகழ் வாழ்க !
தமிழ் வாழ்கிறது
தமிழ் வளர்கிறது!

கல்கியால் நான் அடைந்தவைகளை பற்றி சொல்லி முடிக்க முடியாது : வாசிப்பு, நட்பு, ரசனை, எழுத்து, சொற்கள்………. கல்கிதாசன் என்று சொல்க்கொள்வதில் பெருமிதம் கொள்கிறேன். என் வாசிப்புலக வாழ்க்கையை க.மு – கல்கிக்கு முன், க.பி – கல்கிக்கு பின் எனப் பிரிக்கலாம் !

சுட்டிகள் :

பிகே : இந்த பதிவில் “பொன்னியின் செல்வன்”, “கல்கி” எத்தனை முறை உள்ளது ??

நாற்சந்தி நன்றிகள் !

நாற்சந்தி கூவல் – ௮௫(84)

(! பதிவு)

cooltext850575243

இன்று பதிவு எழுத வேண்டிய அவசியமே இல்லை. ஆனாலும் ஒரு காரணம் உண்டு. எந்த வித முன் யோசனையுமின்றி எழுத வந்துள்ளேன். இன்று நாற்சந்தி அதன் இரண்டாம் ஆண்டில் அடி எடுத்தி வைக்கிறது.  பிறந்த பிஞ்சு குழந்தையை, கழுத்து விட்டு போகாமல் இருக்க, கழுத்தை பிடித்து தூக்குவது வழக்கம். நீங்களும் இந்த தளத்தை அத்துனை அக்கறையுடன் பேணி, பாரட்டி, பாதுகாத்து, ஊக்குவித்து நடத்தி வந்துள்ளீர்கள். நன்றி என்று சொல்லி முடித்து விட முடியாது…… நம் நேசமும் பாசமும், எழுத்துகள் என்னும் பாலத்தின் மூலம் பலப்படட்டும்.

என் வளர்ச்சியை கண்டு என்னை விட மகிழ்ச்சி அடைபவர்கள் இவ்வுலகில் மிகவம் சில உளர் !  அதில் ஒருவன் தான் தமிழ் தம்பி. இன்று என்னை பற்றி ஒரு, பல சில பெருமையான பொய்களை கலந்து ஒரு பதிவு எழுதி உள்ளான்.

->>>>தவறவிடக் கூடதவன்.<<<<- தலைப்பில் சிறு பிழை. ‘தவறு கூடியவன்’ இது தான் உண்மையான தலைப்பு ! நம் ‘தமிழ் பிழைகளின் தலைமையாகத்துக்கு’  மிக பொறுத்தமான தலைப்பும் கூட ! எனக்கும் தான், நானும் நாற்சந்தியும் ஒன்றே! இருந்தாலும்

என் கருத்து : நன்றி தமிழ் தம்பி! நான் இத்தனை பாராட்டுக்கு தகுதி இல்லாதவன் ! என்னை வளர்க்கும் இந்த தமிழ் சமூகமும், கல்கி, பாரதி போன்றோர் செய்யும் விந்தை 🙂

வரலாற்றில் பதிய சில எண்கள், இதுவரை நாற்சந்தியில் :

  • 84 பதிவுகள்
  • 4 பக்கங்கள்
  • 27 பகுப்புகள்
  • 108 tags
  • 104 கமெண்ட்ஸ்
  • 4619 பார்வைகள் (அரை மணி முன் வரை)
  • 126 பார்வைகள் ஒரே நாளில் 05/02/2012
  • 26 followers ( 12 wordpress, 14 ஈமெயில்)
  • 8 பகிர்வுகள்

ஏற்கனவே சொல்லியது போல, நாற்சந்திக்கும் நாலுக்கும் பொருத்தம மிக அதிகம்.

நச்சுன்னு நாலு நாற்சந்தி பட்டியல்கள்

நாற்சந்தி நாலு –  நச் வாசகர்கள் :

நாற்சந்தி நாலு –  நச் வாசகர் விருப்பம் :

நாற்சந்தி நாலு –  நச் என் விருப்பம் :

நாற்சந்தி நாலு –  நச் தம்பிகள்  :

(தமிழ் தம்பி இதில் சேர்த்து இல்லை)

இன்று முதல் youtubeலும் : ஒலி பிரவேசம், முதல் காணொளி : பாரதி சிறப்பு பாடல் – வாழிய செந்தமிழ் ! . பாடியவர் : எம்.எஸ் அம்மா


இது வரை சொந்த கருத்துகளுடன் எழுதிய பதிவுகள் மிக குறைவு, என்பது தான் உண்மை. மேலே உள்ள பட்டியலை உருவாக்கும் பொழுது, இதனை, நன்கு உணர்ந்து கொண்டேன். இன்னும் சிறப்பாக எழுத ஆசை, என்று எல்லாம் சொல்ல மாட்டேன். அனைத்து பதிவுகளிலும் என் முழு முயற்சியை தந்துள்ளேன், என்பது எனக்கு தெரியம். உங்களுக்கு அது பிடிக்கிறதா, இல்லையா என்பது வேறு விடயம் (தமிழ்டா!).

நான் பொழப்புகாக எழுத்துபவன் அல்லன். பொழுது போக்குகாக மனம் உவந்து எழுதுபவன். எனவே எனக்கு கிடைக்கும் சிறு சிறு பாராட்டுகளும் சிகரங்களே, அது ஒரு பதிவன் likeகாகவோ, commnetடாகவோ, followingகாகவோ எதுவாகவோ இருந்தாலும் சரி! படிக்க தான் நிரம்ப உள்ளது. நிறைய படிக்க தான் ஆசை, வேறு ஒன்றும் இல்லை! அதில் வரும் இன்பங்களை, அனுபவங்களை, எண்ணங்களை முடிந்த மட்டும் பகிர்ந்து கொண்டு பயன் பெறுவோம் 🙂

ஏ நாற்சந்தி, நீ எனக்கு செய்த, நன்மைகளுக்குகாக, நீ நீடுழி வாழ்க!!!

நன்றி அறிவிப்புக’ழ்’ !

நாற்சந்தி கூவல் –  ௮௩(83)

(பல நன்றிகள்,சில அறிவிப்புகள்)

நன்றி அறிவிப்புக’ழ்’ !

(தலைப்பே கோளாறு………. x-( பின்ன என்னத்துக்கு நாற்சந்தி : தமிழ் பிழைகளின் தலைமையாகம் :))))

I

இந்த இன்ப நேரத்தில் ஒரு பதிவு அவிசயமா என்று எனக்கே தெரியவில்லை. இந்த ஒரு வாரத்துக்குள் எதாவது ஒரு பதிவாவது ஏழுதாமல் விடில் தமிழ் தலைவர் கோபித்து கொள்வார். (அவர் பெயர எல்லாம் கேக்கப்பிடாது). எனவே நாற்சந்தியின் தல தீபாவளி வாழ்த்துகளுடன் இந்த பதிவு சுபமா துவங்குகிறது. என்னை பொறுத்த வரை இந்த வருட தீபாவளி, சொல்லி புரிய வைக்க முடியாது, காணுங்கள்

என்னடா இந்த அமளி துமளி என்று கேட்டபவர்களுக்கு மட்டும் :  நாற்சந்தி தளத்தின் தலை பட்டையில் நீங்களே பார்த்து இருக்கலாம். ஆம் உங்கள் ஆதரவுடன் நாற்சந்தி நாலாயிரம் ++ பார்வைகளை தாண்டி சென்று விட்டது. இதற்கு முக்கிய காரணம் இருவர். ஒருவர் என் ஆசான் கல்கி (பதிவு : வந்தியத்தேவன்)  , மற்றவர் எனக்கு சிறிது மட்டுமே பரிச்சியம் உள்ள கம்பர் (பதவி : கம்பன் கேள்விகள்). எப்படியும் 4000 என்பது எவ்வகையில் பார்த்தாலும் மிக பெரிய இலக்கு / எண் !!!!

II

இதனால் நம்பிக்கை ததும்ப facebookஇல் நாற்சந்திக்கு என தனி பக்கம் துவங்கி உள்ளேன். பக்கத்தின் விலாசம் : http://www.facebook.com/pages/Naarchanthi/357487460942285 உங்கள் லைக், விரைவில் ஏதிர்பார்க்கப்படுகிறது. இதவரை நான்கு பேர் லைக் குத்தி என்னை ஆச்சிரியப் படுத்தி விட்டனர். நாற்சந்திக்கும் இந்த ‘நா’வுக்கும் நல்ல ராசி. (நாலாயிரம், நான்கு….) இது நிற்க. ரஞ்சனி அவர்களுக்கு என் நன்றிகள். சமீப காலாமாக நான் செய்யும் அத்தனை முயற்ச்சிகளுக்கும் மாமி கை கொடுத்து வருகிறார்.

III

பல நாள் கணவாக ஒரு இணைய ஆரம்பம், இசை இன்பம். ஆம் இசை பா isaipaa.wordpress.com பற்றி தான் சொல்கிறேன். நானும் தமிழ் தம்பியும் சேர்ந்து செய்யும் ஒரு பயணம். நீங்களும் இதில் சேருங்கள்.  தளத்தின் முதல் பதிவில் இருந்து சில வரிகள் :

உலகில் உள்ள உயிர்களையெல்லாம் இசையச் செய்வதால்தான் அது இசை. இசை என்பது சிரிப்பையும், அழுகையும் போல உலகை வசப்படுத்தக் கூடிய அனுபவம். உள்ளத்தையும் வசப்படுத்தக்கூடியது. உங்களைப் போல நாங்களும் வசப்பட்டோம். பரவசப்பட்டோம். உங்களுக்கும் அதே உணர்ச்சியை, அனுபவத்தை பகிர்ந்து பன்மடங்காக்கி  தர முயற்சிப்பதுதான், இந்த தளத்தின் அடி நாதம்!

வாருங்கள் இசையோடு பயணிப்போம். பாக்களுடன் பரவசம் மிக விரைவில் உங்கள் வசம்!

தமிழர்களின் தனி கடவுள் முருகனில் முயற்சியை ஆரம்பித்து, கமல், இளையராஜா என்று சென்று உள்ளோம். வாசகர் விருப்பங்கள் வரவேற்கப்படுகிறது. இது வரை இரண்டு விருபங்களை பெற்று உள்ளோம்!

IV

திரும்பவும் கம்பருக்கு வருவோம். கமபன் இணைய வானொலி, அதாங்க கம்பன் பாட்-காஸ்ட தொகுப்புகள். இவர்கள் செய்யும் பணி மிக மிக அரிதானது, சுவையானது. எழுத்தாளார் சொக்கன் ஆரம்பித்து இன்று சைலன்ட் சுறாவளியாக தமிழ் இணய மக்கள் மத்தியில் கம்பன் வலம் வருகிறார். நீங்களும் நிச்சியம் சென்று கேட்டு, மகிழ்ந்து, சிந்தித்து, பகிர வேண்டிய தளம். கம்பன், தமிழ் கவி அல்ல என்பது பலரது கூற்று. சென்று சில பேச்சுகளை / பாடல்களின் விளக்கத்தை கேட்டு விட்டு நீங்களே முடிவு செய்ய வேண்டியது தான் மிச்சம்.

குறிப்பாக : சொக்கன் அவர்கள் பேசும் முறை : இன்று நிஜ வாழ்வில் நடக்கும்  சம்பவத்தை வைத்து, அதற்கு பொருத்தமான ஒரு கம்பன் பாடலின் விளக்கம். கண்ணபிரான் அவர்கள் உரைகள் தமிழ் தேன் ஒழுகும். ராகவன் அவர்கள் சொற்பொழிவுகள் பறந்து விரிந்த கண்ணோட்டதோடு வித்தியாசாமாக இருக்கும். சுஷிமா சேகர் : பெண்களின் உணர்வுகளை மிகவும் தெளிவாகவும், நேர்த்தியாகவும் எடுத்து காட்டுகிறார்…..  இன்னும் பலர் உள்ளனர், சென்று செவி மடுத்து உணருங்கள.

பேச்சுகளில் சில கருத்து வேறுபாடு கொண்டு, பேசி தீர்த்து பல நண்பர்களை பெற்று உள்ளேன் என்பதில் மிக்க மகழ்ச்சி.

V

உங்களிடம் இருந்து ஒரு உதவி :  மேலே சொன்ன கமபன் இணைய வானொலிக்கு ஒரு தலை பட்டை (header image) செய்து தர வேண்டும். எங்கள் யாருக்கும் இந்த பிரிவில், ஒரு வித பரிசியமும் இல்லை. அது போல ஒரு banner imageம் தேவைப் படுகிறது. (எடு – நாற்சந்தி வலது இறுதியில் உள்ள DOSA banner)  எனவே உங்கள் படைப்புகளை சொக்கன் அவர்களுக்கு ட்விட்டர் மூலம் அனுப்பவும்.  அதில் உங்கள் பெயரையும் சின்னதாக சேர்த்து கொண்டால், தவறு ஏதும் இல்லை. அட்வான்ஸ் நன்றிகள் !

VI

ஆஸ்கார் நாயகன், இசை புயல் , ஏ.ஆர்.ரஹ்மான் அவர்கள் இணையத்தில் ஒரு அறிவிப்பு வெளியிட்டுள்ளார். ஆதாகப்பட்டது அவரின் அடுத்த இசை ப்ராஜெக்ட்டை முன்னிட்டு நம்மிடம் சில கேள்விகளை முன் வைக்கிறார். அதற்கான பதில்களை நீங்கள் காணொளியாக அவர்க்கு பதவி செய்து அனுப்ப வேண்டும். கேள்விகள் மட்டும் இங்கே :

  • நாடுகளின் எல்லைகள் (கோடுகளை ) நீக்குவது எப்படி ?
  • ‘விதி’ என்பதை நீங்கள் நம்ப காரணாம் என்ன ?
  • உங்களை பொறுத்த மட்டில் நல்ல இசை என்றால் என்ன ?
  • நல்ல மனிதனாக தேவியான குணங்கள் என்ன, என்ன ?
  • உங்கள் பொது (social)  வாழ்கையை வழி நடத்துவது எது : கலாச்சாரமா, நம்பிக்கையா, மதமா, சட்டங்களா ?

நல்ல கேள்விகள். யோசிக்க ஆரம்பித்து விட்டேன். நீங்களும் உங்கள் கருத்துகளை சொல்லுங்கள்!

 முழு அறிவிப்பு – சொடுக்கவும்

VII

92 ஆண்டுகள் தாண்டியும் தமிழகத்தில் வெற்றி நடை போடும் ஆன்மிக, பண்பாட்டு மாத இதழ் ஸ்ரீ ராமகிருஷ்ண விஜயம் நாளை முதல் நமக்காக மட்டும் : facebook பக்கம் ஆரம்பிக்கிறது. இத்தனை ஆண்டிகளில் வெளி வந்த சுவையான செய்திகள் அந்த பக்கத்தில் மறுபடி  வெளிவர உள்ளது. விரைவில் இணைப்பை பகிர்த்து கொள்கிறேன். வந்து விட்டது : இதோ www.facebook.com/srkvijayam  ஒவ்வொரு மாதமும்  விஜயம் : 1,50,000 பிரதிகளுக்கு மேல்  அச்சிடப்படுகிறது. எத்தனை வாசகர்களை கொண்டது என்பதை நீங்ளே அறிக.

VIII

ஏதோ கலவையாக ஒரு பதிவு எழுதி விட்டேன். இன்னும் ஒண்ணு மட்டும் :  கல்கி தீபாவளி மலர் சூப்பர். வாங்கலாமா வேண்டாமா, சிந்திதேன். விலை நூற்றி இருபது ஓவா. அட்டை படத்தை பார்த்த உடன் முடிவு செய்து விட்டேன். அட்டையில் சொல்லின் செல்வன் அனுமன், அழகு படம். சினிமா செய்திகள், குட்டை பாவாடை அணிந்த மங்கையர்கள் படங்கள் இல்லாமல் பல சுவையான தகவல்கள். ஆன்மீகம் நிரம்ப உள்ளது. கம்பன்,ஓவியம்,கவிதை,சிறுகதை,கட்டுரை என அட்டகாஸ். ஒரு பார்வை தான் பார்த்து உள்ளேன். படித்து விட்டு சொல்கிறேன். நமது டிவி போல விளம்பரங்கள் அதிகம். 250 பக்கங்களும் வழவழ தாள்கள்.

கலை மகள் மற்றும் அமுத சுரபி தீபாவளி மலர்களும் நன்கு உள்ளதாம். பார்த்து விட்டு வந்து சொல்றேன். மறுபடியும் தீபாவளி நல்வாழ்த்துகள். நேற்று ஒரு பாடல் கேட்டேன். அஷ்ட லக்ஷ்மி ஸ்தோத்திரம் என்று நினைக்கிறேன். அருமையன இசை, சாஹித்தியம்!

நாற்சந்தி நல்வணக்கங்களுடன்,

ஓஜஸ் 🙂

பிகு : அடுத்த பதிவு ‘சமையல் சார்ந்தவை’யா இருக்க வாய்ப்பு உள்ளது! தீபாவளி ஸ்பெஷல் இனிப்பு ஒன்று ………. :p

வெற்றி விஜயம்

நாற்சந்தி கூவல் – ௮௧(81)
(விஜயதசமி பதிவு)

வெற்றி விஜயம்

நவராத்திரி – சர்வ சக்திகளையும் வழிபட நம் முன்னோர்கள் ஏற்படுத்திய ஒரு வழி. இதுவே துர்கா பூஜை என்று வட மாநிங்களிலும், தசரா என்றும் கொண்டாடப் படுகிறது. பத்தாம் நாள் தான் விஜயதசமி. ராமர் தன் வன வாசத்தை வெற்றியுடன் முடித்து விட்டு அயோத்தி திரும்பிய நாள். எனவே இத்திருநாள் வெற்றி விழாவாகவே கருதப்படுகிறது.

இந்த நாளில் ஆரம்பிக்கும் அனைத்து செயல்களும் வெற்றியில் சென்று முடியும் என்பது புராதன ஐதீகம். வரலாற்றில் இந்த நம்பிக்கை பல முறை கடைபிடிக்கப் பட்டுள்ளது. கல்கியின் ‘சிவகாமியின் சபதத்தி’ல் , நான்காம் பாகம். ஒன்பது ஆண்டு ஏற்பாட்டுக்கு பிறகு நரசிம்ம பல்லவன் தன் முழு சைனியத்துடன் போருக்கு கிளம்பிய தினம் விஜயதசமி. பழுத்த அறிஞர் ருத்ராசாரியார் குறித்து கொடுத்த நாள். ஜெய பேரிகைகள் முழங்க, காஞ்சியில் ஏகாம்பரநாதர் சன்னதியில் நரசிம்மன் மற்றும் குறுநில மன்னர்களும் இறைவனை தொழுது, வாதாபியை நோக்கி முன்னேரிப் போக, காலாற்படை, குதிரைப்படை, யானைப்படை பின் சென்றது.

நாகநந்தி என்னும் வினை செய்த விளையாட்டு, வாதாபி மன்னன் புலிகேசி அஜந்தாவில் கலை விழாவில் கூத்தடித்து கொண்டு இருந்தார், பாவம். பல்லவ சைனியம் வாதாபியை தாண்டி சென்று, அஜந்தா செல்லும் வழியிலேயே புலிகேசியை ஏதிர் கொண்டது, போரில் மாண்டு போனான் புலிகேசி. இதனை தொடர்ந்து வாதாபி முற்றுகை நடந்து. தளபதி பரஞ்சோதியின் யுக்திகளால் மாபெரும் வெற்றி கிட்டியது.

ஒருவேல வெற்றியை எதிர்பார்த்து தான் இந்த ஆப்பிள் கும்பனிகாரங்களும் ஐ-பாட் மினியை இப்பொழுது வெளியிட்டாங்களோ !!!

வெற்றி என்பது பல சமயங்களில் ஒரு RELATIVE கருத்தாக மாறி விடுகிறது. சில இடங்களில் மட்டுமே நாம் வெளிப்படையாக வெற்றியை உணர்ந்து, மகிழ்ந்து, ரசிக்க முடிகிறது. நமது பார்வையைப் பொறுத்தே வெற்றி அமைகிறது. உதாரணத்துக்கு மாணவர்களை எடுத்து கொள்வோம். சரியா படிக்க கூட வராதவனுக்கு – பாஸ் என்பதே மிக பெரும் வெற்றி. (என்னை போல) சுமார் ஜாதிக்கு – தொண்ணூறு தொட்டால் வெற்றி. இன்னும் சிலர் உளர் – வெற்றி என்பது நூறு என்னும் நச் இலக்கு மட்டுமே.

முழு வெற்றி என்பது சில இடங்களில் மட்டுமே நிதர்சனமாக உள்ளது. விளையாட்டு , யுத்தம் , சில வர்த்தக ரீதியில் விற்பனை. வெற்றி என்பது என்றும் இன்பம் தரும் என்றும் சொல்ல முடியாது. யுத்தத்தில் நம் நாடு வெற்றி அடைந்தாலும், நாம்  இழப்பது / இழந்தது அதிகம் தான்.

வெற்றி மட்டுமே நம் இலகு என்று மாறும் தருணத்தில், நாம் பலவற்றை இழக்க முயல்கிறோம். சந்தோசம், பாசம், அன்பு, பண்பு, பணம், பலம், மனிதாபி மானம் …….. இதனை இலக்கமால் கூட வெற்றிக் கனியை பறிக்க முடியம் என்பதனை நாம் அறிதல் வேண்டும். என் தந்தை அடிக்கடி சொல்வார் Hard Work பத்தாது, Intelligent Hard Work அவசியம். இது அனுபவம் கற்று தரும் பாடம்.

முயற்சி மூனையும் முட்டும்

(படிக்க தவிர்க்க)
இந்த வெற்றியை அடைவது பற்றி நான் மேலும் சொல்லப் போவது இல்லை. இதனை பற்றி தான் எத்தனை புத்தகங்கள் எழுதப்பட்டுள்ளது, எத்தனை வெளிவரக் காத்து கொண்டு உள்ளது என்பது உங்களுக்கே தெரியும். எதோ விஜயதசமி அன்று ஒரு பதிவு எழுத வேண்டும் என்று அமர்ந்தேன். கோர்வையாய்(!?!) வந்த சிந்தனைகளை தொகுத்து உள்ளேன். மத்தபடி இதில் சொல்லப்பட்டுள்ள சிலவற்றை நானே இன்னும் சிந்தித்து செயலில் கொண்டு வர வேண்டும். அதற்கு திரு அருளும், குரு அருளும் அவசியம் என்று மட்டும் புரிகிறது.

மனிதா மாறு

(படிக்க தொடர்க)
எப்படி பார்த்தாலும் நம் மனதில் தான் உள்ளது வெற்றி. நம் மனமும் அதனை நோக்கி தான் நடைப் போடுகிறது. தோல்வி என்பது, நமக்கு கிடைத்த அரிய பாடமாக, நாம் எடுத்துக் கொள்ளும் பட்சத்தில், அதுவும் வெற்றியே. ஆனால் ஒன்றை மட்டும் நாம் மாறாக்கவோ மறுக்கவோ முடியாது : வெற்றி என்பது வலியோடு தான் பிறக்கும்.

ஒருவரை சிரிக்க வைப்பது கூட வெற்றி தான் என்பதை நாம் உணர்ந்தால், வாழ்வில் எந்நாளும் விஜயதசமியே வெற்றியே.

(இந்த பதிவின் வெற்றி இலக்கு என்பதை யோசிக்கிறேன்……. யோசிக்கிறேன்….. யோசிக்கிறேன்….. சத்தியமா தெரியல!)

கல்கி – கந்தன் கவி

நாற்சந்தி கூவல் – ௭௮(78)

(கல்கிப் பதிவு)

கல்கி கந்தன் கவி

எப்பொழுதும் போல காலையில்,சந்தில் (அதாங்க ட்விட்டர்ல) சுத்தி கொண்டு இருந்த பொழுது தான் தெரிய வந்தது இன்று என் எழுத்துலக ஆசானுக்கு பிறந்தநாள் என்று. நண்பர் தமிழ் “எதும் சிறப்பு பதவு உண்டா…” என்று வினவினார். அது வரை எந்த ஏற்பாடும் இல்லை. ஏனெனில் : பிறப்பின் போதே பெரும் பேறுடன் பிறந்தவர்களை தான் ஜென்ம தினத்தன்று போற்றுவது உண்டு. (எ-டு) ஆதிசங்கரர், ராமர் – நவமி, கிருஷ்ணர் – அஷ்டமி. பிறந்த பிறகு,இறவா புகழுடன், இந்த உலகத்தில் தமது முத்தரை படைதவர்களை, ஜெயந்தி அன்று போற்றுவது தான் மரபு (எ-டு) தியாகராஜர் – ஆராதனை , காந்தி – ஜெயந்தி

இருந்தாலும் கல்கி மிகவும் பெரியவர். எனக்கு மிகவும் பிடித்தமானவர். எனவே கல்கி என்னும் கவிஞனை உங்களுக்கு அறிமுப்படுத்த ஆசி எழுந்தது. இதோ இந்த பதிவு.

கல்கிக்கு : எழுத்து, இசை , நடனம், அரசியல், இலக்கணம், இலக்கியம் என பல பல  பரிமாணங்கள் உண்டு. அதிலும் சிறப்பாக அவர் கவிதை எழுதுவதில் வல்லவர். பொன்னியின் செல்வனில், பூங்குழலி பாடும் – சோகம் மற்றும் உற்சாகம் என இரண்டு தொனியில் வரும் “அலைக் கடல்…” கவிதைகளை ரசிக்காதவர்கள், இந்த வையத்தில் இல்லை. பாரதி என்னும் தீயை தமிழகத்தில் பரப்பிய பெருமை கல்கி அவர்களுக்கு உண்டு. எட்டையபுரத்தில் பாரதி மணி மண்டபம் எழ அவர் தான் காரணக்கர்த்தா. எம்.எஸ் அம்மாவை தமிழில் பாட தூண்டி, பல பாடல்கள் கற்பித்து, தானும் சிலவற்றை எழுதி தந்தவர் கல்கி.

தமிழ் தனி கடவுள் முருகன். அது போல கல்கிக்கு பிடித்த கடவுள் முருகன். கந்தன் மேல் அவர் பாடிய கவி :

பூங்குயில் கூவும் பூஞ்சோலையில் ஒருநாள்
மாமயில் மீது மாயமாய் வந்தான்.

பொன்முகம் அதனில் புன்னகை பொங்க
இன்னமுதென்ன இன்மொழி பகர்ந்தொரு
மின்னலைப் போலே மறைந்தான்.

பூங்குயில் கூவும் பூஞ்சோலையில் ஒருநாள்….

பனிமலர் அதனில் புதுமணம் கண்டேன்
வானில் கடலில் வண்ணங்கள் கண்டேன்
தேனிசை வீணையில் தீஞ்சுவை கண்டேன்
தனிமையில் இனிமை கண்டேன்

பூங்குயில் கூவும் பூஞ்சோலையில் ஒருநாள்….

வீரவேல் முருகன் மீண்டும் வருவான்
வள்ளி மணாளன் என்னை மறவான்
பேரருளாளன் எனக்கருள்வான் எனும்
பெருமிதத்தால் மெய்மறந்தேன்.

பூங்குயில் கூவும் பூஞ்சோலையில் ஒருநாள்
பேரருளாளன் எனக்கருள்வான் எனும்
பெருமிதத்தால் மெய்மறந்தேன்.

படித்தால் மட்டுமே புரியும்,  ஆனாலும் நித்யஸ்ரீ மகாதேவன் பாடியதை கேளுங்கள், மெய்மறந்து முருகனை சிந்திப்பீர்கள்.

[மன்னிக்கவும், எனக்கு ராகம் தாளம் எல்லாம் எதுவம் தெரியாது. அதனால் அவைகளை பற்றி சொல்ல வில்லை ]

பாடலைக் கேட்கும் பொழுது, பல வரிகளின் அழகை நீங்கள் ரசித்து இருக்க வேண்டும். அந்த அழகை சொல்லும் அளவுக்கு எனக்கு சக்தி இல்லை. மறுபடியும் ஒரு முறை கேளுங்கள். பதிவிறக்கி, பகிர்ந்து, கேட்டு மகிழுங்கள்.

இந்த பாடலை கேட்டு, எனக்காக இந்த வரிகளை, அச்சில் தந்த தோழன் தமிழ் அவர்களுக்கு என் நன்றிகள். மேலும் இந்த பாடலை பற்றி அவருடைய கருத்து :

“மிக எதேச்சையாக இப்பாடலைக் கேட்க நேர்ந்தது. நான் கேட்டதைவிட இந்த பாடல் வரிகளை நானே மீண்டும் எழுதுகையில் பரவசம் பெற்றேன். ஏனென்றால் தினமும் 10-20 திரைப்பாடல்களை மட்டுமே கேட்கும் நான், முற்றிலும் தமிழில் இனிய வார்த்தைகளால் கோர்க்கப்பட்ட இந்த பாமாலையை ரசித்ததில் ஆச்சர்யமேதுமில்லை. அதே அனுபவம்தான். 6 நிமிடப் பாடல்களுக்கான எந்தவித தேவையுமில்லாது குறைந்த பாடல் வரிகளை பாடகி நித்யஸ்ரீ அவர்கள் மதுரக் குரலில் பாடிக் களிப்பூட்டுகிறார்.
வாய்ப்பைத் தந்தமைக்கு அண்ணன் ஓஜஸ்-க்கு நன்றிகள்.”

ஒரு முறை கல்கி அவர்கள் மருத்துவமணையில் தங்கி சிகிச்சை பெற்று வந்தார். அப்போது அவரை பார்க்க வந்த மகள் ஆனந்தியிடம் சில தமிழ் பாடல்கள் பாட சொல்லி கேட்க, அந்த குழந்தை சில அருமையான பாடல்கள் பாடியது. பின் தான் எழுதிய பாடல்களை பாட சொன்னார் கல்கி, அதிலும் குறிப்பாக தான் எழுதி கந்தன் கவிதைகளை பாட சொல்லி செவி மடுத்து மகிழ்ந்தார். (ஆதாரம் – கல்கி நினைவுகள் – பகிரதன்). அதில் இந்த பாடலும் இடம் பிடித்து இருக்கக் கூடம் என எனக்கு தோன்றுகிறது.

இது போல கல்கி எத்தனை எத்தனை அரிய, அழகிய தமிழ் பாடல்கள் புனைந்துள்ளார் என்பதை நான் அறியேன். சிலவற்றை சேர்த்து வைத்துள்ளேன், விரைவில் பகிர்ந்து கொள்கிறேன். உங்களுக்கு கல்கி பாடல்கள் எதும் தெரிந்த இருக்கும் பட்சத்தில் பின்னூட்டம் இடுங்கள். அதை பற்றியும் பேசுவோம்.

தமிழ் தாய்க்கு என்னை பொன்னியின் செல்வன் மூலம் அறிமுக படுத்திய தவப்புதல்வன் கல்கி அவர்களின் பிறந்தநாள் இன்று!!! காலம் இருக்கும் வரை கல்கி புகழ் வாழ்க.

கல்கியின் அனைத்து படைப்புகளையும் பதிவிறக்க http://www.mediafire.com/?m1cuhl7n6d2lua1

நாற்சந்தி நன்றிகள் – தமிழ் தம்பி (வரிகளுக்கு) மற்றும் கண்ணபிரான் (கந்தன் படத்துக்கு)

குறிச்சொல் மேகம்

%d bloggers like this: