~! || உடல் || உள்ளம் || உயிர் || உலகம் உரசும் நாற்சந்தி >> || || || || << !~ :) தமிழ்ப் பிழைகளின் தலைமையகம் :) எத்தனை குறைகள், எத்தனை பிழைகள், எத்தனை அடியேன், எத்தனை செய்தால், பெற்றவன் நீ குரு பொறுத்தருள்வது உன் கடன்!!!

Posts tagged ‘ராமமூர்த்தி’

கம்பன் கேள்விகள் ?

நாற்சந்தி கூவல் – ௮௨ (82)

(கம்பன் பதிவு)

கம்பன் கேள்விகள் ?

கம்பன் மூலம் யான் பெற்றது பல பல. அதில் ஒன்று தான் எழுத்தாளார் திரு.சொக்கன் அவர்களுடனான இத்தொடர்பு. கம்பன் இணைய வானொலி மூலம் அவர் செய்யும் பாட்-காஸ்ட் அனைத்தும் அருமை. ஆனாலும் இதற்கு முன்றே எனக்கு கம்பனை காட்டியவர் என் மதுரை ஆசான் பேராசிரியர் கு.ராமமூர்த்தி. ட்விட்டர் மூலம் சொக்கன் சார் அவர்கள் சில கேள்விகளை பேராசிரியரிடம் கேட்க சொன்னார். சொக்கன் அருளால், வெகுஜன மக்களின் பார்வைக்காக பதில்கள் இந்த பதிவில்.

Kambar Image from the web

கம்பர் – இணையப் படம்

அந்த ‘வான்மீகி’ என்றப் பெயர் எப்படி வந்தது, அவர் வால்மீகி தானே ?

அதற்கு எந்த காரணமும் இல்லை. வழக்கத்தில் இருந்த பெயர் அது தான். ‘வான்மீகம்’ என்றால் புற்று என்று பொருள்ப்படும். அவர் புற்றில் இருந்து பல காலம் ராம நாம தவம் செய்ததால் இப்பெயர் வந்தது.

மேலும் ஒரு தகவல் : வான்மீகி என்ற முனிவர் ‘புறநாணூறு’ நூலில் தவத்தை ச்லாகித்து ஒரு அருமயான பாடல் எழுதி உள்ளார். அவர் தான் இவரா, இல்லை இவர் தான் அவரா என்று நிச்சியம் சொல்வதற்கு இல்லை.

ஒரு வெள்ளம் என்பதன் அளவு எவ்வளவு ?

1 00 00 000 00 00 000 . ஒன்றுக்கு பிறகு 14 பூஜ்யம் சேர்க்க வேண்டும். இது ஒரு கோடி கோடி தானே! இதனை அளக்க ஒரு வரையறை உள்ளது.

மேலும் ஒரு தகவல் : ராக்க்ஷச படை மொத்தம் 1000 வெள்ளம். இதில் யானைப் படை, குதுரைப் படை, தேர்ப் படை மற்றும் காலர் படை என நான்கு வகை உண்டு.

வானரப் படையில் குதிரை, யானை, தேர் படை இல்லையே, எப்படி வெள்ளம் பொருந்தும் ?

வெள்ளம் என்பது மொத்த எண்ணிக்கை தான். ராக்க்ஷச படையில் மொத்தம், அனைத்து குதிரை, யானை, தேர், காலர் சேர்ந்து தான் 1000 வெள்ளம்.

மேலும் ஒரு தகவல் : வானரப் படையில் மொத்தம் 70 வெள்ளம் சேனை. அதில் படை தளபதிகள் மட்டுமே 67 கோடி பேர்!!!

மேலும் மேலும் ஒரு தகவல் : இந்த வெள்ள கணக்கு அளவுக்கு ஆட்கள் இருந்தனர் என்பதற்கு எந்த வித சாத்தியமும் இல்லை. தயரதனுக்கு 64000 மனைவிகள், என்று சொல்வது போல ஒரு மிகைப்படுத்துதலே.

இலக்குவன் என்ற பெயர் சங்க பாடல்களில் உள்ளதா ? இலக்குவன் பெயர் காரணம் ?

இல்லை. ராமனின் தம்பி என்று தான் உள்ளது. ஆனால் கம்பருக்கு முன் இலக்குவன் என்ற பெயர் உண்டு. பெயர் காரணாம் : மறு (மச்சம்) லட்சணம் இருப்பதால் அவர் இலக்குவன், பெருங்கதை என்னும் நூல் இதனை சொல்லுகிறது.

மேலும் ஒரு தகவல் : இந்த விஷயத்தில் ‘பெருங்கதை’க்கு ஆதாரம் , குணபுத்திரன் எழுதிய உத்திரப் புராணம் (இது ஒரு ஜைன மத்தத்து நூல்) . வா.வே.சு ஐயர் கூட இக்காரணத்தை, இப்புத்தகத்தை தான் சொல்கிறார்.

சொக்கன் அவர்கள் சாகித்யா அகாதமி நூல் நிலையத்தில் – “Ramayana –  Tradition In South Asia”, தொகுப்பு : வி.ராகவன் – என்ற நூலை பற்றி சொல்லி இருந்தார். அந்த நூலை பற்றி பேராசிரியரிடம் கேட்டேன். அவர் சொன்னது : “அந்த புத்தகம் இரண்டு பகுதிகளை கொண்டது. நீ சொன்ன புத்தகம் முதல் பாகம், இரண்டவது பாகம் – ‘Asian Variations in Ramayana‘ தொகுப்பு : வி.எஸ்.ஸ்ரீனிவாச ஐயங்கார். இரண்டுமே நல்ல புத்தங்கள்”

இந்த (சுமாரான) எழுத்து வடிவம் மட்டுமே என்னுடையது.கேள்விகள் உபயம் : சொக்கன் அவர்கள். பதில்கள் பேராசிரியர் கு.ரமாமூர்த்தி அவர்கள் சொன்னது. நான் போன் மூலம் கேட்டு அறிந்தேன். நாற்சந்திக்கு இவ்வாய்ப்பை கொடுத்த இருவருக்கும் எம் நன்றிகள்.

மேலும் உங்களுக்கு ராமாயணம் சம்பந்தமாக எந்த கேள்வி இருந்தாலும் நாற்சந்தியிடம் கமெண்ட் மூலம் கேளுங்கள், உதவ தயார்!

Advertisements

வந்தியத்தேவன்!!!

(அறிவிப்பு : இதுவரை பொன்னியின் செல்வன் படிக்காதவர்கள்  இந்த பதிவை படிக்க வேண்டாம் என நாற்சந்தி அன்புடன் கேட்டுக் கொள்கிறது)

 நாற்சந்தி கூவல் – ௫௦(50)

(பொன்னியின் செல்வன்ப் பதிவு)

 (ஐம்பதாவது சிறப்புப் பதிவு)

வந்தியத்தேவன்….

(கல்கி பற்றியும், பொன்னியின் செல்வன் பற்றியும் நான் எழுத்தும் முதல் பதிவு)

சில எழுத்துகளை படிக்கும் பொழுது, நம்மை அறியமால் நமக்குள் வளர்ந்து வரும் பொறாமை செடி துளிர்விடும். ஆனால் சில ஏழுத்தோவியங்களை வாசித்து அனுபவிக்கும் சமயத்தில், ஒரு பெரிய பிரம்மிப்பு மட்டுமே மிஞ்சும். இந்த பொன்னியின் செல்வன் அது போன்றது தான்.

Ponniyin Selvan KALKI

பெரும்பாலான கதைகள் போல அது ஒன்-ஹீரோ ஸ்டோரி அல்ல. (இதனை இன்னொரு பதிவில் அலசுவோம்). ஆனாலும் வந்தியத்தேவனனை, நாம் முதன்மை கதாநாயகன் எனக் கூறலாம். காரணம் : ‘ஆடி பெருக்கில்’ அவனுடன் கதை துவங்கி, ‘மலர் உதிர்ந்தது’ என்னும் கடைசி அத்தியாத்தில் அவனுடன் சுபம் போடப்படுகிறது. (அவன் நம் மனதை கொள்ளை கொண்டவன் என்பது ஒரு கூடுதலான, சிறப்பான காரணம்)

‘பொன்னியின் செல்வன்’ படித்து முடித்ததிலிருந்து, பல முறை யோசித்தது உண்டு : “இப்படி ஒரு அழகான பாத்திரத்தை கல்கி அவர்கள் எப்படி படைத்தார்……. வந்தியத்தேவனுக்கு முன்னோடி யார்…. யாரை ‘ரோல்-மாடல்’ஆகா கொண்டு அவன் படைக்கப்பட்டான்…..”

இதற்கான சரியான விடை கல்கி அவர்களிடம் தான் உள்ளது. ஆனால் நாம், நம் சிறு மதியை கொண்டு சிலவற்றை யூகிக்க முடியும். யூகத்தில் தான் எத்தனை சந்தோஷம்!!!

மதுரை மாநகர் கொண்ட, ராமாயண ராமமூர்த்தி அவர்களிடம் இதை பற்றி பேசினேன். உலக இலக்கியங்களை அனைத்தையும் படித்த பெரியவர். அனைத்து இராமாயணங்களும் அவருக்கு அத்துபடி. மதுரை கம்பன் கழக சிறப்பு பேச்சாளர். என்னையும் படிக்க தூண்டிய மாமனிதன்.

அவர் கல்கி வாழ்கையில் நடந்து ஒரு சுவையான நிகழ்ச்சியை சொன்னார் :

(எனக்கு தெரிந்த தமிழில் அதனை திரும்ப சொல்கிறேன்)

~~~~~~~~~~~~~~~~~~~~~~~~~~~~~~~~~~

அழகான நாள். பொன்னியின் செல்வன் வெளிவந்து கொண்டிருந்த காலம். கல்கி அவர்கள் வீடு. ஆழ்ந்த சிந்தனையில், எப்பொழுதும் போல ஊஞ்சலில் சாக்க்ஷாத் கல்கி பெருமான். அவரது செல்ல குமாரி ஆனந்தி ஓடோடி வந்தால்.

ஆனந்தி: “அப்பா! அப்பா!! அப்பா!!!”

(சிந்தனையிலிருந்து மெதுவாக வெளிவந்து, சிறு புன்முறுவலுடன்….)

கல்கி: “சொல்லடி என் செல்வமே”

ஆனந்தி : “இப்படி அழகான கதைகளை எழுத, உங்களுக்கு மூலம் ஏது? எதை பார்த்து, எதை சிந்தித்து, எதை ரசித்து இப்படி எழுதுறீங்க…. அந்த ரகசியத்தை எனக்கும் சொல்லுங்களேன்.”

கல்கி: “ஹஹஹா, அதில் ஒரு ரகசியமும் இல்லை. நமக்கு என்று நம் முன்னோர்கள் விட்டு சென்ற ராமாயணம் மற்றும் மகாபாரதம் தான் என் வித்து.  அந்த விதை துளிர்விட்ட இலைகளே என் எழுத்துகள்”

~~~~~~~~~~~~~~~~~~~~~~~~~~~~~~~~~~

ஆஹா. நமது பண்பாட்டின் அருமையை அறிந்த பண்பு கொண்ட எழுத்தாளன் அல்லவா அவன்.

VNATHIYATHEVAN POONGULALI

மேலும் தொடர்ந்தார், எனது அன்பு கொண்ட, ராமமூர்த்தி ஐயா. பொன்னியின் செல்வனில் வரும் பல கதாப்பாதிரிங்களில் ராமாயண சாயல் தெரிகிறது. ஒரு பானை சோற்றுக்கு ஒரு சோறு பதம்.

பொன்னியின் செல்வன் வந்தியத்தேவன், சொல்லின் செல்வன் ஹனுமனின் மறு அவதராம். 

இது எத்தனை பெரிய உண்மை என்பதை நான் பல மாதங்களாக (சிறுது) சிந்தித்து தெரிந்து கொண்டேன்.

எனக்கு தெரிந்த,புரிந்த மட்டில் சில ஒற்றுமைகள்:

i) அசாதியமானவைகளை செய்வதில் இருவரும் சூரர்கள். அனுமார், சீதயை சந்தித்தது,பேசியது. வந்தியத்தேவன், சுந்தர சோழரை பார்த்தது, ஓலைக் கொடுத்தது, அ(பா)பயம் கேட்டது.

ii) இருவரும் கடலை கடந்து, இலங்கை சென்று, தத்தம் வாழ்வின் பயனை அடைந்தனர். அனுமன் சீதையைக் கண்டது. வல்லத்தவன், பொன்னியின் செல்வனை சந்தித்தது.

iii) அனைத்து முக்கிய கதா பாத்திரங்களுடன், இவர்கள் கொண்டிருந்த நட்பு அருமை. இரண்டிலேயும், இந்த நட்பு வலயத்தை உருவாக்க நடந்த சம்பவங்கள் நம் மனதை கொள்ளை கொண்டவை. இது கதை சொல்வதிலேயே ஒரு புதியமான யுக்தி. அனுமன் – ராமன், சீதை, இலக்குவன், சுக்ரீவன், ஜாம்பவான்…… வந்தியத்தேவன் – ஆதித்த கரிகாலார், திருமலை நம்பி, கந்த மாறன், சேந்தன் அமுதன் (உத்தம சோழர்), குந்தவை, வானதி, பூங்குழலி, பொன்னியின் செல்வன்…..

iv) இருவரும், முதலில் ஒரு தலைவனுடன் இருந்து, பிறகு ஒரு உத்தம தலைவனிடத்தில் சரணடைந்த, பெருவதர்கரிய பெரும் பேற்றை பெற்றவர்கள். அனுமன் – சுக்ரீவன் பிறகு ராமன், வந்தியத்தேவன் – முதலில் ஆதித்த கரிகாலன், பிறகு அருள் மொழிவர்மன்.

v) சொல்லிவன் செல்வர்கள். அனுமன் – ராமனிடத்தில், சீதையை கண்டதை பற்றி கூறுவது. வந்தியத்தேவன் – சுந்தர சோழரிடத்தில், ‘அபாயம்’ =  ‘அபயம்’மாக மாற்றியது.

vi) நம் மனதை கவர்ந்த அழகன்கள். (இதற்கான எடுத்துகாட்டை வர்ணிக்கும் அளவுக்கு என்னகு தமிழ் தெரியாது. எழுத வராது. மன்னிக்க. ஆனால் சிந்திக்க.)

vii) தன் தலைவனுக்கு முப்பொழுதும் தாசனாக இருப்பது மிக கடினம். இதைனை இருவரும் இறுதிவரை செய்தனர். கஷ்டக் காலம் வரும் பொழுதும் செய்தனர்.

viii) ராமருக்கு வைத்தியம் பார்க்க பெரும் உதவி செய்தார் ஹனுமான். (சஞ்சீவி மலையைக் கொண்டு வந்தது). நாகைப்பட்டிணம் புத்த விஹாரத்தில், பொன்னியின் செல்வனை சேர்த்தான் – தேவன். இருவருமே தங்கள் தலையை அடமானம் வைத்து, உயிரைக் கொடுத்து, தத்தம் தலைவர்களுக்கு வைத்தியம் செய்தனர்.

ix) ஹனுமனுக்கு ராம நாமம் என்றால், தேவனுக்கு சொல்லும், வேலும் ஆயுதமாகின.

x) இறுதியாக….. ராமன் பெரியவனா அனுமன் பெரியவனா… என்னும் கேள்வி ராமாயணம் படிப்பவர்கள் மனதில் நிச்சியம் வந்திருக்கும். அது போல பொன்னியின் செல்வன் பெரியவனா வந்தியத்தேவன் பெரியவனா…. எனும் கேள்வி பொன்னின் செல்வன் படிப்பவர்கள் மனத்தில் எழும். (இவைக்கு ஒரு சரியான விடை இல்லை. ஹைபோதிடிகள் கேள்வி). சிந்திக்க.

HANUMAN

மேலே சொன்ன ஒற்றுமைககளில் ஏதேனும்

i) தவறுகள் இருந்தால் சொல்லவும்,

ii) திருத்தும் இருந்தால் சொல்லவும்,

iii) வேறு நல்ல உதாரணங்கள் இருந்தால் சொல்லவும்,

iv) கூடுதல் ஒற்றுமைகள் இருந்தால் சொல்லவும்

இருவருக்கும் சில பல வேற்றுமைகளை உள்ளன. உங்கள் ஊக்குவிப்பு இருப்பின், ஒரு பதிவில், அதையும் (யோசித்து) எழுத, கொள்ளை ஆசை.

!!!!!!!!!!!!!!!!!!!!!!!!!!!!!!!!!!!!!

(என்னுரை)

கல்கி அவர்களின் எழுத்துக்கென ஒரு ஆரவாரமற்ற, ஆர்பாட்டமில்லா ரசிகர் கூட்டம், தமிழ் நாட்டில், உலகத்தில் உள்ளது. அதில் ஒரு கத்துக்குட்டி நான்.

அவரை படித்து ரசித்து, தமிழில் கிறுக்கவந்தவன் நான். எம் எழுத்துலக ஆசானுக்கு, தலைவனுக்கு, நவீன தமிழ் அகத்தியனுக்கு, பொன்னியின் புதல்வனுக்கு, ‘கல்கி’க்கு, இப்பதிவு சமர்ப்பணம். நாற்சந்தியும், ஓஜசும் அவருக்கு கடமை பட்டவர்கள், கடன் பட்டவர்கள். இந்த ஐம்பதாவது பதிவை அவருக்கு கொடுத்ததில் எனக்கு ஆத்ம திருப்தி. இது ஒரு சிறு குரு தக்க்ஷனை எனலாம்.

மேலும் அவரை பற்றி பேசுவேன். என் எண்ணங்களை போல, பல பதிவுகள் மேலும் ‘கல்கி’யை சுற்றி சுற்றி வரும். இதற்காக உங்கள் நல்லாதரவையும், அன்பையும் கோறுகிறேன்.

இப் பதிவில்: எழுத்துப் பிழைகள், கருத்து சொதப்பல்கள் இருக்கும் பட்சத்தில், அந்த குறை, குற்றம் என்னை சாரும். நல்லவை அனைத்தும் ‘கல்கி’யை மட்டுமே சாரும்.

எந்தரோ மஹானுபாவுலு, அந்தரிகி வந்தனுமுலு!!!

கல்கி தாசன்,

ஒஜஸ் 😉

கல்கியின் அனைத்து படைப்புகளையும் பதிவிறக்க சொடுக்கவும்.

(என்னை போலவே கல்கி அவர்களால் தமிழ் பக்கம் ஈர்க்கப்பட்டு, என் முயற்சி அனைத்துக்கும் ஊக்கமும், உற்சாகமும் கொடுக்கும், என் அன்பு தோழி ‘அபிநயா’ அவர்களுக்கு என் உள்ளம் கனிந்த நன்றிகள், நல்வாழ்த்துகள்!!!)

குறிச்சொல் மேகம்

%d bloggers like this: