~! || உடல் || உள்ளம் || உயிர் || உலகம் உரசும் நாற்சந்தி >> || || || || << !~ :) தமிழ்ப் பிழைகளின் தலைமையகம் :) எத்தனை குறைகள், எத்தனை பிழைகள், எத்தனை அடியேன், எத்தனை செய்தால், பெற்றவன் நீ குரு பொறுத்தருள்வது உன் கடன்!!!

Archive for the ‘நாற்சந்தி’ Category

பாரதத்தின் தீ – பாரதி

நாற்சந்தி கூவல் – ௯௭(97)
(பாரதீ பதிவு)

எண்ணிய முடிதல் வேண்டும்
 நல்லவே எண்ணல் வேண்டும்
  திண்ணிய நெஞ்சம் வேணும்
 தெளிந்த நல்லறிவு வேணும்;
  பண்ணிய பாவமெல்லாம்
 பரிதிமுன் பனியை போலே,
  நண்ணிய நின்முன் இங்கு
 நசிந்திடல் வேண்டும் அன்னாய் !

சொல் மந்திரம் போல் அமைய வேண்டும் என்பான் பாரதி. மேலே உள்ள கவிதையை, தமிழ் வேதம் என்றே சொல்லலாம். வாழ்க்கை முழுதும் வறுமையின் பிடியில் மடியில் தவழ்ந்தவன் கேட்கும்வரங்கள் பலே பலே. இது தான் அவனை மேன்மைபடுத்துகிறது. தான் பெற்ற கல்வியை, அறிவை, தெளிவை, ஞானத்தை இந்த உலகுக்கு வழங்கி செழிக்க வேண்டும் என சிந்தித்தவன். மகா கவிஞன் பிறந்த இந்த 132ஆம் தினத்தில் அவனை பற்றி பேச ஆசை.

மோகத்தைக் கொன்றுவிடு — அல்லா லென்றன்
மூச்சை நிறுத்திவிடு
தேகத்தைச் சாய்த்துவிடு — அல்லாலதில்
சிந்தனை மாய்த்துவிடு
யோகத் திருத்திவிடு — அல்லா லென்றன்
ஊனைச் சிதைத்துவிடு !

பாரதி படம்

பாரதி படம்

ஐந்து வயதில் தாயின் இழப்பு, பத்து வயதில் முறிந்த முதல் (பிள்ளை) காதல், திருநெல்வேலியில் கசக்கும் ஆங்கில கல்வி, பதினைந்து வயதில் தந்தையின் மறைவு, வறுமை, கடன் ! இதற்கு இடையில் பதினான்கு வயதில் பாரதியின் திருமணம் – ஏழு வயது செல்லமாளுடன். எத்தனை எத்தனை ஏற்ற இறக்கங்கள், அத்தனை அத்தனை அனுபவங்கள். புதிர் நிறைந்த வாழ்க்கையை புரிந்த கொள்ள தான் யார் உளர் ?

சிறிது காலம் எட்டையபுரம் சமஸ்தான வேலை. பஞ்சம் பிழைக்க காசி வாசம் புகுகிறான் பாரதி, தன் பாட்டி பாகிரதி அம்மாளுடன். காசி சர்வ கலா சாலையில் படிப்பு : ஹிந்தி, சமஸ்க்ரிதம். முதல் வகுப்பில் தேர்ச்சி. ஆறு ஆண்டுகள் சென்றது, கவிதை புனையாமல், மனம் புண்ணாகி, நொந்து கொண்ட நிமிஷங்கள்….

வாழ்க மனைவியாம் கவிதைத் தலைவி !
…….
பேதை மாசக்தியின் பெண்ணே ! வாழ்க !
காளியின் குமாரி ! அறங் காத்திடுக !
வாழ்க மனையகத் தலைவி வாழ்க !

சிறு வயதிலேயே பாடல்கள் பாடி பாரதி என்று பட்டம் பெற்ற, ஆற்றல் மிகு குழந்தை அவன். வானத்தின் அமிழ்தம் அருந்தும் தருணங்களில், வறுமை என்னும் முள் நெஞ்சி குத்தியது : பாரதியின் வேதனை. சமஸ்தான வேலைக்கு போகும் முன் கவிதாதேவியை விவாகரத்து செய்தான். அமிழ்தம் இருந்த இடம் காணாமல் போகிறது. ஐயகோ பொற்குடம் மறைந்தது என்றே கதறுவான்

ஆறு வருட காசி வாசம், கவிதையின் காதல் உறவுகள் மறைந்த காலம். பாவத்தை எல்லாம் வாங்கி கொள்ளும் கங்கை, பலனாக பாவம் செய்தது போலும்! பாரதி ஒரு பாக்கூட, அவளின் தாய் மடி வாழ்ந்த காலத்தில் எழுதவில்லை : காசி ஊரை பற்றி, கங்கையை பற்றி, அதன் அழகை பற்றி, கம்பீரத்தி பற்றி… ஆனாலும் அது வெற்று வாழ்க்கை அல்ல, சிப்பிக்குள் முத்து வளர்ந்த காண்டம். சுதேச இயக்கம் அவனுள் புகுந்த காலம். உடையில், தோற்றத்தில், சிந்தனையில், சமூக அக்கறையில், வாசிப்பில், படிப்பில், நேசிப்பில், ஆர்வத்தில், பிற மொழி புலமையில், கருத்துக்களில் ஏற்றதுக்கான மாற்றம் தந்தது காசி வாசம்.

கவியின் கையெழுத்து

கவியின் கையெழுத்து

மீண்டும் எட்டையபுரம். சொந்த பூமிக்கு திரும்புகிறான். மனைவியுடன் சேர்கிறான். எந்த வேலையும் இல்லாமல் சம்பளம் வாங்க கசந்த கவிஞன் அவன். காதலியாம் கவிதையை கரம்பிடித்தான்…. கூடினான்… குலாவினான்…. கொஞ்சினான்….  மதுரையில் தற்காலிக தமிழ் ஆசிரியர். சென்னை சுதேசமித்திரன் பயணம். புதுகை தலைமறைவு, மீண்டும் சென்னை, திருவெல்லிக்கேணி. 39 ஆண்டுகள் பெரிதாக சொல்லி கொள்ளும் அளவுக்கு ஒன்றும் நடக்கவில்லை. சாதாரண வறுமை நிறைந்த வாழ்கை. இதனால் நசிந்தும் போகும் சாதாரண மானுடன்  அல்ல பாரதி. செறிவனா வாழ் வீச்சும், சொல் வளமும், இதய திடமும், இலகும் மனமும், கோடி இன்பம் காணும் இயற்கையின் காதலன் அவன் !.

பாரதி

பாரதி

அச்சில் வந்த முதல் கவிதை ‘தனிமை இரக்கம்’, இதழ் ‘விவேக பாநு’ (1902). கீதையை தமிழில் மொழிபெயர்தத பெருமை பாரதிக்கு உண்டு. பாஞ்சாலியின் சபதம் மற்றுமொரு அற்புதம்.

கட்டுரை, சிறுகதை, மொழிபெயர்ப்பு, நாவல், கவிதை, இயக்க பணி, குடும்பம், வேலை, ஒன்பது மொழிகளில் பேசவும், படிக்கவும், எழுதவும் புலமை என் பல பரிணாமங்கள் பெற்ற பெருமகன். மிகுந்த வியப்பு என்ன வென்றால், படைப்புகளை சமைக்க எங்கிருந்து இவனுக்கு (மட்டும்) நேரம் கிட்டியது ? சிந்திக்க, சிறகு விறிக்க தான் காலம் ஏது இவனுக்கு ? 39 ஆண்டுகளில், முதல் 20 வருடங்களில் செழிப்பாக கவி பாடும் திறம் இருந்தாலும், கவிதை ஏதும் எழுதியதாக தெரியவில்லை. வாழ்ந்த எஞ்சிய காலத்தில் ஏற்பட்ட படைப்புகளே மழை போல செழிப்பாக, மலை போல் உயரிய கருத்துக்களுடன், மலைப்பை ஏற்படுத்துகின்றன. அனைத்தும் ஜீவ ரசம் ததும்பும் கவிதைகள் / படைப்புகள்

Bharthi quote
அவன் தமிழினால் தொடாத இடமே இல்லை என்றே சொல்லாம். அனைத்து வகையான கருத்துகளையும் சொல்லி உள்ளான். சிறு வயதில் விளையாடும் உரிமை மறுக்க பட்ட பாரதி (படி படி என்று அப்பன் தொல்லை !) எழுதிய “ஓடி விளையாடு பாப்பா” குழந்தை இலக்கியத்தின் முன்னோடி. பெண் விடுதலையின் தலைமகன். தாய் மறைந்த சோகம், சாகும் வரை அவனை வாட்டியது. இதனாலே அவன் சக்தி மீதும், கண்ணம்மா மீதம் தீராக் காதல் கொண்டான் என்றே தோன்றுகிறது

பொதுயுடமை என்னும் சொல்லை தமிழில் கொண்டு வந்தவன் பாரதி. உலகம் முழுவதும் தன பார்வையை செலுத்தியவன், தமிழின் சமய சார்பு அற்ற நவீன கவிதை உலகத்தின் முன்னோடி. தன் பா திறத்தால், அனவைருக்கும் தன தமிழை கொடையாய் வாரி வாரி வழங்கியவன், கவிதையின் முழு அட்ஷய பாத்திரமாய் வாழ்ந்தவன்.

இன்னும் என்ன என்னமோ சொல்ல எத்தனித்து தான் எழுத அமர்ந்தேன். ஆனாலும் இது போதும், மேலும் அவனை வாசிக்க வேணும், புரிந்து கொள்ள வேண்டும் என்றே தோன்றுகிறது.

அக்கினிக் குஞ்சொன்று கண்டேன்-அதை
அங்கொரு காட்டிலோர் பொந்திடை வைத்தேன்;
வெந்து தணிந்தது காடு;-தழல்
வீரத்தில் குஞ்சென்றும் மூப்பென்றும் உண்டோ?
தத்தரிகிட தத்ரிகிட தித்தோம்

பாரதியின் சிந்தனை அனைத்தும் இந்த தீ போன்றது, ரசனைகளும் தான். தமிழை வைத்து பிழைக்கும் மாக்கள் உள்ள இக்காலத்தில், தமிழ் பிழைக்க உதித்த உத்தமன் பாரதி. எளிய சொல், எளிய பதம், எளிய சந்தம். எளிய வாழ்கை, செழுமையான தமிழ், வீர உணர்வுகள், விவேக சிந்தனைகள் -> பாரதி

சொல்லில் உயர்வு தமிழ் சொல்லே – அதைத்
தொழுது படித்திடடி பாப்பா !
செல்வம் நிறைந்த ஹிந்துஸ்தானம் – அதைத்
தினமும் புகழ்ந்திட்டி பாப்பா !

தமிழன் என்ற மமதையும், தான் கவிஞன் என்ற கர்வமும், சக்தி தான் வடிவம் என்றும், ரசனை தன் வாழ்வு என்றும் உலாவியவன். பாரதத் மணி திருநாடை மறக்காமல் மதித்தவன். அதனாலே தமிழை (தாயை) முதல் சொல்லி, நாட்டையும் இணைக்கிறான். என்னே அவனது அழகு ! தெய்வம் என்பது யாது ? அவனது பதில்

உயிர்க ளிடத்தில் அன்பு வேணும் — தெய்வம்
உண்மையென்று தானறிதல் வேணும்;

இது, இது தான் பாரதி, உண்மை என்பதே பெரும் தெய்வம், பெருமைக்குரிய சொத்து. (இரண்டு பொருள் வரும் : தெய்வம் உண்மை, உண்மை என்பதே தெய்வம். இரண்டுமே சரி தான் !)

வாழிய செந்தமிழ்! வாழ்க நற்றமிழர்!
வாழிய பாரத மணித் திருநாடு!

 

இணைப்புகள் :

பாரதியார் கவிதைகள்

பாரதியார் சிறுகதைகள்

பாரதியார் கட்டுரைகள்

பாரதி வரலாறு – வ ரா

காசியில் சுப்பையா, சென்னையில் பாரதி

இந்த யுகம் பாரதியின் யுகம் – பி.ஸ்ரீ.ஆச்சார்யா

இசைப்பாவில் பாரதி பாடல்கள்

 

யார் பாரதி ? (காணொளிகள்)

ராஜா, பாரதி பாஸ்கர் : பொதுவான உரையாடல். மக்கள் அறிந்துள்ள பாரதி இவ்வளவே

பாரதி கிருஷ்ணகுமார் : பாரதி பற்றி அறிய, மிக மிக அரிய ஆழமான கருத்துகள், பார்வைகள், நேசங்கள், கவிதை உருவாக்கங்கள் இன்னும் பிற. பாரதியின் காசி வாழ்க்கை, கவிதை எழுதா நாட்கள் பற்றி இவர் சொல்லித்தான் அறிந்தேன் !

நெல்லை கண்ணன்  பாரதி கவிதைகளின் உட்பொருள் பற்றி

(இன்னும் இருக்கும் சுட்டிகளை படித்து விட்டு பகிர்கிறேன்)

 

தஞ்சை பாரதி சங்கம்

v  தளம் : mahakavibharathiyar.info

பாரதிக்கு என்று இப்படி ஒரு இடம் வேண்டும். கவிதை, கட்டுரை, புகைப்படம் இன்னும் இன்னும் நிரம்ப உள்ள பொக்கிஷம் இது. துழாவிப் பாருங்கள் 🙂

 

தமிழின் தளத்தில் இருந்து சில சுட்டிகள் :

பாரதி – சில பார்வைகள்

பாரதியும் ஷெல்லியும்

கங்கையும் காவிரியும் (தாகூரும் பாரதியும்)

 

இன்று எஸ்.எஸ் அம்மாவின் நினைவு தினம். அவரின் தேன் மதுர குரலில் பாடல்கள் சில : இசைப்பாவில்

 

இந்த ரகசியத்த யார்டையும் சொல்லாதீங்க…. ஏனா இது அவளோ வொர்த்-தே இல்ல  ‘நாற்சந்திக்கு இன்று இரண்டாவது பிறந்தநாள்.’ #ஹையா

naarchanthi

.

Advertisements

வெள்ளி விருந்து #3

நாற்சந்தி கூவல் – ௯௬(96)
(கதம்பம்)

வெள்ளி விருந்தை, திங்கள் உதிக்கும், சோம்பல் தெறிக்கும் வார ஆரம்பத்தில் சமைத்துள்ளேன். வேறு என்ன : தாமதமாக வந்தாலும், ருசி குறையாது என்ற நம்பிக்கை தான். பொழுதை போக்காமல், பொழுதை ஆக்க வேண்டும் என்பதே தற்போதைய குறிக்கோள். மலை போல புத்தகங்களும், இணைப்புகளும், மின்-புத்தகங்களும், பாடல்களும்…. அப்பாடி என்ன செய் போறேன் தெரியல. பார்க்கலாம்….

மடிபா மாபெரும் சாகப்தம். புத்தன் வழியில், அகிம்சை முறையில் போராடி, தென் ஆபிரிக்கா மக்களுக்கு சுதந்தரம் வாங்கி தந்தவர், நிற வெறியை ஒழிக்க பாடுப்பட்டவர் : நெல்சன் மண்டேலா. அவரது முழுப் பெயர் நெல்சன் ரோலிஹ்லாலா மண்டேலா. ரோலிஹ்லாலா என்பதன் அர்த்தம் : மரக்கிளைகளை உலுக்குபவன் அல்லது கலகக்காரன். அவர் ஒரு குத்து சண்டை வீரரும் கூட ! நாற்சந்தியின் ஆழ்ந்த இரங்கல்.

This slideshow requires JavaScript.

தீபாவளி மலர் :

தீபாவளி மலர்களின் சூறாவளி சுகந்தம் கரையைக் கடந்த பின்… கூகிள் பிளஸ்-சில் ஒரு பதிவைக் பார்த்தேன். ஆனந்த விகடன் தீபாவளி மலர் 2013 PDFவடிவில் (இணையத்தில் இலவசமாக) உள்ளது என்பது தான் அது. அமுதசுரபி தீபாவளி மலர் அப்படி கிட்டுமா என்று தேடினேன்…. பெரும் வியப்பு : அவர்களே தங்கள் இணையத்தளத்தில் மொத்தம் 500 பக்கம் கொண்ட மலரை, 12 கோப்புகளாக தந்துள்ளனர், நீங்களும் பதிவிறக்கி படிக்க லிங்க்

மாத இதழ்கள் :

அமுதசுரபி தளத்தை பார்வையிட்டேன். மாதம் மாதம் இதழ்கள் PDF வடிவில் இலவசமாக பதிவிறக்க வழி உள்ளது. மிகவும் மகிழ்ச்சி அடைந்தேன் : டிசம்பர் மாத இதழ்

ஸ்ரீ ராமகிருஷ்ண விஜயம் : டிசம்பர் இதழ்

மீள் :

ஒரு விஷயத்தை பல்வேறு விதங்களில் சொல்லலாம். ஒரு சந்தோஷத்தில் கூடுதலாக பேசலாம். இதற்கு கவித்துவ வெளிப்பாடு என்று பெயர். தமிழ் என் தாய் என்றால் அப்பன் யாரு என்று கேட்கலாகாது. இது அயோக்கியத்தனம். மனவிகாரம். மனைவி என் பிரசாதம் என்பது உயர்வுபடச் சொல்வது. அவள் எல்லோருக்குமான சக்கரைப் பொங்கல் அல்ல. அவள் சமயபுரத்தாள் எனக்கு கட்டிய பரிவட்டம். பரிவட்டமும் பிரசாதம்.. வேலையின் மனைவியின் கண்கள் மீன் போல் உள்ளது என்று நீங்கள் கூறினால் நாறுமா என்று எவரும்கேட்கக் கூடாது. நமது மொழி நாகரிகத்தின் வெளிப்பாடு மொழியை நாகரிகமாக வெளிப்படுத்துங்கள் ஆனால் வெறும் படிப்பு மட்டும் நாகரிகம் தருவதில்லை. மனக் குரூரம் இல்லாதிருக்க வேறெதோ தேவைப் படுகிறது.

– எழுத்தாளர் பாலகுமாரன்

(facebookக்கில் பகிர்ந்துக் கொண்டது)

கட்டுரைகள் :

பாரத் ரத்னா பற்றி

தமிழ் தி இந்து ஏட்டில் வந்த கட்டுரைகள்:

பாரதி மணியின் தில்லியில் நிகம் போத் காட் – அனுபவங்கள் பல… தவற விடாமல் வாசியுங்கள்

மின்புத்தகம் :

வாசிக்க கன்னாபின்னா என்று ஆங்கில மற்றும் தமிழ் புத்தகங்கள் பதிவிறக்கம் செய்வது பழக்க வழக்கமாகிவிட்டது. சமீபத்தில் என்னை மிகவும் கவர்ந்த புத்தகம் : நா.பார்த்தசாரதியின் இலக்கிய கதைகள். சங்க கால தனிப் பாடல்களின் சுவையான தொகுப்பு. சில பக்கங்கள் மட்டுமே ஆரம்பித்தேன். நீங்களும் மகிழுங்கள்

பதிவிறக்க

காணொளி :

கரு.பழனியப்பன், நீயா நானா நிகழ்ச்சியில் பேசியது : சுஜாதாவின் பத்து கட்டளைகள். மிகவும் பிடித்து இருத்தது.

சிறுகதை :

கடந்த வாரம் பல கதைகள் படிக்க முடிந்தது, குறிப்பாக சொல்ல வேண்டிய கதை ஜெயகாந்தன் எழுதியது : அக்னி பிரவேசம் . 1966ரில் ஆனந்தவிகடனில் வெளிவந்த கதை இது, மேலும் அவரே இதனை பற்றி சொன்ன சில வரிகள் :

எனது கதையின் முடிவை மாற்றியும், அந்த கதாபாத்திரத்தைக் கொன்றும் அதே தலைப்பில் கதை எழுதித் தமிழ்நாட்டின் பெரும் பத்திரிக்கைகளில் அவற்றுக்கு ஊக்கம் தந்து, நடந்த அத்துமீறல்களை சகித்துக் கொண்டிருந்தேன். எழுதுகிற பணிக்கு பொறுமை மிக மிக இன்றியமையாதது. அதன் பிறகு தான் அதன் முடிவை மாற்றி – நான் சொல்லவந்த கருத்தை மாற்றிக் கொள்ளலாம் – நான் ஒரு நாவலே எழுதுவதற்கு அந்த ‘அத்துமீறல்‘களும் எனது ‘அக்னி பிரவேசம்‘மும் காரணமாதலால் அவர்களுக்கும் கூட நான் நன்றி பாராட்டுகிறேன்.

(ஆதாரம் – ஜெயகாந்தன் சிறுகதைகள் – NBT)

இசை :

இசைஞானி இளையராஜாவின் பின்னணி இசை தொகுப்புகள் பல : www.soundcloud.com/navinmozart இந்த தளத்தில் உள்ளன. அவரை பற்றி சொல்லவோ, எழுதவோ வேண்டியது இல்லை. ரசனை போதும்.

விளையாட்டு :

கிறிஸ்மஸ் முன்னிட்டு கூகிள் கொண்டு வந்துள்ள புதிய தளம் இது, அட்டகாசம் என்றால் இது தான் என்று அடித்து சொல்லலாம். செம கலக்கல். நிச்சயம் பாரக்க வேண்டிய அற்புதம் : http://www.google.com/santatracker/#/village

வால் பேப்ர்

எதேச்சியாக இந்த புத்தரை சந்தித்தேன், தமிழ் சினிமா நாயகன் போல கண்டதும் காதல் தான். என் மடிகணினியின் திரையை இவர், தனது மௌனமான நிம்மதியுடன் அலங்கரித்து கொண்டுள்ளார். தம்பிக்கும் பிடித்து விட்டது, உங்களுக்கும் தான் 🙂 பதிவிறக்க

படம் :

கண்ணன் மீது காதலாகிய பிரேமை கொண்டு, கன்னம் சிவக்க, வெட்கி தவிக்கும் ராதையின் அழகிய படம் :

ராதை

ராதை ரம்யம் !

வெள்ளி விருந்து #2

நாற்சந்தி கூவல் – ௯௫(95)
(கதம்பம்)

பதிவெழுதி ஒரு வாரமாகிவிட்டது. வேகமான கால ஓட்டத்தில்  பல சுவையான சம்பவங்கள் நடந்தன. தீபாவளி சீசன். இதுவரை எல்லாம் சுகமே. இன்பங்களும், இனிப்புகளும், காரங்களும், உடைகளும், வெடிகளும் வரிசையாக நிற்கின்றன. இன்றோ விடுமுறை. அதில் எதோ தனி திருப்தி. மேட்டருக்கு வருவோம். வெள்ளி விருந்துடன் மீண்டும் நான் ! தம்பி குடுத்த ஊகத்தில் இந்த பதிவு மலர்கிறது. தொடருமா என்று எல்லாம் கேக்காதீங்க… போன பதிவு எவளோ ரீச்-ஆச்சுனு எனக்கு தெரியல…. படிப்பதை எல்லாம் இங்கு பகிர்வது, நியாமில்லை என்பதை தெளிவாக அறிவேன். பிறருடன் பகிர்ந்து கொள்ளும் அளவுக்கு / அவர்களையும் சிந்தக, ரசிக்க வைக்கும் பதிவுகளை மட்டும் தருகிறேன்.


சிறுகதை :

  • இமையமலை எங்கள் மலைகல்கி – மூன்றே கதாபாத்திரம் கொண்ட , ஒரு சிறுகதை. என்ன ஒரு சரளமான நடை… சின்னதொரு கருவும் அவரிடம் சிறகு விரிக்கிறது. இன்னும் ஒரு பாரதி பற்றின் சான்று.
  • வாடாமல்லிகை –  புதுமைபித்தன் –  1934லில் இது முற்றிலும் புதிய சிந்தனை தான். ஸரஸுவின் (விதவை) மனநிலையை ஆழமாக படம்பிடித்துள்ளார். வர்ணனையும் அதி பிரமாதம்.  /எனக்கு உமது தியாகம் வேண்டாம். உமது பாசம் இருந்தால் போதும்!/ உணர்வின் உச்சம்
  • கோவிந்தனும் வீரப்பனும் கல்கி – விமோசனத்தில் வெளிவந்தது (மதுவிலக்குக்காக மட்டுமே வெளிவந்த மாத இதழ்). இப்படி சிம்பிளா கதை எழுதனும், அதே சமயம் உண்மையாகவும். ஒரு நல்ல கருத்தை சொல்லவல்தாகவும் அமைதல் வேண்டும்.

கட்டுரை :

  • சைக்கிள் ஓட்டுவோம் – என்.எஸ்.சுகுமார். சைக்கிள் ஓட்டுவதன் சிறப்பும், இன்று பெருகியுள்ள சிக்கல்களையும் சொல்லும் சிறிய பத்தி. கொலக்தாவில், சமீபத்தில் (சில தெருக்களில்) சைக்கிள் ஓட்ட தடை விதிக்கப்பட்டது என்பது கூடுதல் தகவல். {தினமணி நடுப் பக்கம்}
  • நண்பர், நல்லாசன், வழிகாட்டி – ஞானி – எழுத்தாளர் அசோகமித்திரன் பற்றி பல நல்ல தகவல்கள், அனுபவங்கள். தினமணி தீபாவளி மலரில் வந்துள்ளதாம்.
  • அறிவு தந்த மன்றங்கள் தெ.ஞானசுந்தரம் – தமிழகத்தின் பொற்காலத்தில் கல்லூரியில் பயின்ற இவர்கள் தான் பாக்கியவான்கள். இப்படிப்பட்ட மன்றங்கள் நான் படித்த கல்லூரியில் இல்லையே என்ற வருத்தத்தை தருகின்றன. இப்போ, இணையம் இந்த பசிக்கும் சோறு போடுகிறது என்பதே நிதர்சனம்.
  • நமக்குத் தேவை டான் ப்ரௌன்கள் – ஜெயமோகன் – // வாசகர்கள் இருக்கிறார்களா என்றே தெரியவில்லை. ஆனாலும், புயல் காற்றில் தீபத்தைக் கையால் பொத்திக்கொண்டு செல்வதுபோல அவர்கள் இலக்கியத்தை முன்னெடுத்தார்கள். // என் கருத்து : டான் ப்ரௌன் வேண்டும் தான், ஆனாலும் சேதன் அண்ணனே வேணாம், வணிக எழுத்தாளர்கள் தேவையா இல்லையா என்று என்னால் ஏனோ சொல்ல முடியவில்லை. வணிகம் தாண்டியது தானே எழுத்து, தகுதியாக இருந்தால் வாசிப்பு  நிச்சியம் ஏற்படுமல்லவா ?
  • திருத்த வேண்டிய எழுத்துகள் திருப்பூர் கிருஷ்ணன் – யாரயோ குறி வைத்து எழுதியது போலவே தோன்றுகிறது. ஆனால் யார் என்று தெரியவில்லை. இப்படி சிந்திக்கும் எழுத்தாளார்களும் இன்று உண்டு என்பதை நான் மறுக்கவில்லை

கவிதை

  • வைரமுத்து பகிர்ந்து கொண்டது,அவர் எழுதியது அல்ல !)
நேற்று சபதங்களின் காரணமாக
மது கோப்பைகளை உடைத்தேன் – இன்று
மது கோப்பைகளை காரணமாக
சபதங்களை உடைத்தேன் !
  • நாமக்கல் கவிஞர், மதுவிலக்கை முன்னிட்டு, திருசெங்கோடு ஆஸ்ரமத்துக்கு எழுதியப் பாடல் :
குற்றமென்று யாருமே கூருமிந்த கள்ளினை
விற்கவிட்டுத் தீமையை விதைபதென்ன விந்தையே !
பாடுப்பட்ட கூலியைப் பறிக்கும்இந்தக் கள்ளினை 
வீடுவிட்டு நாடுவிட்டு வெளியிலே துரத்துவோம் !   

தந்தை கொண்டு சிரிப்பு, நம்பிக்கை நம்மை ஏற்றும்,
நம்பிக்கை கொண்டு சிரிப்பு, நல்லது நடக்கும் மாற்றம்! 
அனல் ஆணவச் சிரிப்பு, தம்வீரம் அழிவின் அசதி,
கர்வம் கூடா சிரிப்பு, கம்பீரம் கொஞ்சம் அலாதி !

  • காதல் பேருந்து, யார் எழுதியது என்று தெரியவில்லை. நன்பர் ஒருவர் மீள் பதிவு செய்துள்ளார். புதுக்கவிதை, கதை வடிவில். நல்லா இருக்கு, சிம்பிளா இருக்கு என்பது எனது அவிப்பிராயம்.

காணொளி / இசை :

குன்னக்குடி வைத்தியநாதன் அவர்களின் வயலின் தான் எத்தனை எத்தனை வேஷம் போட தக்கது. அவர் வாசுக்கும் “ஹரிவரசானம்” ஐய்யப்பன் பாடலைக் கேளுங்கள். எத்தனை நேர்த்தி, வளைவுகள். அற்புதம்

படங்கள் :

greatest prisonஇத நாம செஞ்சா அவுங்க என்ன நினைப்பாங்க.. அந்த ஆளு அப்படி பேசுவாரே… அம்மா நல்லா இருகன்னு சொல்லுவாங்களா… நாம இந்த  டிரஸ் போட்ட நம்மல பத்தி அவ என்ன பேசுவா….. அப்பாடி….

நாமே நமது சிறையை தேர்ந்தெடுக்கும் உரிமை நமக்கு உள்ளது. சிறையை விட்டு வெளிவர வேணும், சிறகு விரிக்க வேணும், சீக்கிரம் பறக்க வேணும் என நாம் சிந்திப்போமாகுக.

God and love ~~~~~~
இறை என்பது அன்பின் மறு வடிவும். இதை சொல்லாத மதம் இல்லை. ஆனால் இது நடவாமல் மக்களுக்கு மதம் பிடிக்கிறது. இது வேறு அது வேறு என்று. எல்லாம் ஒன்றே. அன்பே ஆனந்தம். நீங்கள் கடவுளை நம்ம வேண்டாம். ஆனாலும் காதலை நம்பி தான் ஆக வேணும். உலகை ஒழுங்கே இயக்கும் சக்தி அது. சர்வமும் அதுவே.

!!!!!!

Fill with gratitude விடியும் திங்களுக்கான செய்தி. நாளை நல்ல சிரிப்புடன் தொடங்க வேணும். ஆனால் நாமோ செல்போன் சிணுங்களுடன் தான் விடிகிறோம். நன்றி சொல்லுங்கள், அனைத்துக்கும். இந்த வையத்துக்கும், உங்களை வைபவர்களும் !

இன்னும் சில :

  • நவம்பர் மாத ஸ்ரீ ராமகிருஷ்ண விஜயம் இதழ். இலவசமாக பதிவிறக்கி படிக்க சொடுக்கவும்.
  • வருடா வருடம் நவம்பர் மாதம் மீசை வளர்க்கும் Movemberராக கொண்டாடப்படுகிறது. ஆண்களின் பொது நலத்துக்கான இயக்கமிது. மேலும் அறிய
  • அதே போல நாவல் எழுதும் மாதம் நவம்பர். 50000 வார்த்தைகள் கொண்ட கதையே நாவல். ஆயிரகணக்கான மக்கள் எழுதும் தளம். மேலும் இது பற்றி படிக்க. (நான் எழுதல!) NaMoWriMoல எழுதி லிங்க் அனுப்புங்க.

diwali naarchanthi

வெள்ளி விருந்து

நாற்சந்தி கூவல் – ௯௪ (94)
(கதம்பம்)

படிக்க நேரம் தேடுவதன் சிரமமும் சுவையும் பட்டால் தான் புரியும், அனுபவித்து அறிய முடியும். வாழ்க்கை ஓடுதோ இல்லையோ. காலம் மட்டும் தனது கடனை சரிவர செய்து வருகிறது. எதற்க்கு இப்படி பூர்வாங்க பீடிகைககள் எல்லாம் என தீர்சிதர்வாள் கேட்க்கிறார். எழுதுவதைவிட வாசிக்கவே அதிக நெரம் செலுத்த ஆசை, செய்தும் வருகிறேன் என்பது என் நம்பிக்கை. நாளிதழ், வார இதழ், புத்தகம், இணையம், மின் புத்தகம், செவி நுகர் புத்தகம் என வாசிக்கதான் எத்தனை வசதிகள். என் இனபத்தை உங்களுடன் பகிர்த்துக் கொள்ளப் (கொல்லப்) போகிறேன். படிக்க சுட்டிகளோ, புத்தக இணைப்போ தந்துவிடிகிறேன். (பணச்) செலவில்லாமல் படிப்பதுவும் ஒரு சாமர்த்தியம் தான். வெள்ளி இரவு உங்களுக்கு என் விருந்து.

(மின்)புத்தகம்

தீட்சிதர் கதைகள் (1936)


ராவ் பகதூர் திரு. சம்பந்த முதலியார் எழுதிய நூல். யார் இந்த தீட்சிதர் என்று இப்போது யாருக்கும் தெரியாது. (கும்பகோணத்தில் 1886சில் தனது உலக வாழ்க்கையை முடித்தார் என் நூல் சொல்கிறது). தெனாலிராமன் பரம்பரையில் வந்து, ஆங்கில ஆட்சி காலத்தில் வாழ்ந்த சாமர்த்தியவான். தனது நுன்மதியினால் (Presence of Mind) தீட்சிதர் செய்யும் லீலைகள் தான் அடிநாதம். 28 கதைகள், 50 பக்கங்கள். எந்த வரிசையில் வேணாலும் கதைகளை வாசிக்கலாம். நகைச்சுவை நிறைந்த நூல். 1940 காலங்களை செவ்வனே படம் பிடிக்கிறது. சமீபத்தில் (மிக வேகமாக) வாசித்த ஒரே மின் நூல்.

>>>>படிக்க / சேமிக்க சொடுக்கவும்<<<<

கட்டுரை

  • எஸ் ராமகிருஷ்ணன் எழுதிய : மகாபாரதம் வாசிப்பது எப்படி ? நல்ல ஆராய்ச்சி கட்டுரை, பாரத கதையை வாசிக்க விருப்பமா, இதை முதலில் படிங்க… மஹாபாரத புத்தகள் பற்றியா பட்டியலும் உள்ளது
  • கதிர்மதியம் போல் முகத்தான் http://solvanam.com/?p=28771 செமையான ஒரு திரில்லர் நாவல் படித்த Effect ! என்ன என்ன எல்லாம் உலகத்துல நடக்குது…. சுஜாதாதேசிகன் எழுதிய கட்டுரை. சுவாரசியம் கூட்டும் பாணி.  இது போல சம்பவங்கள் இன்னும் நடந்து வருகின்றன. (சொல்வனம் இதழில் வெளிவந்தது.)

கதை

  • சித்ராக்குட்டி – எஸ்.ஸ்ரீதுறை நீங்களும் நல்லா அனுபவிப்பீங்க. இயல்பான கதை.
  • ஜெயமோகன் தளத்தில் வந்த (பெரிய) சிறுகதை : பூ – எழுதியது போகன் மலையாள வாசம் கலந்த கதை. ”விசுவாசமும் வேணம் மருந்து பாதி விசுவாசம் பாதி.விசுவாசக் குறைவுதான் பெரிய பாவம் .” எழுதியவர் மருத்தவர் எனக் கேள்விப்பட்டேன்.
  •  நேரமும் நகரங்களும் எண்களும் கொண்ட சிறுகதை புதிதாக இருந்தது, பிடித்தும் இருந்தது. (இதுவும் சொல்வனம்)

இசை

இசை பற்றி ஒரு குட்டி பத்தி எழுதி இருந்தேன், அதற்கு ஒரு தம்பியும் வந்துள்ளான் -> Ph’Ojas வடிவில் “ திசையெங்கும் இசை “. அந்த பதிவில் நானே எழுதிய ஒரு வார்த்தை :

ஒலிந்து = ஒலியுடன் இயந்து !

எம்,எஸ் அம்மாவின் சகுந்தலா படத்தின் பாடல்கள் கிடைத்து, ஆஹா எழுத வார்த்தைகளே இல்லை, இன்னும் பலமுறை கேட்டு விட்டு சொல்கிறேன்.

ஸ்டார்ட் விஜயில் – எம் எஸ் அம்மாவின் நினைவாக காற்றின் குரல் என்னும் நிகழ்ச்சி வந்தது. நீங்களும் பாருங்கள்.

இன்று அதிகம் முனுமுணுத்த பாடல் வரிகள் :

அனைவரும் கூடி,
அவன் புகழ் பாடி,
நிர்மலா யமுனா நதியில் நீராடி…
#கல்கி #எம்.எஸ் #மீரா (கேட்க்க சொடுக்கவும்)

மீள்

(தினமணி கதிரிலிருந்து)

பரிபாஷை என்றால்  ஒரு பொருளையோ கருத்தையோ குறிப்பிடுவதற்கு வழக்கத்தில் உள்ள சொல்லையோ சொல் தொடரையோ உபயோகிக்காமல் வேறு சொல்லையோ, சொல் தொடரையோ உபயோகித்து மறைமுகமாகக் குறிப்பிடுவது என்று பொருள். பரிபாஷை எல்லாத்துறையிலும் உண்டு. ரஸாயனம், வியாபாரம், தரகு எல்லாவற்றிலும் உண்டு. “ஆக்வா’ என்றால் நமக்குப் புரியாது. விஞ்ஞானி ஜலம் என்று அறிவான். சமையல்காரர்கள் பேசிக் கொள்ளும்போது சூலம், பஞ்சா என்ற வார்த்தைகள் அடிபடும். சம்பளம் மூன்று ரூபாய், ஐந்து ரூபாய் என்று பொருள்!

தங்கள் தங்கள் சாமானுக்கு வியாபாரிகள் விலாசம் போட்டிருப்பார்கள். விலாசம் என்றால் விலை. 11091 என்று போட்டிருந்தால் சில எண்களை ஒதுக்கிவிட்டால் அதுவே அந்தச் சாமானின் விலையாகும். எந்த எண்ணை ஒதுக்க வேண்டும் என்பது அந்தக் கடையின் பரிபாஷை ரகசியத்தைச் சேர்ந்தது. சில சமயம் எண்களுக்குப் பதிலாக எழுத்துகளை விலாசமாக உபயோகிப்பதுண்டு. மாட்டு வியாபாரி, நகை வியாபாரி முதலியவர்கள் கம்பளிக்குள் விரலைத் தொட்டு விலை பேசுவதை நாம் பார்த்திருக்கலாம். இங்கே விரல்கள் பரிபாஷை.

கோயில்களில், குறிப்பாக பரிபாஷை மிகுந்தது வைணவ ஆலயங்களே. அதிலும் ஸ்ரீரங்கம் கோயிலில் உள்ள அளவுக்கு வேறு எந்தக் கோயிலிலும் பரிபாஷைகள் இல்லை.

இங்கு அரவணை என்ற ஒரு சொல் ஒரு வகைப் பிரசாதத்தைக் குறிப்பிடும். இராக்காலத்தில் அரங்கர் சந்நிதியில் நைவேத்யம் ஆகும். இது ஆதி சேஷனுக்காக ஏற்பட்டது. அதனால் அரவணை என்ற பெயர் போலும். ஆராதனைக் காலங்களில் உபயோகிக்கப்படும் பொருள்களுக்கும் பரிபாஷைப் பெயர்கள் உண்டு. “ராமானுஜனை எடு’ என்றால் தீபக்கால் எடுக்க வேண்டும். “கரைசல் கொடு’ என்றால் சந்தனம் கொடுக்க வேண்டும். “மிலாக்கா வாங்கி வா’ என்றால் கொட்டாரத்திலிருந்து சந்தனக் கட்டை வாங்கி வர வேண்டும். “பவழக் காப்பு’ என்றால் புளி கொண்டு வர வேண்டும். “வகைச்சல்” என்றால் மாலை! “ஈரங்கொல்லி’ என்றால் கோயில் சலவைக்காரனுக்குப் பரிபாஷைப் பெயர்!

கோயிலில் உள்ள திருப்படிகத்திற்குச் சுந்தரபாண்டியன் என்று பெயர். பாண்டிய நாட்டரசன் சுந்தரபாண்டியன் அரங்கனிடம் அளவுக்கு மிஞ்சி ஈடுபட்டவன். கோயிலை ஆதியில் தங்கமயமாக்கினான் என்று சரித்திரம் சொல்லுகிறது. தினசரி பூஜைக்கு இன்றியமையாத படிகம் சுந்தரபாண்டியன் என்ற பெயரால் வழங்குகிறது.

அரங்கர் கோயில் உற்சவமூர்த்திக்கு நம்பெருமாள் என்று பெயர்! கர்ப்பகிரஹத்தில் – நம்பெருமாள் பூபாலராயன் மீது வீற்றிருக்கிறார். சிம்மாசனத்துக்குப் பரிபாஷை பூபால ராயன்!

-> “ந.பிச்சமூர்த்தி கட்டுரைகள்” என்ற நூலில் “பரிபாஷை’ என்ற கட்டுரையில் ந.பிச்சமூர்த்தி.

கவிதை

  • கவிவாணன் எழுதியது, மெழுகுவத்தி பற்றி
      இருட்டை 
      எச்சரிக்கும் 
      புரட்சிக்குரல் !
  • உன்னத உணர்வுகளை சொல்லும் லாவண்யா அவர்களின் கவிதை அட்டகாசம் :
    மழையில்லை மடியில் கனமில்லை,
    மகன்கள் சுகமில்லை,
    கையில் பணமில்லை,
    கள்குடிக்கக் கூட காசில்லை !

சொற்பொழிவு 

புலவர் கீரன் பேசிய கம்ப ராமாயணம் தொடர் சொற்பொழிவு. ஏழு நாட்கள் அமெரிக்காவில் பேசியுள்ளார். துல்லியமான வடிவில் பதிவு செய்யப்பட்டுள்ளது. 21க் கோப்பைகள் உள்ளன.  நான் இப்போது கேட்ப்பது. என்னமா பேசுறார்… ஆழமான உணர்வுகள் மற்றும் வாசிப்பு. சிரிப்பு வெடிகளுக்கு பஞ்சமே இல்லை. திரு என் சொக்கன் பகிர்ந்துக் கொண்ட சுட்டி.

 >>> பதிவிறக்க <<<

படம் 

(நெட்டில் சுட்டது)

Three Friends

யோசித்து பார்க்கும் போது சரி எனவேப்பட்டது, வாழ்க்கை பாதையில் தான் எத்தனை நண்பர்கள். காரியம் கருதி, இடம் கருதியும் நட்பு மலர்கிறது, சீக்கிரம் வாடவும் செய்கிறது, மறக்கவும் படுகிறது. ஆனாலும் வாழக்கை சிறக்க என தோன்றும் நண்பர்கள் சிலரே !

என் கிறுக்கல் 

இரவும் இதயமும்
இனிதே உறங்கட்டும்
சிறகும் சிந்தனையும்
சிலிர்த்தே வளரட்டும்

உறவும் உறக்கமும்
உணர்ந்தே கூடட்டும்
மலரும் மனமும்
மகிழ்தே விடியட்டும்

நாளும் நலமும்
நம்முடன் வாழட்டும்
காற்றும் காதலும்
காலமெல்லாம் பெருகட்டும் !

நாற்சந்தி நன்றிகள் !

நாற்சந்தி கூவல் – ௮௫(84)

(! பதிவு)

cooltext850575243

இன்று பதிவு எழுத வேண்டிய அவசியமே இல்லை. ஆனாலும் ஒரு காரணம் உண்டு. எந்த வித முன் யோசனையுமின்றி எழுத வந்துள்ளேன். இன்று நாற்சந்தி அதன் இரண்டாம் ஆண்டில் அடி எடுத்தி வைக்கிறது.  பிறந்த பிஞ்சு குழந்தையை, கழுத்து விட்டு போகாமல் இருக்க, கழுத்தை பிடித்து தூக்குவது வழக்கம். நீங்களும் இந்த தளத்தை அத்துனை அக்கறையுடன் பேணி, பாரட்டி, பாதுகாத்து, ஊக்குவித்து நடத்தி வந்துள்ளீர்கள். நன்றி என்று சொல்லி முடித்து விட முடியாது…… நம் நேசமும் பாசமும், எழுத்துகள் என்னும் பாலத்தின் மூலம் பலப்படட்டும்.

என் வளர்ச்சியை கண்டு என்னை விட மகிழ்ச்சி அடைபவர்கள் இவ்வுலகில் மிகவம் சில உளர் !  அதில் ஒருவன் தான் தமிழ் தம்பி. இன்று என்னை பற்றி ஒரு, பல சில பெருமையான பொய்களை கலந்து ஒரு பதிவு எழுதி உள்ளான்.

->>>>தவறவிடக் கூடதவன்.<<<<- தலைப்பில் சிறு பிழை. ‘தவறு கூடியவன்’ இது தான் உண்மையான தலைப்பு ! நம் ‘தமிழ் பிழைகளின் தலைமையாகத்துக்கு’  மிக பொறுத்தமான தலைப்பும் கூட ! எனக்கும் தான், நானும் நாற்சந்தியும் ஒன்றே! இருந்தாலும்

என் கருத்து : நன்றி தமிழ் தம்பி! நான் இத்தனை பாராட்டுக்கு தகுதி இல்லாதவன் ! என்னை வளர்க்கும் இந்த தமிழ் சமூகமும், கல்கி, பாரதி போன்றோர் செய்யும் விந்தை 🙂

வரலாற்றில் பதிய சில எண்கள், இதுவரை நாற்சந்தியில் :

  • 84 பதிவுகள்
  • 4 பக்கங்கள்
  • 27 பகுப்புகள்
  • 108 tags
  • 104 கமெண்ட்ஸ்
  • 4619 பார்வைகள் (அரை மணி முன் வரை)
  • 126 பார்வைகள் ஒரே நாளில் 05/02/2012
  • 26 followers ( 12 wordpress, 14 ஈமெயில்)
  • 8 பகிர்வுகள்

ஏற்கனவே சொல்லியது போல, நாற்சந்திக்கும் நாலுக்கும் பொருத்தம மிக அதிகம்.

நச்சுன்னு நாலு நாற்சந்தி பட்டியல்கள்

நாற்சந்தி நாலு –  நச் வாசகர்கள் :

நாற்சந்தி நாலு –  நச் வாசகர் விருப்பம் :

நாற்சந்தி நாலு –  நச் என் விருப்பம் :

நாற்சந்தி நாலு –  நச் தம்பிகள்  :

(தமிழ் தம்பி இதில் சேர்த்து இல்லை)

இன்று முதல் youtubeலும் : ஒலி பிரவேசம், முதல் காணொளி : பாரதி சிறப்பு பாடல் – வாழிய செந்தமிழ் ! . பாடியவர் : எம்.எஸ் அம்மா


இது வரை சொந்த கருத்துகளுடன் எழுதிய பதிவுகள் மிக குறைவு, என்பது தான் உண்மை. மேலே உள்ள பட்டியலை உருவாக்கும் பொழுது, இதனை, நன்கு உணர்ந்து கொண்டேன். இன்னும் சிறப்பாக எழுத ஆசை, என்று எல்லாம் சொல்ல மாட்டேன். அனைத்து பதிவுகளிலும் என் முழு முயற்சியை தந்துள்ளேன், என்பது எனக்கு தெரியம். உங்களுக்கு அது பிடிக்கிறதா, இல்லையா என்பது வேறு விடயம் (தமிழ்டா!).

நான் பொழப்புகாக எழுத்துபவன் அல்லன். பொழுது போக்குகாக மனம் உவந்து எழுதுபவன். எனவே எனக்கு கிடைக்கும் சிறு சிறு பாராட்டுகளும் சிகரங்களே, அது ஒரு பதிவன் likeகாகவோ, commnetடாகவோ, followingகாகவோ எதுவாகவோ இருந்தாலும் சரி! படிக்க தான் நிரம்ப உள்ளது. நிறைய படிக்க தான் ஆசை, வேறு ஒன்றும் இல்லை! அதில் வரும் இன்பங்களை, அனுபவங்களை, எண்ணங்களை முடிந்த மட்டும் பகிர்ந்து கொண்டு பயன் பெறுவோம் 🙂

ஏ நாற்சந்தி, நீ எனக்கு செய்த, நன்மைகளுக்குகாக, நீ நீடுழி வாழ்க!!!

நன்றி அறிவிப்புக’ழ்’ !

நாற்சந்தி கூவல் –  ௮௩(83)

(பல நன்றிகள்,சில அறிவிப்புகள்)

நன்றி அறிவிப்புக’ழ்’ !

(தலைப்பே கோளாறு………. x-( பின்ன என்னத்துக்கு நாற்சந்தி : தமிழ் பிழைகளின் தலைமையாகம் :))))

I

இந்த இன்ப நேரத்தில் ஒரு பதிவு அவிசயமா என்று எனக்கே தெரியவில்லை. இந்த ஒரு வாரத்துக்குள் எதாவது ஒரு பதிவாவது ஏழுதாமல் விடில் தமிழ் தலைவர் கோபித்து கொள்வார். (அவர் பெயர எல்லாம் கேக்கப்பிடாது). எனவே நாற்சந்தியின் தல தீபாவளி வாழ்த்துகளுடன் இந்த பதிவு சுபமா துவங்குகிறது. என்னை பொறுத்த வரை இந்த வருட தீபாவளி, சொல்லி புரிய வைக்க முடியாது, காணுங்கள்

என்னடா இந்த அமளி துமளி என்று கேட்டபவர்களுக்கு மட்டும் :  நாற்சந்தி தளத்தின் தலை பட்டையில் நீங்களே பார்த்து இருக்கலாம். ஆம் உங்கள் ஆதரவுடன் நாற்சந்தி நாலாயிரம் ++ பார்வைகளை தாண்டி சென்று விட்டது. இதற்கு முக்கிய காரணம் இருவர். ஒருவர் என் ஆசான் கல்கி (பதிவு : வந்தியத்தேவன்)  , மற்றவர் எனக்கு சிறிது மட்டுமே பரிச்சியம் உள்ள கம்பர் (பதவி : கம்பன் கேள்விகள்). எப்படியும் 4000 என்பது எவ்வகையில் பார்த்தாலும் மிக பெரிய இலக்கு / எண் !!!!

II

இதனால் நம்பிக்கை ததும்ப facebookஇல் நாற்சந்திக்கு என தனி பக்கம் துவங்கி உள்ளேன். பக்கத்தின் விலாசம் : http://www.facebook.com/pages/Naarchanthi/357487460942285 உங்கள் லைக், விரைவில் ஏதிர்பார்க்கப்படுகிறது. இதவரை நான்கு பேர் லைக் குத்தி என்னை ஆச்சிரியப் படுத்தி விட்டனர். நாற்சந்திக்கும் இந்த ‘நா’வுக்கும் நல்ல ராசி. (நாலாயிரம், நான்கு….) இது நிற்க. ரஞ்சனி அவர்களுக்கு என் நன்றிகள். சமீப காலாமாக நான் செய்யும் அத்தனை முயற்ச்சிகளுக்கும் மாமி கை கொடுத்து வருகிறார்.

III

பல நாள் கணவாக ஒரு இணைய ஆரம்பம், இசை இன்பம். ஆம் இசை பா isaipaa.wordpress.com பற்றி தான் சொல்கிறேன். நானும் தமிழ் தம்பியும் சேர்ந்து செய்யும் ஒரு பயணம். நீங்களும் இதில் சேருங்கள்.  தளத்தின் முதல் பதிவில் இருந்து சில வரிகள் :

உலகில் உள்ள உயிர்களையெல்லாம் இசையச் செய்வதால்தான் அது இசை. இசை என்பது சிரிப்பையும், அழுகையும் போல உலகை வசப்படுத்தக் கூடிய அனுபவம். உள்ளத்தையும் வசப்படுத்தக்கூடியது. உங்களைப் போல நாங்களும் வசப்பட்டோம். பரவசப்பட்டோம். உங்களுக்கும் அதே உணர்ச்சியை, அனுபவத்தை பகிர்ந்து பன்மடங்காக்கி  தர முயற்சிப்பதுதான், இந்த தளத்தின் அடி நாதம்!

வாருங்கள் இசையோடு பயணிப்போம். பாக்களுடன் பரவசம் மிக விரைவில் உங்கள் வசம்!

தமிழர்களின் தனி கடவுள் முருகனில் முயற்சியை ஆரம்பித்து, கமல், இளையராஜா என்று சென்று உள்ளோம். வாசகர் விருப்பங்கள் வரவேற்கப்படுகிறது. இது வரை இரண்டு விருபங்களை பெற்று உள்ளோம்!

IV

திரும்பவும் கம்பருக்கு வருவோம். கமபன் இணைய வானொலி, அதாங்க கம்பன் பாட்-காஸ்ட தொகுப்புகள். இவர்கள் செய்யும் பணி மிக மிக அரிதானது, சுவையானது. எழுத்தாளார் சொக்கன் ஆரம்பித்து இன்று சைலன்ட் சுறாவளியாக தமிழ் இணய மக்கள் மத்தியில் கம்பன் வலம் வருகிறார். நீங்களும் நிச்சியம் சென்று கேட்டு, மகிழ்ந்து, சிந்தித்து, பகிர வேண்டிய தளம். கம்பன், தமிழ் கவி அல்ல என்பது பலரது கூற்று. சென்று சில பேச்சுகளை / பாடல்களின் விளக்கத்தை கேட்டு விட்டு நீங்களே முடிவு செய்ய வேண்டியது தான் மிச்சம்.

குறிப்பாக : சொக்கன் அவர்கள் பேசும் முறை : இன்று நிஜ வாழ்வில் நடக்கும்  சம்பவத்தை வைத்து, அதற்கு பொருத்தமான ஒரு கம்பன் பாடலின் விளக்கம். கண்ணபிரான் அவர்கள் உரைகள் தமிழ் தேன் ஒழுகும். ராகவன் அவர்கள் சொற்பொழிவுகள் பறந்து விரிந்த கண்ணோட்டதோடு வித்தியாசாமாக இருக்கும். சுஷிமா சேகர் : பெண்களின் உணர்வுகளை மிகவும் தெளிவாகவும், நேர்த்தியாகவும் எடுத்து காட்டுகிறார்…..  இன்னும் பலர் உள்ளனர், சென்று செவி மடுத்து உணருங்கள.

பேச்சுகளில் சில கருத்து வேறுபாடு கொண்டு, பேசி தீர்த்து பல நண்பர்களை பெற்று உள்ளேன் என்பதில் மிக்க மகழ்ச்சி.

V

உங்களிடம் இருந்து ஒரு உதவி :  மேலே சொன்ன கமபன் இணைய வானொலிக்கு ஒரு தலை பட்டை (header image) செய்து தர வேண்டும். எங்கள் யாருக்கும் இந்த பிரிவில், ஒரு வித பரிசியமும் இல்லை. அது போல ஒரு banner imageம் தேவைப் படுகிறது. (எடு – நாற்சந்தி வலது இறுதியில் உள்ள DOSA banner)  எனவே உங்கள் படைப்புகளை சொக்கன் அவர்களுக்கு ட்விட்டர் மூலம் அனுப்பவும்.  அதில் உங்கள் பெயரையும் சின்னதாக சேர்த்து கொண்டால், தவறு ஏதும் இல்லை. அட்வான்ஸ் நன்றிகள் !

VI

ஆஸ்கார் நாயகன், இசை புயல் , ஏ.ஆர்.ரஹ்மான் அவர்கள் இணையத்தில் ஒரு அறிவிப்பு வெளியிட்டுள்ளார். ஆதாகப்பட்டது அவரின் அடுத்த இசை ப்ராஜெக்ட்டை முன்னிட்டு நம்மிடம் சில கேள்விகளை முன் வைக்கிறார். அதற்கான பதில்களை நீங்கள் காணொளியாக அவர்க்கு பதவி செய்து அனுப்ப வேண்டும். கேள்விகள் மட்டும் இங்கே :

  • நாடுகளின் எல்லைகள் (கோடுகளை ) நீக்குவது எப்படி ?
  • ‘விதி’ என்பதை நீங்கள் நம்ப காரணாம் என்ன ?
  • உங்களை பொறுத்த மட்டில் நல்ல இசை என்றால் என்ன ?
  • நல்ல மனிதனாக தேவியான குணங்கள் என்ன, என்ன ?
  • உங்கள் பொது (social)  வாழ்கையை வழி நடத்துவது எது : கலாச்சாரமா, நம்பிக்கையா, மதமா, சட்டங்களா ?

நல்ல கேள்விகள். யோசிக்க ஆரம்பித்து விட்டேன். நீங்களும் உங்கள் கருத்துகளை சொல்லுங்கள்!

 முழு அறிவிப்பு – சொடுக்கவும்

VII

92 ஆண்டுகள் தாண்டியும் தமிழகத்தில் வெற்றி நடை போடும் ஆன்மிக, பண்பாட்டு மாத இதழ் ஸ்ரீ ராமகிருஷ்ண விஜயம் நாளை முதல் நமக்காக மட்டும் : facebook பக்கம் ஆரம்பிக்கிறது. இத்தனை ஆண்டிகளில் வெளி வந்த சுவையான செய்திகள் அந்த பக்கத்தில் மறுபடி  வெளிவர உள்ளது. விரைவில் இணைப்பை பகிர்த்து கொள்கிறேன். வந்து விட்டது : இதோ www.facebook.com/srkvijayam  ஒவ்வொரு மாதமும்  விஜயம் : 1,50,000 பிரதிகளுக்கு மேல்  அச்சிடப்படுகிறது. எத்தனை வாசகர்களை கொண்டது என்பதை நீங்ளே அறிக.

VIII

ஏதோ கலவையாக ஒரு பதிவு எழுதி விட்டேன். இன்னும் ஒண்ணு மட்டும் :  கல்கி தீபாவளி மலர் சூப்பர். வாங்கலாமா வேண்டாமா, சிந்திதேன். விலை நூற்றி இருபது ஓவா. அட்டை படத்தை பார்த்த உடன் முடிவு செய்து விட்டேன். அட்டையில் சொல்லின் செல்வன் அனுமன், அழகு படம். சினிமா செய்திகள், குட்டை பாவாடை அணிந்த மங்கையர்கள் படங்கள் இல்லாமல் பல சுவையான தகவல்கள். ஆன்மீகம் நிரம்ப உள்ளது. கம்பன்,ஓவியம்,கவிதை,சிறுகதை,கட்டுரை என அட்டகாஸ். ஒரு பார்வை தான் பார்த்து உள்ளேன். படித்து விட்டு சொல்கிறேன். நமது டிவி போல விளம்பரங்கள் அதிகம். 250 பக்கங்களும் வழவழ தாள்கள்.

கலை மகள் மற்றும் அமுத சுரபி தீபாவளி மலர்களும் நன்கு உள்ளதாம். பார்த்து விட்டு வந்து சொல்றேன். மறுபடியும் தீபாவளி நல்வாழ்த்துகள். நேற்று ஒரு பாடல் கேட்டேன். அஷ்ட லக்ஷ்மி ஸ்தோத்திரம் என்று நினைக்கிறேன். அருமையன இசை, சாஹித்தியம்!

நாற்சந்தி நல்வணக்கங்களுடன்,

ஓஜஸ் 🙂

பிகு : அடுத்த பதிவு ‘சமையல் சார்ந்தவை’யா இருக்க வாய்ப்பு உள்ளது! தீபாவளி ஸ்பெஷல் இனிப்பு ஒன்று ………. :p

குறிச்சொல் மேகம்

%d bloggers like this: