~! || உடல் || உள்ளம் || உயிர் || உலகம் உரசும் நாற்சந்தி >> || || || || << !~ :) தமிழ்ப் பிழைகளின் தலைமையகம் :) எத்தனை குறைகள், எத்தனை பிழைகள், எத்தனை அடியேன், எத்தனை செய்தால், பெற்றவன் நீ குரு பொறுத்தருள்வது உன் கடன்!!!

Archive for the ‘கவிதை’ Category

மேதகு மங்கை – ஜெ.கே.ரௌலிங்

நாற்சந்தி கூவல் – ௧௦௧(101)
(சமர்ப்பணம்)

harry potter birthday

 

 

 

 

 

 

 

 

 

 

மேதகு மங்கை – ஜெ.கே.ரௌலிங்

திக்கு ஏதும் இல்லமால்,
வாழ்வில், மிரட்டும் இருட்டு
கவிழ்ந்த ஒரு பொழுதில் –
சாதாரண ரயில் பெட்டியில்
சாமானிய பெண் ஒருத்தியின்
சிந்தனையில் சிறகு முளைத்து.

வாழ்வின் சூனியத்திலிருந்து
எழுத்தின் சூனியத்தில் – ஒரு
சகாப்தம் நன்று பிறந்தது,
சாகசம் நிறைந்து பறந்தது !

***

ஹாரி பாட்டர் என்னும் தர்மவான்,
ரான் வீஸ்லியின் நட்பு கொண்டு,
ஹெர்மைனியின் அறிவாற்றலுடன்,
அறம் தலை நின்றார்க்கு
அழிவு இல்லை
என்று நிரூபித்தான் !
நெஞ்சில் நிறைந்தான்.

ஏழு முறை நொந்தாலும்
எழுந்து நின்றான்
எழுச்சிக் கண்டான் !

***

சரஸ்வதி ஒருவள்
பிரம்மா வானாள் !
பிரமிக்கும் தகைமையுடன்,
ஹாக்வர்ட்ஸ் என்னும்
மாய மந்திர பள்ளி
வடிவம் கொண்டது
விண்ணை வென்றது !

தன்னை போலே
ஆதரவற்ற ஒருவனை
முதன்மை பாத்திரமாக்கினாள்.
முயன்று முயன்று
இருவரும் வெற்றிக் கனியை,
இன்னல்களின் மத்தியில்
இயல்பாக பறித்தனர் !

***

சொல்ல தெரியவில்லை
அவள் தந்த சுகத்தை !
மெல்ல மெல்ல அசைப்போடுகிறேன்
மெய் சிலிர்த்து போகிறேன் !

***

(காப்பிய கதையை)
சுருங்க சொன்னால் –
எந்த உலகானாலும்
உறவுகள் உணர்வுடன்
திறமைகள் தினவுடன்
சூழ்சிகளின் வீழ்ச்சிகள்
அம்பலம் ஏறும்.
சுயநலம் சொற்பம்
பொதுநலம் சொர்க்கம் !

***

தருமத்தின் வாழ்வுதன்னை
சூது கவ்வும் – இறுதியில்
தருமமே வெல்லும் !
காலம் காலமாக
எந்த மொழியானாலும்
காச்சிதமான காப்பியங்களின்
கரு இதுவேதான் !
சொல்லும் முறையிலும்,
செல்லும் நடையிலும்,
பண்பும் பரவசமும் கலந்து,
காலப் போக்கின் படி
மொழிச் சூழல் படி
மாறி அமைகிறது !

***

ஏழு அதிசயங்களை
ஈன்ற நங்கை
இனிதே பிறந்தநாள்
காண்கிறாள் – அவள்தம்
காப்பிய நாயகனுடன் !

இன்னும் இன்னும்
இவள் ஏன் எழுதவில்லை ?
என்றே உள்ளம்
கடந்து துடிக்குது காண் !

***

திரும்ப திரும்ப படித்தேன்,
விரும்பி விரும்பி வாசித்தேன்.
வேதம் இதுவோ என்றே கேட்பர் ?
வியந்து வியந்து போகிறேன்
விளக்கம் சொல்ல மறுக்கிறேன் :
வாசிப் பனுபவத்தை
பேசிப் பயனில்லை ?
என்றே எண்ணமிடுகிறது
நேசம் நிறைந்த நெஞ்சம் !!!

– ஓஜஸ் அ
31-07-2014

rowling thank you

அஷ்டமத்து கஷ்டம்

நாற்சந்தி கூவல் – ௧௦௦(100)
(சனிச் சிந்தனை)

திருமுருக கிருபானந்த வாரியாரின் கட்டுரை தொகுப்பு “சிந்தனை செல்வம்”. பரணில் இருந்த புத்தகத்தை மீட்டேன். மட்டற்ற மகிழ்ச்சி, பழுப்பேரிய மஞ்சள் நிற தாள்கள், மெல்லிய வாசனை, அரிதான ஸ்பரிசம் தான். பயணத்தின் போது சிறிதுபடித்தேன். அதிலிருந்து ஒரு பாடல் மட்டும் இங்கே.

அஷ்டமத்து சனி என்பார்கள். வந்தால் படாதபாடுபடுத்தும், இருக்கதையும் இல்லாமல் செய்யும். ஆளையே சுருட்டி போடும். தலைகீழாக தருணங்கள், தடங்கல்களாக மாறும்… இன்னும் இன்னும் என்ன என்னவோ சொல்லி கேட்டிருப்பீங்க. இந்த கஷ்டதசையின் காரணம் : ஜாதக கட்டத்தில், எட்டாம் இடத்தில சனி வந்து அமர்வான் என்பது பொது வழக்கு. ராசி தவிர்த்து இந்த எட்டாமிடத்து சனி எப்படி வரும் என்று ஒளவை மூதரசி அழகான எளிமையான தமிழில் சொல்கிறார்.

காலையிலே பல்கலைநூல் கல்லாதத் தலைமகன்
ஆலையெரி போன்ற அயலானும்
– சால
மனைக்கட் டழிக்கு மனையாளும் இம்மூவர்
தனக்கட் டமத்துச் சனி

  1. படிக்காத மூத்த மகனும்
  2. பக்கத்தில் உள்ள பகைவனும்
  3. வரவுக்கு மிஞ்சமால் செலவு செய்யும் மனையாளும்

கொண்டவர்களுக்கு எந்நாளும் அஷ்டமத்து சனி என்கிறாள் தமிழ் கிழவி

இப்ப சொல்லுங்க உங்கள்ல எத்தனை பேருக்கு, எட்டாமிடத்து சனி ? (எனக்கு இல்லப்பா!). என்றைக்கு இது பொருந்தும். ஆனாலும், இன்றைக்கு தமிழ் பாட்டி இருந்திருந்தால், என்ன எழுதியிருப்பாள் என்ற சிந்தனை, சிரிப்பை மூட்டுகிறது. நிதர்சனத்தில் உள்ளது நவரசமும் !

தோட்டியின் மகனும், தமிழும்!

நாற்சந்தி கூவல் – ௯௮(98)
(புத்தக மதிப்புரை)

புதுபுது விஷயங்களையோ அல்லது சாதாரண வாழ்கையின், மாறுபட்ட கோணங்களை படம் பிடித்து, மனதில் பதிப்பது – ஒரு நாவலின் பலம். இத்தகு தகுதிகள் இரண்டும் நிறைந்த தோட்டியின் மகன் தான் இந்த பதிவின் பிதாமகன். மகனை ஸ்ருஷ்டித்தவர் : தகழி சிவசங்கரப் பிள்ளை. தமிழில் அழகு கூட்டியவர் : சுந்தர ராமசாமி #அறிமுகம்

தை திங்கள், நானும் என் அன்பு தோழர் தமிழும் சந்தித்து பேசிக் கொண்டிருந்தோம். கிளம்பும் சமயத்தில் புத்தகம் ஒன்றை கொடுத்து, படித்து விட்டு தாருங்கள் என்றான் தம்பி. அவர் கொடுப்பது எதையும் படிப்பேன் (புத்தகமோ, இணைய சுட்டியோ… எதுவானாலும்). என் வாசிப்பு வெளியை திறந்து விரிவுப்படுத்துவர் அவர் தானே. நானும் வாங்கி வைத்து கொண்டு அவனுக்கு சில புத்தகங்கள் கொடுத்தேன் #சரிக்குசரி.

நூல் விபரம்
பெயர் : தோட்டியின் மகன்
ஆசிரியர் : தகழி சிவசங்கரப் பிள்ளை
தமிழில் : சுந்தர ராமசாமி
பக்கங்கள் : 173
பதிப்பகம் : காலசுவடு
விலை : ரூ.130

வியாழன் அன்று அலுவல் நிமித்தமாக வெளியூர் செல்ல வேண்டி வந்தது. அவசரமாக கிளம்பியதால், மேஜை மேல் இருந்த தோட்டியை கூட கூட்டி சென்றேன். திருப்பும் போது தான் படிக்க ஆரம்பித்தேன். கீழே வைக்க முடியவில்லை. முதல் நாள் இரவில் மிதமான வேகத்துடன் பாதி தாண்டி. அடுத்த நாளில், மின்னல் வேகத்தில் மீதியையும் முடித்தேன். வாசகனுக்கு மட்டுமே ஏற்படும் தனிப்பெரும் மகிழ்ச்சி இதுவல்லவோ #பூர்வ_கதை_முற்றும்

தோட்டி என்பவன் யார் ? சுமார் ஐம்பது ஆண்டுகளுக்கு முன், தற்போது இருப்பது போல் பாதாள சாக்கடை திட்டம் எல்லாம் இல்லை. எனவே வீட்டில் உள்ள கக்கூசோ சுத்தம் செய்ய தினமும் காலை மண்வெட்டி, வாலி சகிதம் தோட்டி வருவான். நம் மலத்தை தன் வாளியில் அள்ளிக்கொண்டு, பீப்பாயில் சேர்ப்பான். வீடு வீடாக ஏறி இந்த வேலைய தொடர்வான். பீப்பாய் நிரம்பி வழியும், ரோடில் சிந்தும். அதையும் எடுத்து, சேர்ந்து, மொத்தமாக ஊர் கோடியில் உள்ள மலக்கிடங்கில் சென்று கொட்டுவான். அவன் வீடும் கிடங்கின் அருகிலேயே தான் இருக்கும். படிக்கும் போதே, (மனதில்) எவ்வளவு அருவருப்பை ஏற்ப்படுத்துகிறது ? முகத்தில் ஒரு துர்நாற்றத்தின் சுளிப்பு தானாக வருகிறது… இப்படி ஒரு வகை பாட்டாளி மக்கள் வாழ்த்துள்ளனர் என்று சொன்னால், முதலில் நம்பவே முடியவில்லை. ஆனாலும் சரித்திர உண்மை.

இதில் கொடுமை என்னவென்றால். இவர்களை கீழ்தர அடிமைகளாக நடத்துவதும், மதிக்காமல் உதாசீன படுத்துவதும் வாடிக்கையாக இருந்துள்ளது. இவர்களின் சந்ததியும் இதே வேலையில் ஈடுபடுகிறது. ஒழுங்கான சம்பளம் கிடையாது. பாதியை தராமல் பிடுங்கும் ஓவர்சீயர். (இன்று போல) வந்ததை குடித்தே பழகிய தோட்டிகள். சாப்பாடு, சுகாதாரம், மரியாதை, அடிப்படை உரிமைகைள் எல்லாம் எல்லாம் மறுக்கப்பட்ட தீண்டத்தகாத தலித் மனிதர்களின் வாழ்க்கை படம் தான் இந்த நாவல்

#முன்னுரையிலிருந்து சுந்தர ராமசாமி : வெளியுலகத்துக்கே தெரியாத ஒரு இருண்ட வாழ்கையினூடே எப்படி இவரால் (தகழி) சகஜமாக புகுந்து மன உணர்வுகளை அள்ளி கொண்டுவர முடிகிறது ? அவர்களின் அடி மனதில் இருந்த நெருப்பை எப்படி இவரால் மொழியில் மறு உருவாக்கம் செய்ய முடிந்தது ? கொடுமையில், மனம் கொள்ளும் கோபத்தில், ரத்தத்தில் உஷ்ணம் ஏறமால் என்னால் எந்த பக்கத்தையும் படிக்கமுடிவில்லை  — எனக்கு(ம்) ஏற்றப்பட்ட உணர்வுகளும் இதுவே. ஆனால் இவ்வளவு தெளிவாக சொல்ல முடியும் என்று தோன்றவில்லை.

#தம்பியின்_வரிகளில் (என் உணர்வுகள்): வெளிப்படியாக சொல்லி விடுகிறேன். புத்தகத்தின் நடை பல இடங்களில் பரபரவென பறகிராற்போல் நகர்கிறது. எங்கேனும் ஓரிடத்தில் வெளிப்படும் உரையாடல் (வசனம்) நெஞ்சை அப்படியே கிழித்துவிடுவது போல உணரமுடிகிறது. பல இடங்களில் தொடர்ச்சியாக படிக்க முடியாமல் இதயம் விக்கித்தபடி நின்றிருக்கிறேன்.

நாவலின் நெற்றியடி வசனம் ஒன்றை சொல்லுங்கள் என்றால், பளிசென்று சொல்லிவிடுவேன் :

பணக்காரன், வயிறு தெரியம திம்பான். சீரணமாவாது.
ஏழைகள் கண்டதையும், கெடச்சதையும் திம்பானுங்க. 
அவங்களுக்கும் சீரணமாவது.

மலக்கிடங்கில் தோட்டிகளின் இடையில் நடக்கும் விவாதத்தில் வரும் வசனமிது. எவ்வளவு பொருள் பொதிந்த உண்மை. இன்றளவும் இதுவே தான் உலக நியதி. என்றும் மாறாத மாயம் போலும் !

இந்தியா சுதந்திரம் பெரும் தருவாயில் (1946) வெளிவந்த அடிமைகளின் கதை இது. அந்த கால கட்டத்தில் தன்னை தானே, ‘கலை உலகின் கடைசி ஏழை’ என்று வர்ணித்து கொள்ளும் சுந்தர ராமசாமி, சரஸ்வதி என்னும் சஞ்சிகையில் தமிழில் எழுதினார். அவருக்கு அப்ப 20 வயது (தான்!) என்று சொன்னால் நம்பவா முடிகிறது ?

தமிழில் இந்த நாவல் மொழி பெயர்க்கப்பட்டது என்று சொல்லக் கூடாது. மொழியாக்கம் செய்ய பட்டு, மெருகேறியுள்ளது. கதையின், கருவின் வீரியம் குறையாத, நாடி துடிப்புக்குள் பறக்கும் நடை மற்றும் சொல்லாட்சி. கொச்சை தமிழில்லேயே தோட்டிகள் பேசும் வசனம் வந்தாலும், அவை வாசிப்புக்கு வேகத்தடையாக அமையவேயில்லை.

சந்தர்ப்பமா ?  சூழ்நிலையா ? என்று தெரியவில்லை. இந்த நாவலை படித்து கொண்டு இருக்கும் சமயத்தில் தான், முதன் முதலில், இயக்குனர் ராம் அவர்களின் கற்றது தமிழ் படம் பார்தேன். பிரபாகாரனும், சுடலைமுத்துவிக்கும் பந்தம் இருப்பதாகவே தோன்றியது. இருவருக்கும் எத்தனை எத்தனை பொருத்தங்கள் : இறுதி வரை நாயகன் நல்வனா ? கெட்டவனா ? என்ற கேள்விக்கு சரியான விடையில்லை. இருவரும் வாழ்கையில் எதையோ தேடி தேடி சலித்து துன்பம் அடைகின்றனர். சாமர்த்தியசாலிகள். கைக்கூடா காதல் மற்றும் லட்சியம். சமூகத்தின் மேல ஒரு கோவம், வெறி. இல்லாமையின் எதிரொலி. தெரிந்த தொழிலை செய்ய, மரியாதை இல்லாமை… #இது_நிற்க

தோட்டியின் மகன் நாவலில் இல்லாத உணர்வே இல்லை என்று சொல்லலாம். அன்பு, வெறுப்பு, கோபம், தாபம், காமம், காதல், பாசம், வேஷம், வஞ்சம், துன்பம், கொடுமை, சோகம், இறப்பு,  பெருமை, நெகிழ்வு, காழ்புணர்ச்சி, பயம், அழுகை, கதறல், அடிமை, பசி, பட்டினி, நோய், பஞ்சம், தாழ்வு மனப்பாங்கு….. இன்னும் இன்னும் இருப்பதை எல்லாம் அடக்கலாம். தகழி தான் எத்தனை சாமர்த்தியசாலி ! மனித உணர்வுகளை மிகவும் உன்னிப்பாக கவனித்து அதற்கு மொழியில் அழகு வடிவம் தந்துள்ளார்.

அன்றைய சமூகத்தின் ஆவண பெட்டகம் இந்த நாவல். போகிற போக்கில் பாத்திரங்களின் பாங்கில் சமூக்கதை, சம்பிரதாயங்களை சாடியுள்ளார். கடவுள் மீது தகழிக்கு என்ன கோவமோ தெரியவில்லை! பக்தியையும் பூசைகளையும் வேஷங்கள் என்பதை நேராக சொல்லாமல், சம்பவங்களாக அடுக்கியுள்ளார். பணக்காரர்களின் பழக்க வழக்கங்களை பார்த்து பார்த்து தானும் அது போல செய்யும் மக்களை அன்று முதல் இன்று வரை காணலாம்.

தோட்டிகளின் வாழ்கை தான் நாவல் என்றாலும். மையக்கரு : மகனுக்காக பாடு படும் தந்தையின் முயற்சிகளும் அதன் பலாபலன்களும். இதற்காக அவன் காணும் கனவுகள் ஏராளம், செய்யும் தியாகங்கள் தாராளம். தான் என்ன ஆனாலும் சரி, தன் மகன் பெரிய ஆளாக வர வேண்டும், எந்த சிரமமும் அவனுக்கு வரக்கூடாது. படித்து புகழ் பெற வேணும். நவ நாகரிக மனிதனாக அவன் வளர, வாழ வேண்டும். மகனின் செழுமையான வாழ்விற்கு, தந்தையின் முழுமையான் அர்ப்பணம்.

காலம் தொட்டு மகன்களை பெற்ற அப்பகளுக்கு தான் எத்தனை பெரிய ஆசைகள், கனவுகள். எல்லாம் ஒரே புள்ளில் நோக்கி தான் : தான் பெற்ற தவப் புதல்வன், சீரும் சிறப்புடன் வாழ வேண்டும். இதற்காக சுடலைமுத்து போடும் திட்டங்கள், அவனை அவனே நிர்பந்தத்துடன் மாற்றி கொள்ளும் வாழ்கை முறை, சேர்த்து வைக்கும் பணம், செலவு செய்யும் குணம்… அனைத்தும் அனைத்தும் பிரமிக்க வைக்கிறது. ஏனெனில் சாதாரண தோட்டி இது எதையும் செய்ய மாட்டன். மோகன் கொடுத்து வைத்தவன் தான். சாதாரண நடு வர்க்கத்து குடும்ப தலைவனின் வாழ்கையில் இருக்கும் அதே அளவு அதீத பாசம் தான் இந்த தந்தை மகன் உறவும்!

உறவுகள் ஆயிரம் வரும்
 சிறகுகள் ஆயிரம் விரியும்
தந்தைகள் என்றும் அப்படியே
 விந்தைகள் படைக்க கனவுக்ளுடன்
சிந்தை அனைத்தும் செலவுசெய்து
 சீர்மிகு புதல்வனை வளர்க துடிப்பர் !

புத்தகத்தை வாசிக்க கொடுத்து, என்னையும் எழுத ஊக்குவிக்கும் தமிழ் தம்பிக்கு என் அன்பு வணக்கம். நட்பில் நன்றி நல்குவது நன்றன்று!

வெள்ளி விருந்து

நாற்சந்தி கூவல் – ௯௪ (94)
(கதம்பம்)

படிக்க நேரம் தேடுவதன் சிரமமும் சுவையும் பட்டால் தான் புரியும், அனுபவித்து அறிய முடியும். வாழ்க்கை ஓடுதோ இல்லையோ. காலம் மட்டும் தனது கடனை சரிவர செய்து வருகிறது. எதற்க்கு இப்படி பூர்வாங்க பீடிகைககள் எல்லாம் என தீர்சிதர்வாள் கேட்க்கிறார். எழுதுவதைவிட வாசிக்கவே அதிக நெரம் செலுத்த ஆசை, செய்தும் வருகிறேன் என்பது என் நம்பிக்கை. நாளிதழ், வார இதழ், புத்தகம், இணையம், மின் புத்தகம், செவி நுகர் புத்தகம் என வாசிக்கதான் எத்தனை வசதிகள். என் இனபத்தை உங்களுடன் பகிர்த்துக் கொள்ளப் (கொல்லப்) போகிறேன். படிக்க சுட்டிகளோ, புத்தக இணைப்போ தந்துவிடிகிறேன். (பணச்) செலவில்லாமல் படிப்பதுவும் ஒரு சாமர்த்தியம் தான். வெள்ளி இரவு உங்களுக்கு என் விருந்து.

(மின்)புத்தகம்

தீட்சிதர் கதைகள் (1936)


ராவ் பகதூர் திரு. சம்பந்த முதலியார் எழுதிய நூல். யார் இந்த தீட்சிதர் என்று இப்போது யாருக்கும் தெரியாது. (கும்பகோணத்தில் 1886சில் தனது உலக வாழ்க்கையை முடித்தார் என் நூல் சொல்கிறது). தெனாலிராமன் பரம்பரையில் வந்து, ஆங்கில ஆட்சி காலத்தில் வாழ்ந்த சாமர்த்தியவான். தனது நுன்மதியினால் (Presence of Mind) தீட்சிதர் செய்யும் லீலைகள் தான் அடிநாதம். 28 கதைகள், 50 பக்கங்கள். எந்த வரிசையில் வேணாலும் கதைகளை வாசிக்கலாம். நகைச்சுவை நிறைந்த நூல். 1940 காலங்களை செவ்வனே படம் பிடிக்கிறது. சமீபத்தில் (மிக வேகமாக) வாசித்த ஒரே மின் நூல்.

>>>>படிக்க / சேமிக்க சொடுக்கவும்<<<<

கட்டுரை

  • எஸ் ராமகிருஷ்ணன் எழுதிய : மகாபாரதம் வாசிப்பது எப்படி ? நல்ல ஆராய்ச்சி கட்டுரை, பாரத கதையை வாசிக்க விருப்பமா, இதை முதலில் படிங்க… மஹாபாரத புத்தகள் பற்றியா பட்டியலும் உள்ளது
  • கதிர்மதியம் போல் முகத்தான் http://solvanam.com/?p=28771 செமையான ஒரு திரில்லர் நாவல் படித்த Effect ! என்ன என்ன எல்லாம் உலகத்துல நடக்குது…. சுஜாதாதேசிகன் எழுதிய கட்டுரை. சுவாரசியம் கூட்டும் பாணி.  இது போல சம்பவங்கள் இன்னும் நடந்து வருகின்றன. (சொல்வனம் இதழில் வெளிவந்தது.)

கதை

  • சித்ராக்குட்டி – எஸ்.ஸ்ரீதுறை நீங்களும் நல்லா அனுபவிப்பீங்க. இயல்பான கதை.
  • ஜெயமோகன் தளத்தில் வந்த (பெரிய) சிறுகதை : பூ – எழுதியது போகன் மலையாள வாசம் கலந்த கதை. ”விசுவாசமும் வேணம் மருந்து பாதி விசுவாசம் பாதி.விசுவாசக் குறைவுதான் பெரிய பாவம் .” எழுதியவர் மருத்தவர் எனக் கேள்விப்பட்டேன்.
  •  நேரமும் நகரங்களும் எண்களும் கொண்ட சிறுகதை புதிதாக இருந்தது, பிடித்தும் இருந்தது. (இதுவும் சொல்வனம்)

இசை

இசை பற்றி ஒரு குட்டி பத்தி எழுதி இருந்தேன், அதற்கு ஒரு தம்பியும் வந்துள்ளான் -> Ph’Ojas வடிவில் “ திசையெங்கும் இசை “. அந்த பதிவில் நானே எழுதிய ஒரு வார்த்தை :

ஒலிந்து = ஒலியுடன் இயந்து !

எம்,எஸ் அம்மாவின் சகுந்தலா படத்தின் பாடல்கள் கிடைத்து, ஆஹா எழுத வார்த்தைகளே இல்லை, இன்னும் பலமுறை கேட்டு விட்டு சொல்கிறேன்.

ஸ்டார்ட் விஜயில் – எம் எஸ் அம்மாவின் நினைவாக காற்றின் குரல் என்னும் நிகழ்ச்சி வந்தது. நீங்களும் பாருங்கள்.

இன்று அதிகம் முனுமுணுத்த பாடல் வரிகள் :

அனைவரும் கூடி,
அவன் புகழ் பாடி,
நிர்மலா யமுனா நதியில் நீராடி…
#கல்கி #எம்.எஸ் #மீரா (கேட்க்க சொடுக்கவும்)

மீள்

(தினமணி கதிரிலிருந்து)

பரிபாஷை என்றால்  ஒரு பொருளையோ கருத்தையோ குறிப்பிடுவதற்கு வழக்கத்தில் உள்ள சொல்லையோ சொல் தொடரையோ உபயோகிக்காமல் வேறு சொல்லையோ, சொல் தொடரையோ உபயோகித்து மறைமுகமாகக் குறிப்பிடுவது என்று பொருள். பரிபாஷை எல்லாத்துறையிலும் உண்டு. ரஸாயனம், வியாபாரம், தரகு எல்லாவற்றிலும் உண்டு. “ஆக்வா’ என்றால் நமக்குப் புரியாது. விஞ்ஞானி ஜலம் என்று அறிவான். சமையல்காரர்கள் பேசிக் கொள்ளும்போது சூலம், பஞ்சா என்ற வார்த்தைகள் அடிபடும். சம்பளம் மூன்று ரூபாய், ஐந்து ரூபாய் என்று பொருள்!

தங்கள் தங்கள் சாமானுக்கு வியாபாரிகள் விலாசம் போட்டிருப்பார்கள். விலாசம் என்றால் விலை. 11091 என்று போட்டிருந்தால் சில எண்களை ஒதுக்கிவிட்டால் அதுவே அந்தச் சாமானின் விலையாகும். எந்த எண்ணை ஒதுக்க வேண்டும் என்பது அந்தக் கடையின் பரிபாஷை ரகசியத்தைச் சேர்ந்தது. சில சமயம் எண்களுக்குப் பதிலாக எழுத்துகளை விலாசமாக உபயோகிப்பதுண்டு. மாட்டு வியாபாரி, நகை வியாபாரி முதலியவர்கள் கம்பளிக்குள் விரலைத் தொட்டு விலை பேசுவதை நாம் பார்த்திருக்கலாம். இங்கே விரல்கள் பரிபாஷை.

கோயில்களில், குறிப்பாக பரிபாஷை மிகுந்தது வைணவ ஆலயங்களே. அதிலும் ஸ்ரீரங்கம் கோயிலில் உள்ள அளவுக்கு வேறு எந்தக் கோயிலிலும் பரிபாஷைகள் இல்லை.

இங்கு அரவணை என்ற ஒரு சொல் ஒரு வகைப் பிரசாதத்தைக் குறிப்பிடும். இராக்காலத்தில் அரங்கர் சந்நிதியில் நைவேத்யம் ஆகும். இது ஆதி சேஷனுக்காக ஏற்பட்டது. அதனால் அரவணை என்ற பெயர் போலும். ஆராதனைக் காலங்களில் உபயோகிக்கப்படும் பொருள்களுக்கும் பரிபாஷைப் பெயர்கள் உண்டு. “ராமானுஜனை எடு’ என்றால் தீபக்கால் எடுக்க வேண்டும். “கரைசல் கொடு’ என்றால் சந்தனம் கொடுக்க வேண்டும். “மிலாக்கா வாங்கி வா’ என்றால் கொட்டாரத்திலிருந்து சந்தனக் கட்டை வாங்கி வர வேண்டும். “பவழக் காப்பு’ என்றால் புளி கொண்டு வர வேண்டும். “வகைச்சல்” என்றால் மாலை! “ஈரங்கொல்லி’ என்றால் கோயில் சலவைக்காரனுக்குப் பரிபாஷைப் பெயர்!

கோயிலில் உள்ள திருப்படிகத்திற்குச் சுந்தரபாண்டியன் என்று பெயர். பாண்டிய நாட்டரசன் சுந்தரபாண்டியன் அரங்கனிடம் அளவுக்கு மிஞ்சி ஈடுபட்டவன். கோயிலை ஆதியில் தங்கமயமாக்கினான் என்று சரித்திரம் சொல்லுகிறது. தினசரி பூஜைக்கு இன்றியமையாத படிகம் சுந்தரபாண்டியன் என்ற பெயரால் வழங்குகிறது.

அரங்கர் கோயில் உற்சவமூர்த்திக்கு நம்பெருமாள் என்று பெயர்! கர்ப்பகிரஹத்தில் – நம்பெருமாள் பூபாலராயன் மீது வீற்றிருக்கிறார். சிம்மாசனத்துக்குப் பரிபாஷை பூபால ராயன்!

-> “ந.பிச்சமூர்த்தி கட்டுரைகள்” என்ற நூலில் “பரிபாஷை’ என்ற கட்டுரையில் ந.பிச்சமூர்த்தி.

கவிதை

  • கவிவாணன் எழுதியது, மெழுகுவத்தி பற்றி
      இருட்டை 
      எச்சரிக்கும் 
      புரட்சிக்குரல் !
  • உன்னத உணர்வுகளை சொல்லும் லாவண்யா அவர்களின் கவிதை அட்டகாசம் :
    மழையில்லை மடியில் கனமில்லை,
    மகன்கள் சுகமில்லை,
    கையில் பணமில்லை,
    கள்குடிக்கக் கூட காசில்லை !

சொற்பொழிவு 

புலவர் கீரன் பேசிய கம்ப ராமாயணம் தொடர் சொற்பொழிவு. ஏழு நாட்கள் அமெரிக்காவில் பேசியுள்ளார். துல்லியமான வடிவில் பதிவு செய்யப்பட்டுள்ளது. 21க் கோப்பைகள் உள்ளன.  நான் இப்போது கேட்ப்பது. என்னமா பேசுறார்… ஆழமான உணர்வுகள் மற்றும் வாசிப்பு. சிரிப்பு வெடிகளுக்கு பஞ்சமே இல்லை. திரு என் சொக்கன் பகிர்ந்துக் கொண்ட சுட்டி.

 >>> பதிவிறக்க <<<

படம் 

(நெட்டில் சுட்டது)

Three Friends

யோசித்து பார்க்கும் போது சரி எனவேப்பட்டது, வாழ்க்கை பாதையில் தான் எத்தனை நண்பர்கள். காரியம் கருதி, இடம் கருதியும் நட்பு மலர்கிறது, சீக்கிரம் வாடவும் செய்கிறது, மறக்கவும் படுகிறது. ஆனாலும் வாழக்கை சிறக்க என தோன்றும் நண்பர்கள் சிலரே !

என் கிறுக்கல் 

இரவும் இதயமும்
இனிதே உறங்கட்டும்
சிறகும் சிந்தனையும்
சிலிர்த்தே வளரட்டும்

உறவும் உறக்கமும்
உணர்ந்தே கூடட்டும்
மலரும் மனமும்
மகிழ்தே விடியட்டும்

நாளும் நலமும்
நம்முடன் வாழட்டும்
காற்றும் காதலும்
காலமெல்லாம் பெருகட்டும் !

பாவேந்தர் பாரதிதாசன்

நாற்சந்தி கூவல் – ௯௩ (93)
(புத்தகப் பதிவு)

பாவேந்தரின் பெயர் என்னை சில நாட்களாகவே சுத்தி சுத்தி வருகிறது. அவருடைய கவிதை தொகுப்பை சீக்கிரம் வாங்க வேண்டும் என நான் முடிவு செய்தது தான் காரணம் போலும். இன்று, ஓடும் தருணங்களை, ஒழுங்கே செல்லுத்த, ஒரு சிறு புத்தகத்தை எடுத்து, கால ஓடத்தில், தமிழ் வெள்ளத்தில் பயணம் செய்தேன். முடிந்த மகிழ்ச்சியை, முத்துக்களை பகிரவும் வந்து விட்டேன்.

புத்தக்க விபரம்
பெயர் : பாரதிதாசன்
ஆசிரியர் : வேணு சீனிவாசன் 
பதிப்பகம் : Prodigy (கிழக்கு பதிப்பகம்)
பக்கம்: 80
விலை : ரூ.30

{பின்வருன அந்த நூலிலிருந்தும், எனக்கு தெரிந்த, நான் படித்த சம்பவங்கள் }

தமிழக அரசியலின் அழியா சரித்திரத்தின், பெரும் சித்திரம் அறிஞர் அண்ணாவின் பிறந்தநாள் நேற்று. பாவேந்தர் அண்ணாவுடன் பல காலமிருந்தவர். திரு.வி.க எழுதினார்

‘அண்ணாதுரை என்னும் அண்ணல் தமிழ்நாட்டின்
வண்ணான் அழுக்கெடுப்பில்’

இதனை படித்த பாரதிதாசன், குறைக் கண்டார். உவமை சரியில்லை என்றார். எதுகைக்காக எந்த சொல்லையும் போடக்கூடாது எனவும் சொல்லி, அவரே ஒரு கவிதை பாடினார்

எண்ணாதுரை நாடி ஏந்து புகழ் நட்ட
அண்ணாதுரை அண்ணல் ஆய்ந்து தமிழ் – செழிக்கப்
பண்ணாதுரை உண்டோ பைந்தமிழ் ஏன் இவனைக்
கண்ணாகக் கொள்ளார் கனிந்து

கனிகளுக்காக அண்ணனுடன் சண்டையிட்டு கவிதை எழுதியவர் தான் கனக சுப்புரத்தினம். 29/04/1891னில் பிறந்தார். இயல்பாக கவிதை பாடும் திறம் கொண்டார். படிப்பில் படு கெட்டி, பாட்டிசைப்பதிலும், நடிப்பதிலும் வல்லவர். கம்பீர உருவம் கொண்டவர். பல காலம் பள்ளி ஆசிரியராக பணிபுரிந்தார். புதுவை தான் அவரது வாசத்தலம். பன்னிரண்டாம் பிராயத்துக்கு முன்னே திருக்குறள் அனைத்தும் அவருக்கு மனப்பாடம். அத்துப்படி. ஆயினும் அசைவம் உண்பதில் மிகுந்த பிரியம் கொண்டவர். ‘மீனுக்கு தொட்டுக்க சோறுவை‘ என்பாராம். இருந்தும் புறாக்களை காண்பதும் ரசிப்பதுவும் அவருக்கு மிக பிடிக்கும்

வட்டமாய் புறாக்கள் கூடி
இரையுண்ணும் அவற்றின் வாழ்வில்,
வெட்டில்லை, குத்துமில்லை
கீழ்மேல் என்னும் கண்மூடி வழக்கமில்லை…

இதை படிக்க, பசிக்கு காயவைத்த தானியத்தை குருவிகளுக்கு ஈந்த பாரதி நினைவில் வந்தான்

சின்னஞ் சிறு குருவி போலே – நீ
திரிந்து பறந்துவா பாப்பா !
வண்ணப் பறவைகளைக் கண்டு – நீ
மனதில் மகிழ்ச்சி கொள்ளு பாப்பா !

புதுமையான சிந்தனைகளைக் கொண்டவர் பாரதிதாசன். நினைத்த மாத்திரத்தில் கவிதை புணைவார், அதற்க்கு சிறு துண்டு ஒற்றைப் பக்க காகிதம் கூடப் போதும். தன் பிள்ளைகள் கேட்ட மெட்டுக்கெல்லாம் கீதம் இசைப்பாராம். ஒரு திருமண விழா கச்சேரியில், தன் கம்பீர குரலில்,

வீர சுதந்திரம் வேண்டிநின்றார் – பின்னர்
வேறொன்றைக் கொள்வாரோ…

போன்ற பல பாரதி பாடலக்ளை ஆழமுணர்ந்து பாடினார். முடிவுல் அங்கு இருந்த பாரதி அவரை பெரிதும் பாராட்டினார். இதுவே அவரது எதேச்சியான முதல் சந்திப்பு.

குருநாதர் திருக்கோட்டியூர் நம்பியின் கட்டளையை மீறி, நாராயண நாமத்தை உபதேசம் பெற்றவுடன், கோவில் மதில்மீதேறி மக்களுக்கு சொல்லி, மதபுரட்சி செய்யத ராமானுஜரை அவருக்கு மிகவும் பிடிக்கும். அவரை பற்றிய தமிழ் திரைப்படத்தை கதை எழுதி,  இயக்கி, தயாரித்தார். ஆனாலும் அவர் பெரியாரின் சுயமரியாதை இயக்கத்தை சார்ந்த(ர்/)வர்.

1928டில் புதுசேரியில் பெரியார் பேசியதைக் கேட்டு, அவரின் கொள்கைகள் வசம் ஈர்க்கப்பட்டார். முதலில் அவர் மிகப்பெரும் ஆதிக்கராக இருந்தார். பாரதி, வா.வே.சு ஐயர் மற்றும் சிலர் இருந்த ஒரு தருணத்தில், அவரைப் பற்றி பேச்சு வந்தது, உடனடியாக ஒரு கவிதை எழுத சொல்லி பாரதி கேட்க்க, பாரதி எழுதும் மேஜையிலேயே கனகசுப்புரத்தினம் எழுதியது தான்

எங்கெங்கு காணிணும் சக்தியடா – தம்பி
ஏழுகடல் அவள் வண்ணமடா….

பலே பாண்டியா!‘ என பாரதி பாரட்டி, ‘கவிதா மண்டலத்தை சேர்ந்த கனக-சுப்புரத்தினம் பாடியது‘ என் குறிப்பெழுதி, சுதேசமித்திரன்-னுக்கு அனுப்பினார். முதலில் பரிசுரமான பாவேந்தரின் கவிதை இது தான் என சொல்லப்படுகிறது. பின்பு இந்த பாடல் பல மொழிகளிலும் மாற்றம் பெற்று வெளிவந்தது. பாரதியுடன் அவரது நட்பும், அன்பும், பாசமும், மரியாதையும் வளர்ந்து வந்தது.

{இந்த ‘எங்கெங்கு காணிணும் சக்தியடா…..’ பாடல் பாரதிதாசன் எழுதியதே, பாரதி அல்ல. பல பிரபல நாளிதழ்கள் மற்றும் 99% இணைய தளங்கள், பதிவுகள் இதை பாரதி என்றே சொல்கிறது!}

புனைப்பெயரை தேடி, இறுதியுல் பாரதிதாசன் என்று வைத்து கொண்டார். அவரே ஓரிடத்தில் காரணமும் சொன்னார் : பாரதி போல எளிய நடையில் புலவர்கள் எழுத வேண்டும் என்பதை உணர்த்தவும், சாதி ஒழுப்பு விளம்பரமாக வேண்டும் என்பதற்காகவும் தான்.

என் அப்பா அடிக்கடி சொல்லுவார், தமிழை மக்களுக்கு புரியும் வண்ணம் எளிமையாக பாடியவர்கள் : அருணகிரிநாதர், தாயுமானவர், பாரதி ! இவர்களை பார்த்து தான் பிறர் மாறினார்.

புதுவையில் தேர்தலில் வெற்றியும் தோல்வியும் பெற்றுள்ளார். அவரது வேறு சில புனைப்பெயர்கள் :  புதுவை கலைமகள், தேசபக்தன், தமிழரசு, கிறுக்கான். புரட்சி கவிஞர் என பெரியார் வாழ்த்தினார். குயில் என ஒரு பத்திரிக்கையை பலகாலம் நடத்தினார்.

சிங்கங்கள்

சிங்கங்கள்

மயிலம் முருகன் மீது மிகுந்த பக்தி கொண்டு, ‘மயிலம் ஸ்ரீ சுப்பிரமணியர் துதியமுதி‘ என முப்பது பாடல்கள் பாடினார். விநாயகர், முருகன், சிவபெருமான், சரஸ்வதி, திருமால் மீது துதி பாடல்கள் புணைந்துள்ளார். இப்படிப்பட்டவர் பெரியார் கொள்கை மீது அதிக நாட்டம் கொண்டார். 1933-ல் நடந்த உலக நாத்திகர் மாநாட்டு பதிவேட்டில், நான் ஒரு நிரந்தரமான நாத்திகன் எனக் கையெழுத்து இட்டுள்ளார் பாவேந்தர். அப்படியே வாழ்ந்தார்.

இவர்தான் பெரியார் – இவரை, யார் தான் அறியார் என எழுதினார் வாலி. (பெரியாருக்கு நாளை பிறந்தநாள்) தனது சீர்திருத்த கொள்கைக்கு மாறாக பெரியார் திருமணம் செய்து கொண்டார் என வேதனை அடைந்தார் பாரதிதாசன். கவிதை, கட்டுரை மூலம் இதை குறித்து அவரது எண்ணங்களை பதிவு செய்தார். ராமருக்கு செருப்பு மாலை அணிவித்தாலும், நாயக்கரின் சில கொள்கைகளினால் அவர் மீது  மதிப்பு உள்ளது எனக்கு. ஆனாலும் அவரது திருமண விடயம், புரியவில்லை. அவர் தனி மனிதர், என்ன வேணாலும் செய்யலாம் என்ற சப்பைக்கட்டு விளக்கமில்லாமல், வேறேதினும் இருந்தால் சொல்லுங்கள்…..

திராவிட இயக்கம் பெரியாரின் கொள்கையை விட்டு செல்கிறது என பாவேந்தர் சொல்லி/ எழுதி / கவிபாடி உள்ளார். இதை சொன்னால் நண்பர் சொல்கிறார் : பெரியாரை, பெரியாரின் கருத்துக்களை மக்களிடம் சென்று சேர்க்கிற எத்தனையோ இயக்கங்கள் இருக்கு, தி.க. மட்டும் இல்ல ! சமூகத்துல பெரியார் ஆதரவாளர்னாலே தி.க. தான் நினைவுக்கு வரும்.. தி.மு.க முற்றிலும் வேறுபட்டக் கொள்கைகளை உடையது. கடவுள் இல்லை என்பவர் பெரியார். ஒன்றே குலம். ஒருவனே தேவன் -அண்ணா

நான் சொன்னேன், கலைஞர் இன்னும் ஒரு படி மேலே உள்ளார். ரமலான், கிருஸ்மஸ் வாழ்த்து எல்லாம் சொல்லுவார், ஆனா தீபாவளி வந்தால் மறந்துவிடுவார். உண்மதானே ? என்றேன். நண்பர் : நாம அரசியல்வாதிகள் பற்றித்தானே பேசுறோம்… அவர் சிறுபான்மையினர் ஓட்டுக்காக அப்டி செய்யலாம்.. நான் அவ்ளோ deepஆ note பண்ணல. (இனியாவது நீங்களும் அவரும் நோட் பண்ணுங்க) பரதிதாசனை பற்றி பேசும் போது, அண்ணா, பெரியார், கலைஞர், எம்ஜிஆர், திமுக-காவை விட்டு விட முடியாது. நாற்சந்தியில் அரசியல் வேண்டாம், ஆனாலும் சிலவற்றை நாம் கவனிக்க மறக்கிறோம் / மறுக்கிறோம்

இன்னும் ஒரு விடயத்தை தமிழ் மக்கள் உணரும் நாளை நான் எதிர்நோக்குயுள்ளேன். பெரியார் தமிழகத்தின் மிக பெரும் சீர்திருத்த என்றால், அவரை விட சிறந்தவர் ஒருவரை நாம் ஏன் அறிய முற்படுவதில்லை. அவர் பெயர் தான் சுப்பிரமணிய பாரதி. அக்கிரகாரத்தில் பிறந்த அவன், (புதுமையான, புரட்சியான) சிந்திக்காத எண்ணங்களே  இல்லை என்றே சொல்லாம். அப்பழுக்கற்ற பார’தீ அவன். பெண் விடுதலை, சாதி ஒழிப்பு என அவன் பாடி சென்றதை உணர வேணும், அவனை போற்ற வேணும்…. பெரியார் ‘பெரியவர்’ என்றால், பிராமன ஐயன் பாரதி, பெரியாருக்கு பெரியவர். பாடையில் போகும் போது தான் பாரதியை கவனிக்கவில்லை….. பார் போற்ற வேண்டிய கவி அவன் !

“சுத்த அறிவே சிவமென்னும் சுருதிகள் கேளிரோ?…………” – பாரதி

பாவேந்தர் பக்கம் திரும்புவோம்….
ஒளவை, பாரதி போல அவரும் புதிய ஆத்திசூடி எழுதியுள்ளார்

  • அனைவரும் உறவினர்
  • ஆட்சியைப் பொதுமைசெய்
  • ஈதல் இன்பம்
  • காற்றினைத் தூய்மை செய்
  • கல்லார் நலிவர்
  • கேனாட்சி வீழ்ந்தது

புதுவையின் மிக பிரசித்தம் பெற்ற தமிழ்தாய் வாழ்த்தும் அவர் எழுதியதே

வாழ்வினில் செம்மையைச் செய்பவள் நீயே
மாண்புகள் நீயே செந்தமிழ் தாயே….

விடுதலை போரின் போது மிகுந்த ஆர்வம் கொண்டார். காந்திய வழி நின்றார். கதர் அணிந்தார், அதனை பற்றி பிரச்சாரம் செய்தார். கடனுக்கு கதராடைகள் விற்றார். ‘கதர் ராட்டினப்பாட்டு‘ எழுதி, சொந்த செலவில் பதிப்பித்தார். இன்னும் பல புத்தகங்கள் / கவிதை தொகுப்புகள் எழுதியுள்ளார். (சொடுக்கினால் படிக்கலாம்)

மேலும் பல படைப்புகளை செய்துள்ளார். பாரதிதாசனின் அனைத்து படைப்புகளை வாசிக்க சொடுக்கவும்

1964ஆம் வருடத்தின் ஞானபீட விருதுக்காக தேர்வு செய்யப்படார், ஆனால் வாங்கும் முன்னமே அவரது காலம் முடிந்தது. இந்த நாட்டின் சிறந்த கவி – என அவருக்கு பட்டம் தர, சாகித்தியா அகாதமி முடிவு செய்தது, ஆனால் கொடுக்கும் முன் காற்றுடன் கலந்தார். வாழும் கவிஞ்ர்களுக்கு மட்டுமே அந்த பட்டம் வழங்கப்படும். ஆனாலும் அவரது பிசிராந்தையார் நாடத்தக்கு 1969ஆம் ஆண்டின் தமிழ் சாகித்தியா அகாதமி விருது வழங்கப்பட்டது. இன்றுவரை தமிழில் விருது பெற்ற ஒரே நாடகம் இது தான். இவருடைய பெயர் கொண்ட பாரதிதாசன் பல்கலைக்கழகம் திருச்சியில் உள்ளது. இவர் புதுவையில் வாழ்ந்த சாலை அவர் பெயரைக் கொண்டது. மெரினா கடற்கரை உட்பட பல இடங்களில் அவருக்கு சிலை உள்ளது.

இமயமலைசாரலில் ஒருவன் இருமினான்
குமரி வாழ்வான் மருந்து கொண்டோடினான்

என பாடிய பாவேந்தரின் இறுதி நாட்கள், மிகவும் மோசமாக இருந்தன. திரைப்பட முயற்சியில் தோல்வி, திமுக-வுடன் சண்டை என சென்றது. சாகும் சற்று நேர்த்துக்கு முன், பேரனுக்கு பாரதி எனப் பெயர் சூட்டினார், தன்னை புதுசேரி அழைத்து செல்லுமாறு சொன்னார். பிரேதத்தை கவிஞர் கண்ணதாசன் புதுசேரிக்கு காரில் எடுத்து சென்றார்.

புதியதோர் உலகம் செய்வோம்… என்னும் பாரதியின் கனவுகளை பின்பற்றி வாழ்ந்த பாவேந்தர் வாழ்க. பாரதிதாசனின் சில பாடல்கள் மட்டுமே எனக்கு தெரியும் 😦 அதில் மிக சிறந்தது என சொன்னால்

“துன்பம் நேர்கையில் யாழெடுத்து நீ
இன்பம் சேர்க்க மாட்டாயா? ….”

எனக்கு மிகவும் பிடித்த சுத்த தமிழ் பாடல்களுள் இதுவும் ஒன்று ! என்ன ஒரு அழகான பாடல்…. அதை பற்றி தனிப் பதிவே எழுதலாம் . நீங்களும் கேளுங்கள், பாம்மே ஜெயஸ்ரீயின் மதுர குரலில். உள்ளம் குழையும்

இன்று எம்.எஸ் அம்மாவின் பிறந்தநாள் ! இவளின் இனிமையான இசையை ரசிக்க என்ன தவம் யான் செய்தேன் ? இசையின் முடிசூடா அரசி அவள். வாழ்க்கை முழுவதும் இசையை சாதனம் செய்து, சாதனை செய்தாள். வாழ்வு முழுதும் இசையை கற்றாள் !(இசைப்பாவில் எம்.எஸ்,அம்மா) United Nations மாநாட்டில் எம்.எஸ்.அம்மா பாடிய சிலப்பதிகார பாடலை கேளுங்கள்.

இன்று எழுத்தாளர் கி.ராஜநாராயணனின் 91-ம் பிறந்தநாள் மற்றும் நமது நிதி அமைச்சர் பா.சிதம்பரம் அவர்களுக்கு பிறந்தநாள், வாழ்த்துகள். ட்விட்டர் நண்பர் திரு சக்திவேல் அவர்கள், இன்று திருமதி அர்சனாவுடன் தனது இல்லறப்பயணத்தை துவங்கி உள்ளார், மனம் நிறைந்த வாழ்த்துக்கள். சிங்கப்பூரின் தந்தை எனக் கருதப்படும் அரசியல்வாதி திரு.லீ குயன் யோ (Mr Lee Kuan Yeo) அவர்களின் பிறந்தநாள் இன்று.

குருவாய் வருவாய் அருள்வாய் !

நாற்சந்தி கூவல் – ௮௫(84)

(கவிதை பதிவு)

சஷ்டி விழா நிறைவு தினம். ஆறு நாட்கள் விரதம் இருந்து உடலையும் , மனதையும் தூய்மைப்படுத்திய பக்தர்கள், சூரசம்ஹாரம் பார்த்து விட்டு, விரதம் முடிப்பர். வாழ்க பக்தி! இதனை முன்னிட்டு ஒரு கந்தன் – கவி பதிவு. கந்தனுடன் / தமிழுடன் மகிழுங்கள் :

 அருணகிரிநாதர் அருளிய ‘கந்தர் அநுபூதி’ – ஐம்பதி ஒன்னாவது பாடல் – கடைசி பாடல்

உருவாய் அருவாய் உளதாய் இலதாய்
மருவாய் மலராய் மணியாய் ஒளியாய்க்
கருவாய் உயிராய்க் கதியாய் விதியாய்க்
குருவாய் வருவாய் அருள்வாய் குகனே!!

{ இந்த பாடலில் எத்தனை வாய்கள் உள்ளதோ அத்தனை பெரிய வாய் எம்முடையது ;p }

விளக்கம் : உருவாக, உருவமில்லாததாக, உள்ளதாக, இல்லாததாக, நறுமணமாக, மலராக, மணியாக, உலகின் மூலப்பொருளாக, உயிருக்கு உயிராக, வீடுபேறை அடைகின்ற விழியாக விளங்கும், என் முருகா, வந்து அருள் புரிவாய்.

இந்த காணொளியை நீங்கள் காணும் பட்சத்தில், பதிவை தொடர்ந்து படிக்க வேண்டிய அவசியம் இல்லை !

இந்த பாடலை பற்றி ஒரு ரசமான, ஹாசியமான சம்பவம் :

*!*!*!*!*!*!*!*

ஒரு நல்ல அந்தணர் (சங்கீத வித்வான்), காஞ்சி பெரியவாளை – சந்திரசேகர சரஸ்வதி சுவாமிகளை தரிசிக்க வந்து இருந்தார். வறுமை நிலையில் குடும்பம். அந்த நிலையை போக்க, செல்வத்தை பெருக்க, ஏதாவது மந்திரம், தந்திரம், பிரார்த்தனை உண்டா என்று பெரியவாளிடம் வினவினார்.

பெரியவா : நான் சொல்வான் ஏன், உனக்கே தான் தெரியுமே, நீ தான் சங்கீத வித்வான் ஆச்சே (என்ன ஒரு தன்னடக்கம்!)

அந்தணர் : இல்லையே. நான் ஏதோ பாட்டு தான் பாட்டுவேன். மந்திரம், தந்திரம் எல்லாம் தெரியாது !

பெரியவா : திருபுகழ்ல உனக்கு பரிச்சியம் உண்டில்ல, நோக்கு கந்தர் அநுபூதி தெரியுமோ ?

அந்தணர் : ஓ, மனப்பாடமா, நான்னா தெரியும்…..

பெரியவா : அநுபூதியிலே அருணகிரிநாதரே அத கேக்குராரே !

அந்தணருக்கோ ஒரே அதிர்ச்சியாக இருந்தது, கந்தர் அநுபூதியோ ஞான மயமான நூல், அதில் இகத்துக்கு (பணத்துக்கு) என்ன கேட்டு இருக்க போறார்…..

அந்தணர் : எனக்கு புரியலையே, பெரியவாள் புரியற மாதிரி சொன்னால் சுபம்.

பெரியவாள் : எங்க கடைசி பாட்ட பாடு…

(எங்கும் நிசப்தம். வெண்கல குரல். ஸ்வரம், லயம் சேர்த்து அந்தணர் மேலே உள்ள பாடலை பாடுகிறார்….. நல்ல சாரீரம். கண்ணை மூடி ஆழ்ந்து ரசித்தார் பெரியவாள்)

பெரியவா : எங்க கடைசி வரிய சொல்லு…

அந்தணர் : குருவாய் வருவாய் அருள்வாய் குகனே!

பெரியவாள் : பாத்தியா இதுல இருக்கு பாரு

அந்தணர் : …….!?!……. (அவருக்கு இன்னும் புரியல)

பெரியவாள் : மெல்ல கடைசி வரிய, ஒரு ஒரு வாரத்தையா திருப்பி சொல்லு.

அந்தணர் : குருவாய்….. வருவாய்….. அருள்வாய்….. குகனே!

பெரியவாள் : பாத்தியா ‘வருவாய் அருள்வாய் குகனே, வருவாய் அருள்வாய் குகனே’ அப்பிடீன்னு கேக்குறார்

அவருக்கு ஆச்சரியமாக இருந்தது, நமக்கும் தான் !!! பதத்தை பிரித்து படியுங்கள், ’குருவாய்…, வருவாய் அருள்வாய் குகனே!’ {குருவாய், நீ வந்து வருவாய் (பணம்) தருவாய் குகனே}

பெரியவா : அவர் எப்படி வேணாலும் சொல்லி இருக்கட்டும், ஆனா நாம இப்படி கேக்கலாம்ல… அதே குருவான சுவாமிநாதன், நமக்கு பரத்துடன், இகத்தையும் கொடுத்து விட்டு போறார். அதுனால, இதுக்கு மேல என்ன பெரிய மந்திரம் வேணும். இதையே திரும்ப திரும்ப சொல்லி வா… உன்னுடைய கஷ்டம் எல்லாம் தீரும்

*!*!*!*!*!*!*!*

இந்தப் பாடலை பல முறை பாடியும்/உணர்ந்தும் மகிழ்ந்து உள்ளேன். குறிப்பாக அந்த கடைசி வரி எனக்கு மிகவும் பிடிக்கும். ‘மாதா, பிதா, குரு, தெய்வம்‘ என்பது வேதம். இங்கு கடவுளையே நாம் குருவாக வந்து அருள் செய்ய வேண்டுகிறோம். என்ன ஒரு அழகான சிந்தனை, என்ன ஒரு ஆழமான (தேன் தமிழ்!) வார்த்தைகளின் பிரயோகம்! சத்தியமாக, சொக்க வைக்கும் தமிழ்!

ஆனால், ஒரு முறை கூட, காஞ்சி பெரியவாள் மாதிரி யோசித்தது இல்லை. இதனால் தான் அவர் பெரியவர் போலும். இது தான் கவிதையின் சிறப்பு. வெளிப்படையாக ஒரு விளக்கம்! உள்ளே பொதிந்துகிடப்பதோ பல அருமையான கருத்துகள், சிந்தனைகள், விளக்கங்கள். ஆழ்ந்து, அதனுடன் சென்று ஆர்வத்துடன் பார்க்க வேண்டும் இதையும், எதையும் !

பி கு : இந்த பதிவு ‘சமையல் சார்ந்தவை’யாக இருக்கும் என்று சொல்லி இருந்தேன். ‘கந்தன் பா’விற்கு இன்று தான் மிகவும் உவந்த தினம், எனவே பொறுத்து அருள்க!

//////////////////////////////////////////////////

20/11/12 பிற் சேர்க்கை : 19/11/2012 அன்று நண்பர் கண்ணபிரான் எழுதிய கமெண்ட் பொழிவுரையை  முழுமையாக பதிவிலும் சேர்த்து விடுவது தான் சிறப்பு :

I

வருவாய் (எ) income அருள்வாய் குகனே மட்டுமல்ல!
அந்த வருவாயைப் பெருக்கும் Financial Consultant = குருவாய், எனக்கு வருவாயை அருள்வாய் -ன்னும் பொருள்:)
—————-

அநுபூதியின் கடைக்குட்டி இந்தப் பாடல்…
பல சுவைகளைத் தன்னகத்தே ஒளித்துள்ளது!

உரு-வாய் அரு-வாய் உள-தாய் இல-தாய்
மரு-வாய் மல-ராய் மணி-யாய் ஒளி-யாய்க்
கரு-வாய் உயி-ராய்க் கதி-யாய் விதி-யாய்க்
குரு-வாய் வரு-வாய் அருள்-வாய் குக-னே!!
—————-

வாய் வாய் ஆய் ஆய்
வாய் ஆய் ஆய் ஆய்
வாய் ஆய் ஆய் ஆய்
வாய் வாய் வாய் ஏ! – என்னும் வாய்ப்பாடு; அ
தைக் காணுங்கள் ஒவ்வொரு அடியிலும்; You will notice a geometric pattern!

ஆய் = ஆய்வு;
பொதுவா, எதை ஒன்னையும் எடுத்தவுடனே ஆய மாட்டோம்
அதனிடம் ஒரு பிரியம் வளர்த்துக் கொண்ட பின்னரே, அதை நுணுக்கி நுணுக்கி ஆய்ந்து மகிழ்வோம்
முதலில் = வாய் (வாய்த்தல்); பிறகு = ஆய் (ஆய்தல்)
—————-

1) முதலில் உரு-வாய் அரு-வாய் அவனே வந்து, வாய்க்கின்றான்;
ஆனா, உளது-ஆய், இலது-ஆய்
= அவன் உள்ளானா? இல்லானா? -ன்னு ஆய்வு செய்யுது நம்ம மனசு

2) அடுத்து, மரு-வாய் மனசுக்குள் மறுபடியும் வாய்க்கின்றான் (மரு=மணம்);
மணத்தைக் காண முடியாது, உணரத் தான் முடியும்!
டேய், இன்னும் என் காதலை உணரலையா? -ன்னு கேட்டு மனசுக்குள் மணமாய்ப் பூக்கின்றான் என் முருகவன்!

ஆனா அப்பவும், மலர்-ஆய், மணி-ஆய், ஒளி-ஆய் -ன்னு
கண்ணால காணும் பொருளையே நம்புவோம் -ன்னு, நம்ம போக்கு!

3) தூய காதலை எப்படிக் காட்ட முடியும்?
கண்ணால காட்டிச் சைட் அடிக்கலாம்; உடம்பும் உடம்பும் உரசி வெளிப்படுத்தலாம்; இன்னும் என்னென்னமோ செய்யலாம்!

ஆனா, இது எல்லாத்துக்கும் மூலம் அந்த மனசு = அதுவே காதலை “உணர்த்தும்”;
அதைக் காணவே முடியாது; ஆனா ஆயுசுக்கும் “உணர்ந்து” கொண்டே இருக்கலாம்!

அதான் கரு-வாய்; மூலக் கருவாய் மறுபடியும் வாய்க்கின்றான்! அந்தக் கருவில்,
உயிர்-ஆய், கதி-ஆய், விதி-ஆய் -ன்னு வளர்ந்து ஆய்வு செய்து கொண்டே இருக்கிறோம்!

4) ஆய்வால் = முருகவன் காதலை அளக்க முடியாது; அவனைக் கொள்ளத் தான் முடியும்!
அதான், போதும் உன் ஆய்வு -ன்னு… “ஆய்” என்பதே இல்லாமல், இறுதி அடியில், எல்லாமே “வாய்” என்றே வாய்த்து விடுகிறான்!

குரு-வாய், வரு-வாய், அருள்-வாய்!
வாய் வாய் வாய்
யாரு? = குகனே!
—————-

என் காதல் முருகவா, எனக்கொரு நாள் உன்னை வாய்ப்பாயா?

II

//இந்த பாடலில் எத்தனை வாய்கள் உள்ளதோ//
:) ))

மொத்தம் ஏழு வாய்கள் = எழுவாய்!
மொத்தம் எட்டு ஆய்கள் = எட்டாய்!

நான் ஆய்ந்த, நீ எட்டாய் = எட்ட மாட்டாய்
நான் கொள்ள, நீ எழுவாய் = எழுந்து கொள்வாய்

அதுவே காதலன், அதுவே முருகவன்!

@kryes கண்ணபிரான் ஐயா, வாழ்க உம் தமிழ் புலமை, வளரக உன்தன் முருக பக்தி !!!

//////////////////////////////////////////////////

குறிச்சொல் மேகம்

%d bloggers like this: