~! || உடல் || உள்ளம் || உயிர் || உலகம் உரசும் நாற்சந்தி >> || || || || << !~ :) தமிழ்ப் பிழைகளின் தலைமையகம் :) எத்தனை குறைகள், எத்தனை பிழைகள், எத்தனை அடியேன், எத்தனை செய்தால், பெற்றவன் நீ குரு பொறுத்தருள்வது உன் கடன்!!!

Posts tagged ‘உணர்வுகள்’

வெள்ளி விருந்து #2

நாற்சந்தி கூவல் – ௯௫(95)
(கதம்பம்)

பதிவெழுதி ஒரு வாரமாகிவிட்டது. வேகமான கால ஓட்டத்தில்  பல சுவையான சம்பவங்கள் நடந்தன. தீபாவளி சீசன். இதுவரை எல்லாம் சுகமே. இன்பங்களும், இனிப்புகளும், காரங்களும், உடைகளும், வெடிகளும் வரிசையாக நிற்கின்றன. இன்றோ விடுமுறை. அதில் எதோ தனி திருப்தி. மேட்டருக்கு வருவோம். வெள்ளி விருந்துடன் மீண்டும் நான் ! தம்பி குடுத்த ஊகத்தில் இந்த பதிவு மலர்கிறது. தொடருமா என்று எல்லாம் கேக்காதீங்க… போன பதிவு எவளோ ரீச்-ஆச்சுனு எனக்கு தெரியல…. படிப்பதை எல்லாம் இங்கு பகிர்வது, நியாமில்லை என்பதை தெளிவாக அறிவேன். பிறருடன் பகிர்ந்து கொள்ளும் அளவுக்கு / அவர்களையும் சிந்தக, ரசிக்க வைக்கும் பதிவுகளை மட்டும் தருகிறேன்.


சிறுகதை :

  • இமையமலை எங்கள் மலைகல்கி – மூன்றே கதாபாத்திரம் கொண்ட , ஒரு சிறுகதை. என்ன ஒரு சரளமான நடை… சின்னதொரு கருவும் அவரிடம் சிறகு விரிக்கிறது. இன்னும் ஒரு பாரதி பற்றின் சான்று.
  • வாடாமல்லிகை –  புதுமைபித்தன் –  1934லில் இது முற்றிலும் புதிய சிந்தனை தான். ஸரஸுவின் (விதவை) மனநிலையை ஆழமாக படம்பிடித்துள்ளார். வர்ணனையும் அதி பிரமாதம்.  /எனக்கு உமது தியாகம் வேண்டாம். உமது பாசம் இருந்தால் போதும்!/ உணர்வின் உச்சம்
  • கோவிந்தனும் வீரப்பனும் கல்கி – விமோசனத்தில் வெளிவந்தது (மதுவிலக்குக்காக மட்டுமே வெளிவந்த மாத இதழ்). இப்படி சிம்பிளா கதை எழுதனும், அதே சமயம் உண்மையாகவும். ஒரு நல்ல கருத்தை சொல்லவல்தாகவும் அமைதல் வேண்டும்.

கட்டுரை :

  • சைக்கிள் ஓட்டுவோம் – என்.எஸ்.சுகுமார். சைக்கிள் ஓட்டுவதன் சிறப்பும், இன்று பெருகியுள்ள சிக்கல்களையும் சொல்லும் சிறிய பத்தி. கொலக்தாவில், சமீபத்தில் (சில தெருக்களில்) சைக்கிள் ஓட்ட தடை விதிக்கப்பட்டது என்பது கூடுதல் தகவல். {தினமணி நடுப் பக்கம்}
  • நண்பர், நல்லாசன், வழிகாட்டி – ஞானி – எழுத்தாளர் அசோகமித்திரன் பற்றி பல நல்ல தகவல்கள், அனுபவங்கள். தினமணி தீபாவளி மலரில் வந்துள்ளதாம்.
  • அறிவு தந்த மன்றங்கள் தெ.ஞானசுந்தரம் – தமிழகத்தின் பொற்காலத்தில் கல்லூரியில் பயின்ற இவர்கள் தான் பாக்கியவான்கள். இப்படிப்பட்ட மன்றங்கள் நான் படித்த கல்லூரியில் இல்லையே என்ற வருத்தத்தை தருகின்றன. இப்போ, இணையம் இந்த பசிக்கும் சோறு போடுகிறது என்பதே நிதர்சனம்.
  • நமக்குத் தேவை டான் ப்ரௌன்கள் – ஜெயமோகன் – // வாசகர்கள் இருக்கிறார்களா என்றே தெரியவில்லை. ஆனாலும், புயல் காற்றில் தீபத்தைக் கையால் பொத்திக்கொண்டு செல்வதுபோல அவர்கள் இலக்கியத்தை முன்னெடுத்தார்கள். // என் கருத்து : டான் ப்ரௌன் வேண்டும் தான், ஆனாலும் சேதன் அண்ணனே வேணாம், வணிக எழுத்தாளர்கள் தேவையா இல்லையா என்று என்னால் ஏனோ சொல்ல முடியவில்லை. வணிகம் தாண்டியது தானே எழுத்து, தகுதியாக இருந்தால் வாசிப்பு  நிச்சியம் ஏற்படுமல்லவா ?
  • திருத்த வேண்டிய எழுத்துகள் திருப்பூர் கிருஷ்ணன் – யாரயோ குறி வைத்து எழுதியது போலவே தோன்றுகிறது. ஆனால் யார் என்று தெரியவில்லை. இப்படி சிந்திக்கும் எழுத்தாளார்களும் இன்று உண்டு என்பதை நான் மறுக்கவில்லை

கவிதை

  • வைரமுத்து பகிர்ந்து கொண்டது,அவர் எழுதியது அல்ல !)
நேற்று சபதங்களின் காரணமாக
மது கோப்பைகளை உடைத்தேன் – இன்று
மது கோப்பைகளை காரணமாக
சபதங்களை உடைத்தேன் !
  • நாமக்கல் கவிஞர், மதுவிலக்கை முன்னிட்டு, திருசெங்கோடு ஆஸ்ரமத்துக்கு எழுதியப் பாடல் :
குற்றமென்று யாருமே கூருமிந்த கள்ளினை
விற்கவிட்டுத் தீமையை விதைபதென்ன விந்தையே !
பாடுப்பட்ட கூலியைப் பறிக்கும்இந்தக் கள்ளினை 
வீடுவிட்டு நாடுவிட்டு வெளியிலே துரத்துவோம் !   

தந்தை கொண்டு சிரிப்பு, நம்பிக்கை நம்மை ஏற்றும்,
நம்பிக்கை கொண்டு சிரிப்பு, நல்லது நடக்கும் மாற்றம்! 
அனல் ஆணவச் சிரிப்பு, தம்வீரம் அழிவின் அசதி,
கர்வம் கூடா சிரிப்பு, கம்பீரம் கொஞ்சம் அலாதி !

  • காதல் பேருந்து, யார் எழுதியது என்று தெரியவில்லை. நன்பர் ஒருவர் மீள் பதிவு செய்துள்ளார். புதுக்கவிதை, கதை வடிவில். நல்லா இருக்கு, சிம்பிளா இருக்கு என்பது எனது அவிப்பிராயம்.

காணொளி / இசை :

குன்னக்குடி வைத்தியநாதன் அவர்களின் வயலின் தான் எத்தனை எத்தனை வேஷம் போட தக்கது. அவர் வாசுக்கும் “ஹரிவரசானம்” ஐய்யப்பன் பாடலைக் கேளுங்கள். எத்தனை நேர்த்தி, வளைவுகள். அற்புதம்

படங்கள் :

greatest prisonஇத நாம செஞ்சா அவுங்க என்ன நினைப்பாங்க.. அந்த ஆளு அப்படி பேசுவாரே… அம்மா நல்லா இருகன்னு சொல்லுவாங்களா… நாம இந்த  டிரஸ் போட்ட நம்மல பத்தி அவ என்ன பேசுவா….. அப்பாடி….

நாமே நமது சிறையை தேர்ந்தெடுக்கும் உரிமை நமக்கு உள்ளது. சிறையை விட்டு வெளிவர வேணும், சிறகு விரிக்க வேணும், சீக்கிரம் பறக்க வேணும் என நாம் சிந்திப்போமாகுக.

God and love ~~~~~~
இறை என்பது அன்பின் மறு வடிவும். இதை சொல்லாத மதம் இல்லை. ஆனால் இது நடவாமல் மக்களுக்கு மதம் பிடிக்கிறது. இது வேறு அது வேறு என்று. எல்லாம் ஒன்றே. அன்பே ஆனந்தம். நீங்கள் கடவுளை நம்ம வேண்டாம். ஆனாலும் காதலை நம்பி தான் ஆக வேணும். உலகை ஒழுங்கே இயக்கும் சக்தி அது. சர்வமும் அதுவே.

!!!!!!

Fill with gratitude விடியும் திங்களுக்கான செய்தி. நாளை நல்ல சிரிப்புடன் தொடங்க வேணும். ஆனால் நாமோ செல்போன் சிணுங்களுடன் தான் விடிகிறோம். நன்றி சொல்லுங்கள், அனைத்துக்கும். இந்த வையத்துக்கும், உங்களை வைபவர்களும் !

இன்னும் சில :

  • நவம்பர் மாத ஸ்ரீ ராமகிருஷ்ண விஜயம் இதழ். இலவசமாக பதிவிறக்கி படிக்க சொடுக்கவும்.
  • வருடா வருடம் நவம்பர் மாதம் மீசை வளர்க்கும் Movemberராக கொண்டாடப்படுகிறது. ஆண்களின் பொது நலத்துக்கான இயக்கமிது. மேலும் அறிய
  • அதே போல நாவல் எழுதும் மாதம் நவம்பர். 50000 வார்த்தைகள் கொண்ட கதையே நாவல். ஆயிரகணக்கான மக்கள் எழுதும் தளம். மேலும் இது பற்றி படிக்க. (நான் எழுதல!) NaMoWriMoல எழுதி லிங்க் அனுப்புங்க.

diwali naarchanthi

பாவேந்தர் பாரதிதாசன்

நாற்சந்தி கூவல் – ௯௩ (93)
(புத்தகப் பதிவு)

பாவேந்தரின் பெயர் என்னை சில நாட்களாகவே சுத்தி சுத்தி வருகிறது. அவருடைய கவிதை தொகுப்பை சீக்கிரம் வாங்க வேண்டும் என நான் முடிவு செய்தது தான் காரணம் போலும். இன்று, ஓடும் தருணங்களை, ஒழுங்கே செல்லுத்த, ஒரு சிறு புத்தகத்தை எடுத்து, கால ஓடத்தில், தமிழ் வெள்ளத்தில் பயணம் செய்தேன். முடிந்த மகிழ்ச்சியை, முத்துக்களை பகிரவும் வந்து விட்டேன்.

புத்தக்க விபரம்
பெயர் : பாரதிதாசன்
ஆசிரியர் : வேணு சீனிவாசன் 
பதிப்பகம் : Prodigy (கிழக்கு பதிப்பகம்)
பக்கம்: 80
விலை : ரூ.30

{பின்வருன அந்த நூலிலிருந்தும், எனக்கு தெரிந்த, நான் படித்த சம்பவங்கள் }

தமிழக அரசியலின் அழியா சரித்திரத்தின், பெரும் சித்திரம் அறிஞர் அண்ணாவின் பிறந்தநாள் நேற்று. பாவேந்தர் அண்ணாவுடன் பல காலமிருந்தவர். திரு.வி.க எழுதினார்

‘அண்ணாதுரை என்னும் அண்ணல் தமிழ்நாட்டின்
வண்ணான் அழுக்கெடுப்பில்’

இதனை படித்த பாரதிதாசன், குறைக் கண்டார். உவமை சரியில்லை என்றார். எதுகைக்காக எந்த சொல்லையும் போடக்கூடாது எனவும் சொல்லி, அவரே ஒரு கவிதை பாடினார்

எண்ணாதுரை நாடி ஏந்து புகழ் நட்ட
அண்ணாதுரை அண்ணல் ஆய்ந்து தமிழ் – செழிக்கப்
பண்ணாதுரை உண்டோ பைந்தமிழ் ஏன் இவனைக்
கண்ணாகக் கொள்ளார் கனிந்து

கனிகளுக்காக அண்ணனுடன் சண்டையிட்டு கவிதை எழுதியவர் தான் கனக சுப்புரத்தினம். 29/04/1891னில் பிறந்தார். இயல்பாக கவிதை பாடும் திறம் கொண்டார். படிப்பில் படு கெட்டி, பாட்டிசைப்பதிலும், நடிப்பதிலும் வல்லவர். கம்பீர உருவம் கொண்டவர். பல காலம் பள்ளி ஆசிரியராக பணிபுரிந்தார். புதுவை தான் அவரது வாசத்தலம். பன்னிரண்டாம் பிராயத்துக்கு முன்னே திருக்குறள் அனைத்தும் அவருக்கு மனப்பாடம். அத்துப்படி. ஆயினும் அசைவம் உண்பதில் மிகுந்த பிரியம் கொண்டவர். ‘மீனுக்கு தொட்டுக்க சோறுவை‘ என்பாராம். இருந்தும் புறாக்களை காண்பதும் ரசிப்பதுவும் அவருக்கு மிக பிடிக்கும்

வட்டமாய் புறாக்கள் கூடி
இரையுண்ணும் அவற்றின் வாழ்வில்,
வெட்டில்லை, குத்துமில்லை
கீழ்மேல் என்னும் கண்மூடி வழக்கமில்லை…

இதை படிக்க, பசிக்கு காயவைத்த தானியத்தை குருவிகளுக்கு ஈந்த பாரதி நினைவில் வந்தான்

சின்னஞ் சிறு குருவி போலே – நீ
திரிந்து பறந்துவா பாப்பா !
வண்ணப் பறவைகளைக் கண்டு – நீ
மனதில் மகிழ்ச்சி கொள்ளு பாப்பா !

புதுமையான சிந்தனைகளைக் கொண்டவர் பாரதிதாசன். நினைத்த மாத்திரத்தில் கவிதை புணைவார், அதற்க்கு சிறு துண்டு ஒற்றைப் பக்க காகிதம் கூடப் போதும். தன் பிள்ளைகள் கேட்ட மெட்டுக்கெல்லாம் கீதம் இசைப்பாராம். ஒரு திருமண விழா கச்சேரியில், தன் கம்பீர குரலில்,

வீர சுதந்திரம் வேண்டிநின்றார் – பின்னர்
வேறொன்றைக் கொள்வாரோ…

போன்ற பல பாரதி பாடலக்ளை ஆழமுணர்ந்து பாடினார். முடிவுல் அங்கு இருந்த பாரதி அவரை பெரிதும் பாராட்டினார். இதுவே அவரது எதேச்சியான முதல் சந்திப்பு.

குருநாதர் திருக்கோட்டியூர் நம்பியின் கட்டளையை மீறி, நாராயண நாமத்தை உபதேசம் பெற்றவுடன், கோவில் மதில்மீதேறி மக்களுக்கு சொல்லி, மதபுரட்சி செய்யத ராமானுஜரை அவருக்கு மிகவும் பிடிக்கும். அவரை பற்றிய தமிழ் திரைப்படத்தை கதை எழுதி,  இயக்கி, தயாரித்தார். ஆனாலும் அவர் பெரியாரின் சுயமரியாதை இயக்கத்தை சார்ந்த(ர்/)வர்.

1928டில் புதுசேரியில் பெரியார் பேசியதைக் கேட்டு, அவரின் கொள்கைகள் வசம் ஈர்க்கப்பட்டார். முதலில் அவர் மிகப்பெரும் ஆதிக்கராக இருந்தார். பாரதி, வா.வே.சு ஐயர் மற்றும் சிலர் இருந்த ஒரு தருணத்தில், அவரைப் பற்றி பேச்சு வந்தது, உடனடியாக ஒரு கவிதை எழுத சொல்லி பாரதி கேட்க்க, பாரதி எழுதும் மேஜையிலேயே கனகசுப்புரத்தினம் எழுதியது தான்

எங்கெங்கு காணிணும் சக்தியடா – தம்பி
ஏழுகடல் அவள் வண்ணமடா….

பலே பாண்டியா!‘ என பாரதி பாரட்டி, ‘கவிதா மண்டலத்தை சேர்ந்த கனக-சுப்புரத்தினம் பாடியது‘ என் குறிப்பெழுதி, சுதேசமித்திரன்-னுக்கு அனுப்பினார். முதலில் பரிசுரமான பாவேந்தரின் கவிதை இது தான் என சொல்லப்படுகிறது. பின்பு இந்த பாடல் பல மொழிகளிலும் மாற்றம் பெற்று வெளிவந்தது. பாரதியுடன் அவரது நட்பும், அன்பும், பாசமும், மரியாதையும் வளர்ந்து வந்தது.

{இந்த ‘எங்கெங்கு காணிணும் சக்தியடா…..’ பாடல் பாரதிதாசன் எழுதியதே, பாரதி அல்ல. பல பிரபல நாளிதழ்கள் மற்றும் 99% இணைய தளங்கள், பதிவுகள் இதை பாரதி என்றே சொல்கிறது!}

புனைப்பெயரை தேடி, இறுதியுல் பாரதிதாசன் என்று வைத்து கொண்டார். அவரே ஓரிடத்தில் காரணமும் சொன்னார் : பாரதி போல எளிய நடையில் புலவர்கள் எழுத வேண்டும் என்பதை உணர்த்தவும், சாதி ஒழுப்பு விளம்பரமாக வேண்டும் என்பதற்காகவும் தான்.

என் அப்பா அடிக்கடி சொல்லுவார், தமிழை மக்களுக்கு புரியும் வண்ணம் எளிமையாக பாடியவர்கள் : அருணகிரிநாதர், தாயுமானவர், பாரதி ! இவர்களை பார்த்து தான் பிறர் மாறினார்.

புதுவையில் தேர்தலில் வெற்றியும் தோல்வியும் பெற்றுள்ளார். அவரது வேறு சில புனைப்பெயர்கள் :  புதுவை கலைமகள், தேசபக்தன், தமிழரசு, கிறுக்கான். புரட்சி கவிஞர் என பெரியார் வாழ்த்தினார். குயில் என ஒரு பத்திரிக்கையை பலகாலம் நடத்தினார்.

சிங்கங்கள்

சிங்கங்கள்

மயிலம் முருகன் மீது மிகுந்த பக்தி கொண்டு, ‘மயிலம் ஸ்ரீ சுப்பிரமணியர் துதியமுதி‘ என முப்பது பாடல்கள் பாடினார். விநாயகர், முருகன், சிவபெருமான், சரஸ்வதி, திருமால் மீது துதி பாடல்கள் புணைந்துள்ளார். இப்படிப்பட்டவர் பெரியார் கொள்கை மீது அதிக நாட்டம் கொண்டார். 1933-ல் நடந்த உலக நாத்திகர் மாநாட்டு பதிவேட்டில், நான் ஒரு நிரந்தரமான நாத்திகன் எனக் கையெழுத்து இட்டுள்ளார் பாவேந்தர். அப்படியே வாழ்ந்தார்.

இவர்தான் பெரியார் – இவரை, யார் தான் அறியார் என எழுதினார் வாலி. (பெரியாருக்கு நாளை பிறந்தநாள்) தனது சீர்திருத்த கொள்கைக்கு மாறாக பெரியார் திருமணம் செய்து கொண்டார் என வேதனை அடைந்தார் பாரதிதாசன். கவிதை, கட்டுரை மூலம் இதை குறித்து அவரது எண்ணங்களை பதிவு செய்தார். ராமருக்கு செருப்பு மாலை அணிவித்தாலும், நாயக்கரின் சில கொள்கைகளினால் அவர் மீது  மதிப்பு உள்ளது எனக்கு. ஆனாலும் அவரது திருமண விடயம், புரியவில்லை. அவர் தனி மனிதர், என்ன வேணாலும் செய்யலாம் என்ற சப்பைக்கட்டு விளக்கமில்லாமல், வேறேதினும் இருந்தால் சொல்லுங்கள்…..

திராவிட இயக்கம் பெரியாரின் கொள்கையை விட்டு செல்கிறது என பாவேந்தர் சொல்லி/ எழுதி / கவிபாடி உள்ளார். இதை சொன்னால் நண்பர் சொல்கிறார் : பெரியாரை, பெரியாரின் கருத்துக்களை மக்களிடம் சென்று சேர்க்கிற எத்தனையோ இயக்கங்கள் இருக்கு, தி.க. மட்டும் இல்ல ! சமூகத்துல பெரியார் ஆதரவாளர்னாலே தி.க. தான் நினைவுக்கு வரும்.. தி.மு.க முற்றிலும் வேறுபட்டக் கொள்கைகளை உடையது. கடவுள் இல்லை என்பவர் பெரியார். ஒன்றே குலம். ஒருவனே தேவன் -அண்ணா

நான் சொன்னேன், கலைஞர் இன்னும் ஒரு படி மேலே உள்ளார். ரமலான், கிருஸ்மஸ் வாழ்த்து எல்லாம் சொல்லுவார், ஆனா தீபாவளி வந்தால் மறந்துவிடுவார். உண்மதானே ? என்றேன். நண்பர் : நாம அரசியல்வாதிகள் பற்றித்தானே பேசுறோம்… அவர் சிறுபான்மையினர் ஓட்டுக்காக அப்டி செய்யலாம்.. நான் அவ்ளோ deepஆ note பண்ணல. (இனியாவது நீங்களும் அவரும் நோட் பண்ணுங்க) பரதிதாசனை பற்றி பேசும் போது, அண்ணா, பெரியார், கலைஞர், எம்ஜிஆர், திமுக-காவை விட்டு விட முடியாது. நாற்சந்தியில் அரசியல் வேண்டாம், ஆனாலும் சிலவற்றை நாம் கவனிக்க மறக்கிறோம் / மறுக்கிறோம்

இன்னும் ஒரு விடயத்தை தமிழ் மக்கள் உணரும் நாளை நான் எதிர்நோக்குயுள்ளேன். பெரியார் தமிழகத்தின் மிக பெரும் சீர்திருத்த என்றால், அவரை விட சிறந்தவர் ஒருவரை நாம் ஏன் அறிய முற்படுவதில்லை. அவர் பெயர் தான் சுப்பிரமணிய பாரதி. அக்கிரகாரத்தில் பிறந்த அவன், (புதுமையான, புரட்சியான) சிந்திக்காத எண்ணங்களே  இல்லை என்றே சொல்லாம். அப்பழுக்கற்ற பார’தீ அவன். பெண் விடுதலை, சாதி ஒழிப்பு என அவன் பாடி சென்றதை உணர வேணும், அவனை போற்ற வேணும்…. பெரியார் ‘பெரியவர்’ என்றால், பிராமன ஐயன் பாரதி, பெரியாருக்கு பெரியவர். பாடையில் போகும் போது தான் பாரதியை கவனிக்கவில்லை….. பார் போற்ற வேண்டிய கவி அவன் !

“சுத்த அறிவே சிவமென்னும் சுருதிகள் கேளிரோ?…………” – பாரதி

பாவேந்தர் பக்கம் திரும்புவோம்….
ஒளவை, பாரதி போல அவரும் புதிய ஆத்திசூடி எழுதியுள்ளார்

  • அனைவரும் உறவினர்
  • ஆட்சியைப் பொதுமைசெய்
  • ஈதல் இன்பம்
  • காற்றினைத் தூய்மை செய்
  • கல்லார் நலிவர்
  • கேனாட்சி வீழ்ந்தது

புதுவையின் மிக பிரசித்தம் பெற்ற தமிழ்தாய் வாழ்த்தும் அவர் எழுதியதே

வாழ்வினில் செம்மையைச் செய்பவள் நீயே
மாண்புகள் நீயே செந்தமிழ் தாயே….

விடுதலை போரின் போது மிகுந்த ஆர்வம் கொண்டார். காந்திய வழி நின்றார். கதர் அணிந்தார், அதனை பற்றி பிரச்சாரம் செய்தார். கடனுக்கு கதராடைகள் விற்றார். ‘கதர் ராட்டினப்பாட்டு‘ எழுதி, சொந்த செலவில் பதிப்பித்தார். இன்னும் பல புத்தகங்கள் / கவிதை தொகுப்புகள் எழுதியுள்ளார். (சொடுக்கினால் படிக்கலாம்)

மேலும் பல படைப்புகளை செய்துள்ளார். பாரதிதாசனின் அனைத்து படைப்புகளை வாசிக்க சொடுக்கவும்

1964ஆம் வருடத்தின் ஞானபீட விருதுக்காக தேர்வு செய்யப்படார், ஆனால் வாங்கும் முன்னமே அவரது காலம் முடிந்தது. இந்த நாட்டின் சிறந்த கவி – என அவருக்கு பட்டம் தர, சாகித்தியா அகாதமி முடிவு செய்தது, ஆனால் கொடுக்கும் முன் காற்றுடன் கலந்தார். வாழும் கவிஞ்ர்களுக்கு மட்டுமே அந்த பட்டம் வழங்கப்படும். ஆனாலும் அவரது பிசிராந்தையார் நாடத்தக்கு 1969ஆம் ஆண்டின் தமிழ் சாகித்தியா அகாதமி விருது வழங்கப்பட்டது. இன்றுவரை தமிழில் விருது பெற்ற ஒரே நாடகம் இது தான். இவருடைய பெயர் கொண்ட பாரதிதாசன் பல்கலைக்கழகம் திருச்சியில் உள்ளது. இவர் புதுவையில் வாழ்ந்த சாலை அவர் பெயரைக் கொண்டது. மெரினா கடற்கரை உட்பட பல இடங்களில் அவருக்கு சிலை உள்ளது.

இமயமலைசாரலில் ஒருவன் இருமினான்
குமரி வாழ்வான் மருந்து கொண்டோடினான்

என பாடிய பாவேந்தரின் இறுதி நாட்கள், மிகவும் மோசமாக இருந்தன. திரைப்பட முயற்சியில் தோல்வி, திமுக-வுடன் சண்டை என சென்றது. சாகும் சற்று நேர்த்துக்கு முன், பேரனுக்கு பாரதி எனப் பெயர் சூட்டினார், தன்னை புதுசேரி அழைத்து செல்லுமாறு சொன்னார். பிரேதத்தை கவிஞர் கண்ணதாசன் புதுசேரிக்கு காரில் எடுத்து சென்றார்.

புதியதோர் உலகம் செய்வோம்… என்னும் பாரதியின் கனவுகளை பின்பற்றி வாழ்ந்த பாவேந்தர் வாழ்க. பாரதிதாசனின் சில பாடல்கள் மட்டுமே எனக்கு தெரியும் 😦 அதில் மிக சிறந்தது என சொன்னால்

“துன்பம் நேர்கையில் யாழெடுத்து நீ
இன்பம் சேர்க்க மாட்டாயா? ….”

எனக்கு மிகவும் பிடித்த சுத்த தமிழ் பாடல்களுள் இதுவும் ஒன்று ! என்ன ஒரு அழகான பாடல்…. அதை பற்றி தனிப் பதிவே எழுதலாம் . நீங்களும் கேளுங்கள், பாம்மே ஜெயஸ்ரீயின் மதுர குரலில். உள்ளம் குழையும்

இன்று எம்.எஸ் அம்மாவின் பிறந்தநாள் ! இவளின் இனிமையான இசையை ரசிக்க என்ன தவம் யான் செய்தேன் ? இசையின் முடிசூடா அரசி அவள். வாழ்க்கை முழுவதும் இசையை சாதனம் செய்து, சாதனை செய்தாள். வாழ்வு முழுதும் இசையை கற்றாள் !(இசைப்பாவில் எம்.எஸ்,அம்மா) United Nations மாநாட்டில் எம்.எஸ்.அம்மா பாடிய சிலப்பதிகார பாடலை கேளுங்கள்.

இன்று எழுத்தாளர் கி.ராஜநாராயணனின் 91-ம் பிறந்தநாள் மற்றும் நமது நிதி அமைச்சர் பா.சிதம்பரம் அவர்களுக்கு பிறந்தநாள், வாழ்த்துகள். ட்விட்டர் நண்பர் திரு சக்திவேல் அவர்கள், இன்று திருமதி அர்சனாவுடன் தனது இல்லறப்பயணத்தை துவங்கி உள்ளார், மனம் நிறைந்த வாழ்த்துக்கள். சிங்கப்பூரின் தந்தை எனக் கருதப்படும் அரசியல்வாதி திரு.லீ குயன் யோ (Mr Lee Kuan Yeo) அவர்களின் பிறந்தநாள் இன்று.

வழியும் வலியும்

நாற்சந்திக் கூவல் – ௮௫(85)

(உணர்வின் பதிவு)

{ உணர்வில் உதித்த உறவுக்கதை(!?!) }

வெள்ளிக் கிழமை காலை பத்து மணி. ஆர்வமாக ட்விட்டரில், கீச்சுக்கள் மூலம் சில பேச்சுக்கள் நடந்து வந்தன. நானும் அதில் மூழ்கி விட்டேன். சரியாக, அலுவலகத்துக்கு புறப்பட வேண்டிய நேரம் கடந்து விடும் சமயத்தில், சட்டையை மாட்டி கொண்டு, வண்டியை ஒரே அழுத்தாய் அழுத்தினேன். எண்ணங்கள் எங்கெங்கோ பறக்க, நான் மாட்டு சம தளத்தில் பயணித்தேன் !

அது என்ன நல்ல நேரமோ தெரியல, நான் செல்லும் சமயம் பார்த்து இந்த சிக்னல்(கள் எல்லாம்), ஆரஞ்சு நிறத்தில் இருந்து சிவப்புக்கு குதிக்கும். யாரோ செய்யும் சதி என்று கூட தோன்றும். அருகில் நிழல் இருந்த ஒர் ஓரத்தில், (எப்பொழுதும் போல) ஒதுங்கி நின்று கொண்டேன். எட்டு பதினாறு கண்களுடன் என்னையே பார்த்து கொண்டு இருந்த ப்ளெக்ஸ் பேனர்களை, வெறுப்புடன் நானும் பார்த்தேன். அரசியல், வீடு, சமையல், செல்பேசி, விளையாட்டு…. என பெரும் பட்டியல். காசு இருந்தால் கனவுகள் காணலாம் !

என்னை நோக்கி ஒரு பெரியவர் வந்தார். டிபிகல் கிராமத்து மனிதர். இந்தியாவின் எந்த கடைக்கோடியிலும் காணக்கூடிய விவசாயி. வெயில் கொடுத்த கொடை : கருத்த நிறம். உழைப்பின் சுவடுகள் : கட்டுமஸ்தான உடல், நேர் கோட்டில் முதுகெலும்பு. கவலையில் சுருங்கிய நெற்றி மட்டும் சட்டை காலர். பழுப்பு நிறம் ஏறிப் போன சட்டை. அவிழ்த்து விட்ட மேல் மூன்று சட்டை பொத்தன்கள். முண்டாசுக்கா தோளில் துண்டு. மடித்து கட்டிய வேட்டி. பட்டாப்பட்டி. வாய் நிறைய வெத்தலை. முன் வழுக்கை. காற்றில் பறந்த, ஸ்பைக்ஸ் போன்ற முடி (சுய) அலங்காரம். குறுந்தாடி. நீண்ட மீசை. இரண்டும் வெண்மை நிறம். அனுபவ வயதில் தோய்ந்த கண்கள். அதற்கு மேல் அரசு கொடுத்த கண்ணாடி. கக்கத்தில் ஒரு மஞ்சப் பை, வெத்தலைப் பெட்டி உடன். இவைகளும் ஒரு வகை அழகிய ஸ்டைல் தான் என்று எண்ணினேன் !

“ஒரு கல்யாணத்துக்கு போவணும் தம்பி. இங்கு இருந்து விமான நிலையத்துக்கு எத்தன ரூவா ?” அஞ்சு இல்ல நாலு ரூவா வரும். சிக்னலில் எண்கள் எறங்கி கொண்டே ஓடின. எனக்கோ அவசரம். ஆனாலும் போகவில்லை, அடுத்த கேள்வி “எந்த நம்பர் பஸ்ல தம்பி ஏறனும்” நானும் வரிசயாக பஸ் எண்களை அடுக்கி விவரித்தேன். மொப்சல் வண்டிகளில் ஏற வேண்டாம் என்றும் சொன்னேன்.

farmerசொல்லி முடித்தது தான் தாமதம், சிக்னல் விழுந்து விட்டது. கூட்டை பிய்த்து கொண்டும் ஓடும் சிங்கங்கள் போல வீறிக் கொண்டு, இஞ்சின்கள் கர்ஜிக்க அனைவரும் பறந்தனர். ஏனோ இங்கு மட்டும் எல்லோருக்கும் அவசரம். நான் மட்டும் ஓரத்தில் நம்ம தாத்தாவுடன். “எங்க தம்பி பஸ் ஏறனும்” சிக்னல் மறுபுறத்தில் இருந்த இடத்தை சுட்டிக் காட்டினேன். அங்கு பயணிகளுக்கு என நிழலில் தரும், கூரை வேயிந்த இடம் எல்லாம் இல்லை, அதை விட அழகாக சில மரங்கள் அந்த பணியை செய்தன. திரும்பவும் அதே கதை : ஆரஞ்சு நிறம் சிவப்பாக மாறியது.

“ரொம்ப நன்றி தம்பி, போய்ட்டு வாரேன்” என்று சொல்லி, மெல்ல சாலையைக் கடந்தார் பெரியவர். சில வினாடிகளில் அவர் செல்ல வேண்டிய பேருந்து வந்து. என்னை திரும்ப பார்த்து, சிரித்து கொண்டே படிகளில் ஏறி விட்டார். விசில் சத்ததுடன் பஸ் கிளம்பியது.

சிக்னலில் கவனம் செலுத்தினேன், அதுவும் பச்சை நிறம்க் காட்டி சிரித்தது. தாமதமாக அலுவலகம் சென்றடைந்தேன். வேலைகள் வந்து குவிந்தது. சில சமயம் கோவமும், அலுப்பும், சலிப்பும் தான். ஆனாலும் நாள் முழுவதும், அந்த பெயர் தெரியா பெரியவர், சொல்லி சென்ற நன்றியும், அவர் காற்றில் தூது அனுப்பிய சிரிப்பும், உற்சாகமும் இன்பமும் மாறி மாறி ஊட்டின. அவர் முகம் மட்டும் இன்னும் மறக்கவில்லை. நான் செய்தது ஒரு உதவியே அல்ல ! இருப்பினும் கைம்மாறு பற்றி நினைக்கமால் செய்யும் உதவுவின் பயன் இதுவோ, என்று மனம் எண்ணியது. சரியோ தவறோ, இன்பம் மட்டுமே மிச்சம் இருந்தது.

அவரின் பால் என்னை கவர்ந்து என்ன, என்று சிந்தித்தேன். அவர் நிறமோ, உடையோ, நடையோ நிச்சயம் அல்ல. அவர் பேசிய முறை தான். வாய் நிறைய தம்பி தம்பி என்று விளித்தார். என் உதவிக்கும் நேரத்துக்கும் அவர் கொடுத்த மிகப்பெரும் சன்மானம் : பஸ்சில் ஏறும் பொழுது அவர் விட்டு சென்ற அன்பின் சிரிப்பு தான் ! வெகுமதி என்றால் இது அல்லவோ….. பணத்தால் இதைப் பெற முடியுமா ?

சனிக் கிழமை காலை, கிட்டத்தெட்ட அதே நேரம், அதே சிக்னல், அதே சிவப்பு நிறம், அதே நிழல், அதே நான். யாரவது வந்து உதவி கேட்ப்பார்களா என்று கண்கள் வட்டமிட்டன. யாரவது வழி கேட்டு, இன்றைய மன வலிகளுக்கு, சிரிப்பு மருந்து தர மாட்டார்களா என்று மனம் ஏங்கியது. அதோ என்னை நோக்கி ஒரு பாட்டி அம்மா வருகிறார்கள்………….. 🙂

[இது சிறுகதை எனில் சொல்லுங்கள், ‘பகுப்பு’ல் சேர்க்கிறேன் !  ]

நாற்சந்தி நன்றிகள் !

நாற்சந்தி கூவல் – ௮௫(84)

(! பதிவு)

cooltext850575243

இன்று பதிவு எழுத வேண்டிய அவசியமே இல்லை. ஆனாலும் ஒரு காரணம் உண்டு. எந்த வித முன் யோசனையுமின்றி எழுத வந்துள்ளேன். இன்று நாற்சந்தி அதன் இரண்டாம் ஆண்டில் அடி எடுத்தி வைக்கிறது.  பிறந்த பிஞ்சு குழந்தையை, கழுத்து விட்டு போகாமல் இருக்க, கழுத்தை பிடித்து தூக்குவது வழக்கம். நீங்களும் இந்த தளத்தை அத்துனை அக்கறையுடன் பேணி, பாரட்டி, பாதுகாத்து, ஊக்குவித்து நடத்தி வந்துள்ளீர்கள். நன்றி என்று சொல்லி முடித்து விட முடியாது…… நம் நேசமும் பாசமும், எழுத்துகள் என்னும் பாலத்தின் மூலம் பலப்படட்டும்.

என் வளர்ச்சியை கண்டு என்னை விட மகிழ்ச்சி அடைபவர்கள் இவ்வுலகில் மிகவம் சில உளர் !  அதில் ஒருவன் தான் தமிழ் தம்பி. இன்று என்னை பற்றி ஒரு, பல சில பெருமையான பொய்களை கலந்து ஒரு பதிவு எழுதி உள்ளான்.

->>>>தவறவிடக் கூடதவன்.<<<<- தலைப்பில் சிறு பிழை. ‘தவறு கூடியவன்’ இது தான் உண்மையான தலைப்பு ! நம் ‘தமிழ் பிழைகளின் தலைமையாகத்துக்கு’  மிக பொறுத்தமான தலைப்பும் கூட ! எனக்கும் தான், நானும் நாற்சந்தியும் ஒன்றே! இருந்தாலும்

என் கருத்து : நன்றி தமிழ் தம்பி! நான் இத்தனை பாராட்டுக்கு தகுதி இல்லாதவன் ! என்னை வளர்க்கும் இந்த தமிழ் சமூகமும், கல்கி, பாரதி போன்றோர் செய்யும் விந்தை 🙂

வரலாற்றில் பதிய சில எண்கள், இதுவரை நாற்சந்தியில் :

  • 84 பதிவுகள்
  • 4 பக்கங்கள்
  • 27 பகுப்புகள்
  • 108 tags
  • 104 கமெண்ட்ஸ்
  • 4619 பார்வைகள் (அரை மணி முன் வரை)
  • 126 பார்வைகள் ஒரே நாளில் 05/02/2012
  • 26 followers ( 12 wordpress, 14 ஈமெயில்)
  • 8 பகிர்வுகள்

ஏற்கனவே சொல்லியது போல, நாற்சந்திக்கும் நாலுக்கும் பொருத்தம மிக அதிகம்.

நச்சுன்னு நாலு நாற்சந்தி பட்டியல்கள்

நாற்சந்தி நாலு –  நச் வாசகர்கள் :

நாற்சந்தி நாலு –  நச் வாசகர் விருப்பம் :

நாற்சந்தி நாலு –  நச் என் விருப்பம் :

நாற்சந்தி நாலு –  நச் தம்பிகள்  :

(தமிழ் தம்பி இதில் சேர்த்து இல்லை)

இன்று முதல் youtubeலும் : ஒலி பிரவேசம், முதல் காணொளி : பாரதி சிறப்பு பாடல் – வாழிய செந்தமிழ் ! . பாடியவர் : எம்.எஸ் அம்மா


இது வரை சொந்த கருத்துகளுடன் எழுதிய பதிவுகள் மிக குறைவு, என்பது தான் உண்மை. மேலே உள்ள பட்டியலை உருவாக்கும் பொழுது, இதனை, நன்கு உணர்ந்து கொண்டேன். இன்னும் சிறப்பாக எழுத ஆசை, என்று எல்லாம் சொல்ல மாட்டேன். அனைத்து பதிவுகளிலும் என் முழு முயற்சியை தந்துள்ளேன், என்பது எனக்கு தெரியம். உங்களுக்கு அது பிடிக்கிறதா, இல்லையா என்பது வேறு விடயம் (தமிழ்டா!).

நான் பொழப்புகாக எழுத்துபவன் அல்லன். பொழுது போக்குகாக மனம் உவந்து எழுதுபவன். எனவே எனக்கு கிடைக்கும் சிறு சிறு பாராட்டுகளும் சிகரங்களே, அது ஒரு பதிவன் likeகாகவோ, commnetடாகவோ, followingகாகவோ எதுவாகவோ இருந்தாலும் சரி! படிக்க தான் நிரம்ப உள்ளது. நிறைய படிக்க தான் ஆசை, வேறு ஒன்றும் இல்லை! அதில் வரும் இன்பங்களை, அனுபவங்களை, எண்ணங்களை முடிந்த மட்டும் பகிர்ந்து கொண்டு பயன் பெறுவோம் 🙂

ஏ நாற்சந்தி, நீ எனக்கு செய்த, நன்மைகளுக்குகாக, நீ நீடுழி வாழ்க!!!

அவசியமா Accessories ?

நாற்சந்தி கூவல் – ௭௬ (76)
(அவசியப் பதிவு)

அவசியமா Accessories ?

நீயா – நானா. தமிழ் கூறும் நல்லுலகில், தொலைக்காட்சி பெட்டியை பார்க்கும், வெகுஜென தமிழ் மக்கள் பார்க்கும் ஒரு விவாத மேடை. நல்ல நல்ல தலைப்புகளை எடுத்து கொண்டு அவர்கள் நடத்தும் விவாதம் சுவாரஸ்சியமாக தான் உள்ளது. அதில் வியப்பு ஒன்றும் இல்லை. ஏனெனில் அதுவும் (தனியார் தொலைக்காட்சி) ஒரு வியாபாரம் செய்யும் புதிமையான யுக்தி தானே. நம்மை போல கொஞ்சம் யோசிக்க தெரிந்தவர்களே இதை பல சமயம் மறந்து விடுகிறோம்.

‘Freedom to talk’ என்பது அவர்களது குறிக்கோள். எதையும் சும்மா பார்த்து விட்டு நம்ப முடியாது. திருவள்ளுவன் கூறியது போல ஆராய்தல் அவசியம். இதில் பேசுபவர்கள் அனைவரும் சுயமாக சிந்தித்து தான் பேசுறாங்களா, இல்லை முன்னமே இப்படி இப்படி தான் பேச வேண்டும் என்று சொல்லப்படுமா, என்பது என் முதல் கேள்வி.

இரண்டாவது கேள்வி : அவர்கள் சொந்தமாக பேசினார்கள் என்று வைத்து கொள்வோம். அவர்கள் பேசியது அனைத்தும் ஒளிபரப்பப் பட்டதா…………

இந்த இரண்டையும் தாண்டி இந்த வாரம் எடுத்துக்கொண்ட தலைப்புக்கு வருவோம். Accessories. இறுதி ஒன்பது சொச்சம் நிமிடத்தில் அவர்கள் சொன்ன கருத்துக்களை நான் ஏற்க மறுக்க வில்லை. தமிழ்நாட்டில் சென்னைக்கு மட்டுமே உகந்த தலைப்பு. ஏன் என்று கேட்டால், இதர தமிழக மாவட்டத்தில் உள்ள 95% இளசுகளுக்கு, அந்த சொல்லின் அர்த்தம் கூட தெரியாது. (இதில் கலந்து கொண்ட பலருக்கும் இதன் பொருள் தெரியாது, என்பதே என் கருத்து)

ஆனால் இது வெகு ஜன மக்களை எப்படி பாதிக்கும் என்று பார்போம். தமிழ் பேசும் வீடுகள் அனைத்திலும் இந்த Episode நேற்று பார்க்கப் பட்டு இருக்கும். அதில் கலந்து கொண்டது போல உள்ள பெரும்பாலான சென்னை இளைஞர்கள் அதனை பார்த்து இருக்கு வாய்பே இல்லை – அவர்கள் எப்பொழுதும் போல சண்டே பார்ட்டி-க்கோ, படத்துக்கோ, எங்கோ சென்று இருப்பார்கள்.

தமிழகத்தில் சென்னை மட்டும் தானா. இதர ஊர் பதின் பருவத்து பசங்களுக்கும், பெண்களுக்கும் Accessories பற்றிய ஒரு அறிமுகமா மாறி உள்ளது இந்த நிகழ்ச்சி , என்பது நிதர்சனம். சும்மா இருந்த பசங்கள், நீமேட்டீ இது போல பொருட்களின் மேல், ஆசைப்பட தூண்டியுள்ளது . இதை நீங்கள் நிச்சியம் மறுக்க முடியாது. ஒரு மணி நேரம் முழுக்கு கோபி சார் அணைத்து Accessoriesசையும் அழகாக அறிமுக படுத்தி, எது எப்படி, அதன் விலை என்ன, அது எங்கு கிடைக்கும், ஆண்களுக்கு என்ன பிடிக்கும், என்ன பிடிக்காது, பெண்களின் விருப்பு வெறுப்பு என்ன, அவர் அவர் அனுபவம் என்ன என்று இளசுகள் மனத்தில் நஞ்சை வார்த்து விட்டார் என்று, உங்களுக்கு நான் சொல்ல புரிய வைக்க வேண்டியது இல்லை.

தமிழ் சினிமா படங்கள் செய்வது: மொத்த படத்திலும் எல்லா கெட்டதையும் காட்டி விட்டு, கடைசி ஒரு நிமிட சிலைடில் ஞான உபதேசம் செய்வார் இயக்குனர். அச்சு அசல் அது போலவே Accessories பற்றிய (மேல் சொன்னது போல) விரிவான ஒரு ஈர்ப்பை எற்படுத்தி (இதில் கோபி பல முறை wow, correct point, (விழுந்து விழுந்து) கைதட்டி, நல்ல observation என்று சொல்லியது எல்லாம் நரகாசம்) கடைசி பத்து மணி துளிக்கும் குறைவாக சாந்தி மற்றும் ஓவிய அவர்கள் துணை கொண்டு ஒலக அறிவு கொடுத்துள்ளது இந்த நீயா -நானா. இந்த நிகழ்ச்சிக்கு இடையில் எத்தனை Accessories விளம்பரங்கள் வந்தன என்பதை நான் அறியேன் (இன்டர்நெட் மூலம் தான் பார்த்தேன்). கிளைமாக்ஸ் கருத்தை விட மொத்த படத்தில் வருன தான் நம் மனதை பாதிக்கும்,ஈர்க்கும், பேசப்படும், விவாதிக்கப்படும் …… என்பதே உண்மை. பார்த்த எத்தனை பேர் இந்த நிகழ்ச்சிக்கு வந்த நவ நாகரிக பெண்கள் மற்றும் ஆண்கள் அணிந்து வந்த போல Accessories வாங்க வேண்டும் என்று முடிவு செய்தார்களோ……… வானத்துக்கு தான் அது வெளிச்சம். கொஞ்சம் யோசித்து பாருங்கள், புலப்படும்.

இந்த நிகழ்ச்சியில் சில பெண்கள் கூறியதை என்னால் நம்ப முடிய வில்லை. ஆதகப்பட்டது ‘ஆண்கள் எங்களை பார்க்க வேண்டும் என்பதற்காக இந்த Accessoriesசை நாங்கள் பயன்படுத்த வில்லை / எங்களை கவர்ச்சிகரமாக காட்ட இவைகளை உபையோகிக்கவில்லை / எங்கள் மீது அவர்களது கவனத்தை ஈர்க்க முற்சிக்கவில்லை ‘ என்று சூடம் மேல் சத்தியம் செய்யாத குறையாக (இன்நிகழ்ச்சியில் கலந்து கொண்ட) பெண்கள் சொன்னது, முற்றிலும் பொய்.

Accessories = something added to a clothing or a thing that has a useful or decorative purpose. (Cambridge Dictionary). அவர்கள் அணிந்து இருந்து எதுவும் useful இல்லை. அனைத்துமே decorative தான். எதற்காக ஒரு சாமானை நாம் அலங்கராம் செய்கிறோம்? நாலு பேர் பார்க்கும் பொழுது அந்த பொருள் அழகாக தெரிய வேண்டியும் மற்றும் அந்த பொருள் பிறரை ஈர்க்கும்/கவரும் வண்ணம் அமைந்து இருக்க வேண்டும் , என்பது தானே…………………………

அழகு என்பது தற்காலிகமானது. இதனை நாம் அறிய மறுப்பது அறிவீனம். இவளோ பேசிய ஷாலினி பயன்படுத்திய இரு முக்கியமா Accessories – ஜிகு ஜிகு சட்டை, நிகழ்ச்சி நெடுக்க கால் மேல கால் போட்டு உட்கார்ந்து கொண்டது. இது அவரை ஈர்க்க அவர் செய்து செயல் என்றே நான் சொல்வேன். நான் சின்ன வயசுல இருந்தே இப்படி தான், பெரியார் ரசிகை என்பது எல்லாம் அலங்கார பேச்சாக தான் தோன்றுகிறது.

ஓவியா சொன்ன ஒரு கருத்து மிகவும் முக்கியதுவம் வாய்ந்து, அதனை எத்தனை பேர் இதுவரை ஞாபகத்தில் கொண்டு உள்ளீர்களோ?! (தமிழ் பட கிளைமாக்ஸ் கருத்து போல தான்). காலம் தான் மிக முக்கியமானது. அழகோ சில காலத்தில் மறைந்து விடும். நாமும் காலத்தில் கரைந்து போய் விடுவோம். எனவே இருக்கும் காலத்தை சிந்தித்து பயன்படுத்துங்கள். Accessories வாங்க காலத்தையும் பணத்தையும் செலவு செய்து, அதை அணிந்து கொள்ள, Choose பண்ண, MakeUp பண்ண வேறு காலத்தை வீண் செய்வதன் பயன் என்ன?

பெண்களை ஒரு (போகப்) பொருளாக பார்ப்பது தவறு என்று பெண் அழகி பதிவில் எழுதி இருந்தேன். ஆனால் இதில் ஒரு பெண் நாங்கள் இந்த பாணியில் இது வரை சிந்தித்து இல்லை . இந்த நிகழ்ச்சி ஒரு EYE-OPENER என்று சொன்னது எல்லாம், காது குத்து வேலை. கல்லூரி செல்லும் பெண் இதனை உணரவில்லை என்று சொல்வது பச்சப் பொய். இதற்கு கோட் கோபி “உங்களுக்கு இந்த செய்தியை எடுத்து செல்ல தான் இந்த நிகழ்ச்சி……………………. எங்கு ஆரம்பித்து. எங்கு வந்துள்ளோம் பாருங்கள் ” எல்லாம் கொஞ்சம் செயற்கை தனமாக, விளம்பர யுக்தியகா தான் எனக்குப் பட்டது.

ஓவியா சொன்ன இன்னொரு கருத்து. ஆண்கள் தான் வேறு ஆள் என்று காட்டி கொள்ள இந்த Accessories பயன்ப்படுத்தக் கூடாது . அவர்கள் சுய குணத்தை மறைத்து கொள்ள இது உதவாது என்று சொன்னார்கள். நாம் நாமாக இருக்க முயற்சி செய்ய வேண்டும்.

இந்த மாதரி நல்ல செய்திகளை எல்லாம் கடைசி சில வினாடிகள் வைத்து விட்டு, மீதி நிகழ்ச்சி முழுவதும் ~ இந்த Tatoo எங்கு குத்தப் பட்டது, அதன் விலை என்ன, எங்கு சென்று அதனை அழிக்கலாம், எங்கு இந்த மாதரி மோதரம் கிடைக்கும், அனைத்து பெண்கள் பூண்டு வந்த மோதர வகைகள் என்ன என்ன (இத வேற தனி தனியா ஜூம் போட்டு காட்டி), எதை போட்டால் எப்படி ஸ்டைல்-ஆகா நடக்க வேண்டும் என்று உதாரணம் காட்டி, எப்படி எப்படி எல்லாம் Color Color ஆகா shoe அணிந்தால் ஆண்களுக்கு, பெண்களுக்கும் பிடிக்கும், முடிக்கு எப்படி எல்லாம் வண்ணம் தீட்ட வேண்டும், எப்படி எல்லாம் ஸ்டைல்-ஆகா சிகிரெட் பிடிக்கலாம்,…………………………………..இதில் நடு நடுவில், அங்கு இருந்தவர்களை சுட்டி காட்டி இந்த மாதிரி இருந்தால் ரொம்ப பிடிக்கும், இது எல்லாம் வேஸ்ட் என்று வேறு பல ஹம்பக் ~ என்று மட்டுமே சுமார் ஒரு மணி நேரத்துக்கும் (மொத்த நிகழ்ச்சி ஒன்று மணி 15 நிமிடங்கள்) மேல் சொல்லிய நீயா – நானா நிகழ்ச்சிக்கு என் கடும் கண்டனங்கள்.

கடைசி கேள்வி : (சொந்த கேள்வி அல்ல) பிற தொலைகாட்சி நிகழ்ச்சிகளில் வருவது போல, நீயா-நானா வில் ஒருவர் பேசும் பொழுது அவர்களின் பெயர் ஏன் (கீழே) காட்டப் படுவது இல்லை?!

அழகு என்பதற்கு உலகில் பல பரிமாணங்களில் உள்ளது. இசை, ஓவியம், இயற்கை, சொல், செயல், குழந்தை, மழை, மழை, மழலை, காதல் , கதை , கவிதை, அன்பு, அன்னை, அறிவு, ………………………….. என்று சொல்லி கொண்டே போகலாம். அழகை ரசிப்பதை விட்டு விட்டு இந்த Accessoriesசை கட்டிட்டு அழுவான் ஏன்?

சங்க காலம் போல “அறிவு என்பதே அழகு” , என்று தமிழர் உணரும் நாள் என்நாளோ?!

கோடை குவளை…

நாற்சந்தி கூவல் – ௬௫(65)

(தண்ணீர்ப் பதிவு)

கோடை குவளை…

தவிச்ச வாய்க்கு தண்ணீர் கொடுப்பது தமிழர் பண்பாடு. இன்றைய கலாச்சாரத்தில் நாம் இதை செய்ய {வேண்டுமென்றே} மறுக்கிறோம், மறக்கிறோம். மாறுங்கள்…

சுட்டெரிக்கும் கோடை காலம், அக்னி நட்சத்திரம். வெளியில் சென்றால், வெயிலில் நடந்தால், தலை சுத்தும் அளவுக்கு எங்கும் தனியா வெப்பம். ஒதுங்கி நிற்க, நிழல் கொடுக்கக் கூட மரங்கள் இல்லாத அவலம். தண்ணீர் மட்டுமே நமது தோழனாகிறது.

நாம் மட்டும் குடித்து, குளிரிந்து, மகிழ்ந்தால் போதுமா? கொஞ்சம் இறக்கம் கொள்ளுங்கள். மனதின் ஈரத்துடன், பறவைகளின் தாகத்தை தனியிங்கள்.

{ இப்பொழுது தான், எம் வீடு பால்கனியில், ஒரு குவளை தண்ணீர் வைத்து விட்டு வந்து இந்த பதிவை எழுதுகிறேன் }

உங்கள் மனதில் ஒரு சந்தேகம் எழலாம். இந்த ஊரில் குருவிகளோ, கிளிகளோ அல்லது வேறு பறவைகளோ உள்ளனவா? அப்படி இருந்தாலும் இந்த தண்ணீரை தேடி வந்து குடிக்குமா?

கீதையில் ஸ்ரீ கிருஷ்ணர் சொல்லுகிறார் : “வேலையை செய், பலனை எதிர்பார்க்காதே” . இதுதான் கீதா சாரமமும் கூட.

நீங்கள் தண்ணீர் வையுங்கள். மன நிம்மதி, திருப்பதி அடையுங்கள். தினமும் இதே நம்பிக்கையுடன் வையுங்கள் “இதனால், பறவைகள் நன்மை அடையட்டுமாகுக“. நிச்சியம் நீங்கள் வைத்து நீருக்கு ஒரு குருவியேனும் வரும்.

நீங்களும் செய்யுங்கள். நண்பர்களையும் செய்ய சொல்லுங்கள்.

நல்லதை யார் சொன்னாலும் கேட்ப்பது தான் உயர் பண்பு!!!

லோகா சமஸ்தா சுகினோ பவந்து” – வேதம்

நாற்சந்தி நன்றிகள் : என்னை இப்படி சிந்திக்க தூண்டிய இந்த படம் – ‘பேஸ்புக்’கில் ஒரு நண்பர் பகிர்ந்து கொண்டது. முகவரி

குறிச்சொல் மேகம்

%d bloggers like this: